लक्झरी कार प्रेमींसाठी गुड न्यूज! ५ ऑक्टोबरला लाँच होणार नवीन मर्सिडीज-मेबॅक एस-क्लास

5 ऑक्टोबरला भारतात येणारी नवी मर्सिडीज-मायबॅक एस-क्लास नेमकी किती खास आहे? मोठी इल्यूमिनेटेड ग्रिल, AI तंत्रज्ञान आणि मागच्या सीटवरील लक्झरी फीचर्समुळे ही कार पुन्हा चर्चेत आली आहे.

• 5 ऑक्टोबरला भारतात लाँच होणाऱ्या मेबॅक एस-क्लासमध्ये लक्झरीसोबत अत्याधुनिक डिजिटल तंत्रज्ञान मिळणार आहे.
• नव्या मायबॅकच्या मागच्या सीट्स 43 डिग्रीपर्यंत रिक्लाइन होतात आणि मसाजसह अनेक सुविधा देतात.
• 537 hp V8 पासून 630 hp V12 पर्यंत विविध पॉवरफुल इंजिन पर्याय जागतिक मार्केटमध्ये उपलब्ध आहेत.

लक्झरी कारच्या जगात आपली वेगळी ओळख निर्माण करणारी मर्सिडीज-मेबॅक एस-क्लास आता नव्या अपडेट्ससह भारतात दाखल होणार आहे. 2026 मॉडेलचे भारतातील लाँच 5 ऑक्टोबरला होणार असून, या फेसलिफ्टमध्ये डिझाइन, इंटीरियर, टेक्नॉलॉजी आणि इंजिनमध्ये जास्त बदल करण्यात आले आहेत. भारतासाठीचे व्हेरिएंट आणि किंमतीची माहिती लाँचच्या वेळी स्पष्ट होण्याची शक्यता आहे.

प्रीमियम इंटीरियर आणि मागच्या सीटवर भर
मेबॅक एस-क्लासच्या मागच्या सीटवर प्रवाशांना जास्त आराम मिळावा यासाठी अनेक सुविधा देण्यात आल्या आहेत. Executive सीट्स 43 डिग्रीपर्यंत रिक्लाइन करता येतात. यामध्ये हीटिंग, व्हेंटिलेशन आणि मसाज फंक्शन मिळते. आधीच्या टॅबलेटऐवजी आता दोन्ही मागच्या प्रवाशांसाठी स्वतंत्र स्मार्टफोनसारखे कंट्रोलर देण्यात आले आहेत. यामुळे सीट, क्लायमेट आणि मनोरंजनाची सेटिंग स्वतंत्रपणे नियंत्रित करता येते.

पैसा भरपूर, पॉवर त्याहून जास्त! मर्सिडीज-AMG G 63 Offroad Pro भारतात लाँच; किंमत ₹3.80 कोटी

MB.OS आणि नव्या डिजिटल सुविधा
नवीन मॉडेलमध्ये पहिल्यांदाच MB.OS ऑपरेटिंग सिस्टिम देण्यात आली आहे. चौथ्या जनरेशनचे MBUX, Maybach-स्पेसिफिक ग्राफिक्स आणि अपडेटेड Zero Layer इंटरफेस यामुळे डिजिटल अनुभव आणखी आधुनिक होतो. डॅशबोर्डवर 12.3-इंच डिजिटल इन्स्ट्रुमेंट क्लस्टर, 14.4-इंच सेंट्रल स्क्रीन आणि 12.3-इंच पॅसेंजर डिस्प्ले आहे. MBUX Virtual Assistant मध्ये जनरेटिव्ह AI फंक्शन्सही मिळतात.

मोठी ग्रिल आणि खास डिझाइन
फेसलिफ्टमध्ये मायबॅकची ग्रिल सुमारे 20 टक्के मोठी करण्यात आली आहे. उभ्या क्रोम स्लॅट्ससोबत इल्यूमिनेटेड ग्रिल सराउंड मिळते. काही मार्केटमध्ये बोनटवरील स्टार आणि C-पिलरवरील मायबॅक लोगोही प्रकाशित होतो. नवीन स्टार-आकाराचे DRL, 20- आणि 21-इंच अलॉय व्हील्स तसेच अपडेटेड टेललॅम्प्स कारला वेगळा लूक देतात.

Mahindra Thar OG vs Mahindra Thar ROXX: 3-डोअर की 5-डोअर, कोणत्या ग्राहकासाठी कोणती योग्य? जाणून घ्या

पॉवरफुल इंजिन पर्याय
S 580 मध्ये 4.0-लिटर M177 Evo V8 इंजिन 537 hp आणि 750 Nm टॉर्क देते. काही देशांमध्ये S 580e प्लग-इन हायब्रिडला 3.0-लिटर पेट्रोल इंजिन, इलेक्ट्रिक मोटर आणि 22 kWh बॅटरी मिळते. याची सिस्टम पॉवर 585 hp असून इलेक्ट्रिक रेंज 98 km पर्यंत आहे. S 680 मध्ये काही मार्केटमध्ये 6.0-लिटर V12 इंजिन 630 hp आणि 900 Nm आउटपुट देते, तर काही ठिकाणी 4.0-लिटर V8 पर्याय मिळतो.