VIDEO: एका रात्रीत 476 हल्ले! ड्रोन–मिसाईल महाआक्रमणामुळे टेर्नोपिल हादरले; 25 जण ठार, 19 जण जिवंत जाळले

Ukraine Russia War : युक्रेनच्या टेर्नोपिल शहरावर रशियाच्या ड्रोन आणि क्षेपणास्त्र हल्ल्यात 25 जणांचा मृत्यू झाला आहे. झेलेन्स्की तुर्कीला भेट देऊन पुतिन यांना राजनैतिकदृष्ट्या वेगळे करण्याचे प्रयत्न करत आहेत.

1. रशियाचा टेर्नोपिलवर ४७६ ड्रोन व क्षेपणास्त्र हल्ला; २५ ठार, ७३ जखमी, अनेक बेपत्ता.
2. नऊ मजली दोन अपार्टमेंट ब्लॉक्स लक्ष्य; १९ जण जिवंत जळाले, मुलांचा मृत्यू.
3. हल्ल्यानंतर झेलेन्स्की तुर्कीमध्ये; रशियाला आंतरराष्ट्रीय स्तरावर वेगळे करण्याची diplomatic मोहीम.

Ukraine Russia War : युक्रेन (Ukraine) आणि रशियामधील (Russia) युद्ध पुन्हा एकदा धोकादायक टप्प्यात पोहोचले आहे. बुधवारी पहाटे, पश्चिम युक्रेनमधील टेर्नोपिल(Ternopil) शहरावर रशियाने ड्रोन आणि क्षेपणास्त्रांचा भीषण मारा केला. एकूण ४७६ हल्ले स्ट्राइक व डिकॉय ड्रोन तसेच ४८ क्षेपणास्त्रे डागण्यात आली. या प्रचंड हल्ल्यांमुळे शहराला अक्षरशः हादरा बसला.

२५ जण ठार, ३ मुलांसह; १९ जण जिवंत जळाले

स्थानीय प्रशासनानुसार, या हल्ल्यात किमान २५ जणांचा मृत्यू झाला आहे. यामध्ये फक्त ५, ७ आणि १६ वर्षे वयाच्या तीन निरपराध मुलांचाही समावेश आहे. सर्वात वेदनादायी बाब म्हणजे १९ जणांना जिवंत जाळण्यात आले, असे युक्रेनचे गृहमंत्री इहोर क्लिमेन्को यांनी सांगितले. हा हल्ला लोक गाढ झोपेत असताना झाला असल्याने मृतांची संख्या झपाट्याने वाढली. पोलिश सीमेपासून अवघ्या २०० किमी अंतरावर असलेल्या टेर्नोपिलमधील दोन नऊ मजली अपार्टमेंट इमारतींना लक्ष्य करण्यात आले. ढिगाऱ्यातून लोकांना बाहेर काढण्यासाठी बचाव पथके रात्रंदिवस काम करत आहेत.

जागतिक घडामोडी संबंधित बातम्या वाचण्यासाठी येथे क्लिक करा : Bangladesh Crisis : शेख हसीना नाही तर तुरुंगात असलेली ‘ही’ महिला उलथवून टाकू शकते बांगलादेशातील सत्ताकारण; वाचा कसे?

अनेक अद्याप बेपत्ता, दोन दिवसांतही शोध अपूर्ण

बचाव पथकांनी दिलेल्या माहितीनुसार, दोन डझनपेक्षा जास्त लोक अद्याप बेपत्ता आहेत. इमारतींच्या ढिगाऱ्यात अडकलेल्यांना बाहेर काढण्यासाठी किमान दोन दिवस लागण्याची शक्यता वर्तवण्यात आली आहे. याशिवाय, ७३ लोक जखमी झाले असून त्यात १५ मुलांचा समावेश आहे. अनेकांची प्रकृती चिंताजनक आहे.

See more

Across many of our regions, work is underway to address the aftermath of Russia’s attack. It is confirmed that Russia launched more than 470 attack drones and 48 missiles of various types against Ukraine overnight – one ballistic and the rest cruise missiles. In Ternopil,… pic.twitter.com/EwQmc6Nv1S — Volodymyr Zelenskyy / Володимир Зеленський (@ZelenskyyUa) November 19, 2025

credit : social media

उच्च तंत्रज्ञानाने मोठी आपत्ती टळली

युक्रेनियन हवाई दलाने सांगितले की, रशियाने डागलेल्या ४७ क्रूझ क्षेपणास्त्रांपैकी ४१ हवाई संरक्षण प्रणालींनी हवेतच पाडली.
पाश्चिमात्य देशांकडून दिलेल्या एफ-१६ आणि मिराज-२००० लढाऊ विमानांनी किमान १० क्रूझ क्षेपणास्त्रे अडवून मोठा अनर्थ टाळला. यावरून एकच स्पष्ट होते, युक्रेनच्या संरक्षणात सहकार्य करणाऱ्या देशांचा प्रभाव वाढत आहे.

जागतिक घडामोडी संबंधित बातम्या वाचण्यासाठी येथे क्लिक करा : White House : व्हाईट हाऊसमध्ये रोनाल्डोचा जलवा! सौदी क्राउन प्रिन्सच्या स्वागतासाठी ट्रम्पचा विनोद; एलोन मस्क-टिम कुकचीही उपस्थिती

हल्ल्यानंतर झेलेन्स्की तुर्कीत : diplomatic मोहीम वेगात

या रक्तरंजित हल्ल्यानंतर काही तासांतच युक्रेनचे अध्यक्ष वोलोदिमिर झेलेन्स्की तुर्कीमध्ये पोहोचले.
तेथे त्यांनी राष्ट्राध्यक्ष रेसेप तय्यिप एर्दोगान यांची भेट घेतली.
झेलेन्स्की यांचे मुख्य उद्दिष्ट,

• रशियाला आंतरराष्ट्रीय स्तरावर वेगळे करणे
• युक्रेनसाठी जागतिक समर्थन वाढवणे

त्यांनी स्पष्टपणे सांगितले की, “युक्रेनला न्याय्य शांतता मिळवून देण्यासाठी सर्व क्षमतांवर चर्चा होईल.”त्यांनी एर्दोगानसोबतचे चांगले संबंधही अधोरेखित केले आणि तुर्की आपल्या राजनैतिक समर्थनात वाढ करेल अशी आशा व्यक्त केली. याचबरोबर झेलेन्स्की यांनी अमेरिकेकडून लवकरच नवीन संकेत मिळण्याची शक्यता व्यक्त केली असून, “उद्या बघू” असे ते म्हणाले. त्यामुळे अमेरिकेचा पुढील पवित्रा काय असेल याकडे जगाचे लक्ष लागले आहे.