काय आहे ‘बार्बरा विरुद्ध ट्रम्प’ प्रकरण? ज्याच्या सुनावणीसाठी राष्ट्राधक्षांनी लावली हाय-कोर्टात हजेरी

Donald Trump : अमेरिकेचे राष्ट्राध्यक्ष डोनाल्ड ट्रम्प यांनी सर्वांना आपल्या एका कृतीने चकित केले आहे. ट्रम्प यांनी एका खटल्याच्या सुनावणीसाठी सर्वोच्च न्यायालयात हजेरी लावली होती. नेमका कोणत्या खटल्यासाठी ते जाणून घेऊ.

• हाय-कोर्टात खटल्याच्या सुनावणीसाठी पोहोचले ट्रम्प
• पहिल्याच रांगेत बसून लावली हजेरी
• काय आहे ‘बार्बरा विरुद्ध ट्रम्प’ प्रकरण?

Donald Trump Visited High Court : वॉशिंग्टन : मध्यपूर्वेतील तणावादरम्यान अमेरिकेच्या राजकीय आणि न्यायालयीन इतिहासात अविश्वसनीय आणि चकित करणारी घटना घडली आहे. राष्ट्राध्यक्ष डोनाल्ड ट्रम्प (Donald Trump) वॉशिंग्टन येथील सर्वोच्च  न्यायालयात उपस्थित राहिले होते. ज्याने सर्वजण चकित झाले. मिळालेल्या माहितीनुसार, कोणत्याही औपचारिक कार्यक्रमासाठी नाही, तर एका खटल्याच्या सुनावणीसाठी ट्रम्प यांनी न्यायालयात हजेरी लावली होती. अमेरिकेच्या इतिहासात हे पहिल्यांदाच घडले आहे. पदावर असताना न्यायालयाच्या कामाकाजात प्रत्यक्ष सहभागी होणारे ट्रम्प हे पहिलेच हेड ऑफ द स्टेट ठरले आहेत.

Trump Oil Strategy : डोनाल्ड ट्रम्प होणार ‘इंधन राजा’; अमेरिकेकडून तेल खरेदी करण्याची दिली सर्वांना ऑफर

न्यायालयाच्या पहिल्यांच रांगेत ट्रम्प

मीडिया रिपोर्टनुसार, ट्रम्प यांनी सर्वोच्च न्यायालयातील सामान्य जनतेसाठी असलेल्या गॅलरीत पहिल्या रांगेत बसले होते. अमेरिकच्या राज्यघटनेनुसार, सर्वोच्च न्यायालय हे व्हाईट हाउसच्या अधिकारांवर नियंत्रण ठेवते. अशा परिस्थितीत ट्रम्प यांची न्यायालयात उपस्थिती वादाचा विषय ठरली आहे. तज्ज्ञांच्या मते, न्यायालयाच्या निर्णयावर दबाव आणण्याची ही ट्रम्प यांची रणनीती असू शकते.

काय आहे ‘बार्बरा विरुद्ध ट्रम्प’ प्रकरण?

• मिळालेल्या माहितीनुसार, ट्रम्प बार्बरा विरुद्ध ट्रम्प या प्रकणाशी संबंधित खटल्यासाठी न्यायालयात गेले होते. हे प्रकरण जन्मजात नागरिकत्वाच्या अधिकारकाशी संबंधित आहे.
• ट्रम्प यांनी आपल्या दुसऱ्या कार्यकाळात पहिल्याच दिवशी अमेरिकेत राहणाऱ्या पालकांच्या मुलांना जन्मजात नागरिकत्व मिळवण्यावर बंदी घातली होती. याच्या कार्यकारी आदेशावर स्वाक्षरीही त्यांनी केली होती.
• याचा उद्देश बेकायदेशीरपणे किंवा तात्पुरत्या काळासाठी अमेरिकेत आलेल्या मुलांना नागरिकत्व मिळण्यापासून रोखणे होता.परंतु हा आदेश अद्याप अमंलात आलेला नाही.
• १८६८ मधील १४ व्या घटनादुरुस्तीनुसार, अमेरिकेत जन्मलेला कोणताही व्यक्ती त्या देशाचा नागरिक ठरतो. परंतु ट्रम्प यांना हे मान्य नव्हते.
• तसेच कनिष्ठ न्यायालयाने देखील ट्रम्प यांचा आदेश असंवैधानिक ठरवून त्याला स्थगिती दिली होती. सध्या या प्रकरणावर सर्वोच्च न्यायलयात सुनावणी सुरु आहे. याच्याच सुनावणीसाठी ट्रम्प सर्वोच्च न्यायालयात हजर झाले होते.

इतिहास

याच बर्थराइट सिटीझनशीपच्या पार्श्वभूमीवर अमेरिकेच्या इतिहासात किमान आठ राष्ट्राध्यक्षांनी खटले लढवले आहेत. परंतु आतापर्यंत कोणत्याही अध्यक्षाने पदावर असताना सुनावणी ऐकण्यासाठी न्यायालयात उपस्थित लावली नाही. सध्या ट्रम्प यांच्या बर्थराइट सिटीझनशिप बंदीच्या निर्णयाला न्यायालयाचा काहीसा पाठिंबा मिळत आहे. परंतु त्यांच्या टॅरिफ लादण्याच्या मुद्द्यावर मात्र विरोधात निकाल दिला आहे.

US Iran War : ‘विनाशकारी हल्ल्यासाठी तयार रहा’ ; माजी मंत्र्यावर हल्ल्यानंतर इराणच्या लष्कराचा अमेरिका-इस्रायलला मोठा इशारा