
Maharashtra Breaking News Today 21.11.2026
21 Nov 2026 09:25 AM (IST)
पुण्यातील विमाननगर परिसरात विधानपरिषदेचे आमदार प्राजक्त तनपुरे यांच्या निवासस्थानी चोरीची घटना घडली आहे. चोरट्यांनी घरातून विविध मौल्यवान वस्तू चोरून नेल्या असून, एकूण ९० हजार ९१६ रुपयांचा ऐवज चोरीला गेल्याची माहिती समोर आली आहे.चोरी गेलेल्या साहित्यामध्ये लुई व्हिटॉन कंपनीची चामड्याची बॅग, नामांकित कंपनीचे ईअरपॉड, सूट आणि लिप पेन्सिल यांचा समावेश आहे. या घटनेप्रकरणी पुढील तपास सुरू आहे.
21 Nov 2026 09:15 AM (IST)
Gold Rate Today: भारतात 21 नोव्हेंबर रोजी 24 कॅरेट सोन्याच्या प्रति ग्रॅमचा दर 12,556 रुपये, 22 कॅरेट सोन्याच्या प्रति ग्रॅमचा दर 11,509 रुपये आणि 18 कॅरेट सोन्याच्या प्रति ग्रॅमचा दर 9,417 रुपये आहे. भारतात 21 नोव्हेंबर रोजी 22 कॅरेट सोन्याच्या प्रति 10 ग्रॅमचा दर 1,15,090 रुपये, 24 कॅरेट सोन्याच्या प्रति 10 ग्रॅमचा दर 1,25,560 रुपये आणि 18 कॅरेट सोन्याच्या प्रति 10 ग्रॅमचा दर 94,170 रुपये आहे. भारतात 21 नोव्हेंबर रोजी चांदीचा भाव प्रति ग्रॅम 174.90 रुपये आणि प्रति किलोग्रॅम 1,74,900 रुपये आहे.
Maharashtra to World Breaking News :
उत्तर महाराष्ट्रात थंडीची तीव्र लाट आली असून एकाच दिवसात तापमानात मोठी घसरण होऊन निफाडचा पारा ६.५ अंशांवर, तर नाशिकचे तापमान १० अंश सेल्सिअसवर घसरले आहे. पंतप्रधान नरेंद्र मोदी आज पश्चिम बंगाल, बिहार आणि उत्तर प्रदेश या तीन राज्यांच्या दौऱ्यावर असून आयआयटी खरगपूरचा अमृतमहोत्सव, वैशालीतील ३४,४७० कोटींच्या प्रकल्पांचे भूमिपूजन आणि लखनौमधील कौशल दीक्षांत समारंभाला उपस्थित राहणार आहेत.
नाशिक विभागात अन्न व औषध प्रशासनाने (FDA) दोन आठवड्यांत ७७ तपासण्या करून नियमांचे उल्लंघन करणाऱ्या ७ औषध दुकानांचे परवाने रद्द केले, तर १२ परवाने निलंबित केले आहेत. नंदुरबार जिल्ह्याच्या पूर्व भागात दुष्काळाची तीव्रता अधिकच भीषण झाली असून कापूस व सोयाबीन पिके भुईसपाट झाली आहेत, तर पुण्यात अतिक्रमणविरोधी कारवाईला वेग आला आहे.