Viral News :अमेरिकेत कुत्र्याच्या जीवासाठी सर्वोच्च न्यायालयात लढा; अखेर ‘ब्रूस’ला देण्यात आला मृत्यू

Viral News : कॅलिफोर्नियातील तीन वर्षांच्या ब्रूस नावाच्या कुत्र्याला अनेक हल्ल्यांनंतर कायदेशीररीत्या ‘हिंसक’ घोषित करण्यात आले होते. त्याला वाचवण्यासाठी मालक आणि प्राणी बचाव केंद्राने अनेक न्यायालयांमध्ये लढा दिला आणि अखेर अमेरिकेच्या सर्वोच्च न्यायालयातही आपत्कालीन अर्ज दाखल केला. मात्र निकालापूर्वी त्याला मृत्यू देण्यात आला

• चार हल्ल्यांनंतर ‘हिंसक कुत्रा’ घोषित
• प्राणी बचाव केंद्राची न्यायालयीन लढाई
• प्राणी बचाव केंद्राची न्यायालयीन लढाई
• निर्णयाआधीच ब्रूसला देण्यात आला मृत्यू

Viral News : अमेरिकेतील कॅलिफोर्नियामध्ये ‘ब्रूस’ नावाच्या तीन वर्षांच्या कुत्र्याच्या जीवासाठी सुरू असलेली कायदेशीर लढाई अखेर अपयशी ठरली. कायदेशीररीत्या ‘हिंसक कुत्रा’ ठरवण्यात आलेल्या ब्रूसला वाचवण्यासाठी त्याचे मालक आणि Santa Paula Animal Rescue Center यांनी स्थानिक न्यायालयांपासून थेट अमेरिकेच्या सर्वोच्च न्यायालयापर्यंत धाव घेतली. मात्र सर्वोच्च न्यायालयात आपत्कालीन अर्ज दाखल होऊनही न्यायालयीन निर्णय येण्यापूर्वीच व्हेंचुरा काउंटी प्रशासनाने ब्रूसला euthanasiaद्वारे मृत्यू दिला.

चार हल्ल्यांनंतर ‘हिंसक कुत्रा’ घोषित

ब्रूस हा सुमारे १०० पौंड वजनाचा Great Pyrenees आणि German Shepherd मिश्र जातीचा कुत्रा होता. अधिकाऱ्यांच्या म्हणण्यानुसार, फेब्रुवारी २०२४ ते फेब्रुवारी २०२६ या काळात त्याच्याकडून चार हल्ल्यांच्या घटना घडल्या. यातील काही घटनांमध्ये लोकांना गंभीर दुखापत झाली होती.

एका घटनेत एका महिलेच्या हाताला गंभीर दुखापत झाली आणि तिच्यावर शस्त्रक्रिया तसेच त्वचेचे प्रत्यारोपण करावे लागले. आणखी एका घटनेत एका व्यक्तीवर हल्ला झाल्याचे प्रशासनाने सांगितले. या घटनांच्या पार्श्वभूमीवर व्हेंचुरा काउंटी अॅनिमल सर्व्हिसेसने ब्रूसला सार्वजनिक सुरक्षेसाठी धोका असल्याचे सांगत त्याला ‘vicious dog’ घोषित करण्याची मागणी केली.

मार्च २०२६ मध्ये सुनावणी अधिकाऱ्याने ब्रूसला ‘हिंसक’ घोषित करून euthanasiaचा आदेश दिला. त्यानंतर एप्रिलमध्ये व्हेंचुरा काउंटी सुपीरियर कोर्टानेही हा निर्णय कायम ठेवला.

Indonesia Earthquake: इंडोनेशियामध्ये 24 तासांत 3 भूकंप, 2 देश हाय अलर्टवर; जाणून घ्या ‘या’ नैसर्गिक आपत्तीमागील वैज्ञानिक कारण

प्राणी बचाव केंद्राची न्यायालयीन लढाई

ब्रूसच्या मालकांसोबत Santa Paula Animal Rescue Centerने त्याला वाचवण्यासाठी न्यायालयीन लढा सुरू केला. सुरुवातीला काही काळ ब्रूसच्या euthanasiaला स्थगिती मिळाली. मात्र पुढील न्यायालयीन प्रक्रियेत ही स्थगिती हटवण्यात आली.

बचाव केंद्राच्या वकिलांनी ब्रूसला मारण्याऐवजी त्याला सुरक्षित ठिकाणी हलवण्याचे पर्याय उपलब्ध असल्याचा युक्तिवाद केला. ब्रूसला वर्तन सुधारणा आणि सुरक्षित देखरेखीखाली ठेवता येऊ शकते, असेही सांगण्यात आले.

मात्र स्थानिक आणि फेडरल न्यायालयांतून दिलासा न मिळाल्यानंतर प्रकरण अमेरिकेच्या सर्वोच्च न्यायालयापर्यंत पोहोचले. सर्वोच्च न्यायालयाच्या आपत्कालीन यादीवर प्रकरण घेण्याची मागणी करण्यात आली. न्यायमूर्ती एलेना कॅगन यांच्या स्तरावरही आपत्कालीन अर्ज पोहोचला.

 Belgium Gold Treasure: घराची भिंत फोडताच चमकले नशीब; बेल्जियममध्ये कामगारांना सापडला 99 कोटींचा सोन्याचा खजिना

निर्णयाआधीच ब्रूसला देण्यात आला मृत्यू

सर्वोच्च न्यायालयाकडून निर्णयाची प्रतीक्षा सुरू असतानाच व्हेंचुरा काउंटी अॅनिमल सर्व्हिसेसने १२ ऑगस्ट रोजी ब्रूसला euthanasiaद्वारे मृत्यू दिला. त्यानंतर सर्वोच्च न्यायालयाने आपत्कालीन अर्जावर निर्णय दिला.

प्रशासनाने ब्रूसच्या मृत्यूचे समर्थन करताना सार्वजनिक सुरक्षेची जबाबदारी आणि न्यायालयाच्या आदेशाचे पालन करणे आवश्यक असल्याचे स्पष्ट केले. दुसरीकडे, ब्रूसच्या बचावासाठी लढणाऱ्या वकिलांनी न्यायालयीन प्रक्रिया पूर्ण होण्याआधीच त्याला मृत्यू देण्यात आल्याबद्दल तीव्र नाराजी व्यक्त केली.

या प्रकरणामुळे अमेरिकेत प्राण्यांच्या हक्कांबरोबरच सार्वजनिक सुरक्षा, न्यायालयीन आदेश आणि धोकादायक ठरवलेल्या प्राण्यांना पर्यायी पुनर्वसनाची संधी यावर पुन्हा चर्चा सुरू झाली आहे. एखाद्या प्राण्याच्या जीवाशी संबंधित प्रकरण थेट अमेरिकेच्या सर्वोच्च न्यायालयापर्यंत पोहोचणे हीदेखील अत्यंत दुर्मिळ घटना मानली जात आहे.