
2027 Royal Enfield Interceptor 650 Engine Update (फोटो सौजन्य-AI एआय)
रॉयल एनफिल्डच्या चाहत्यांसाठी एक महत्त्वाची बातमी समोर आली आहे. 2027 Royal Enfield Interceptor 650 मध्ये कंपनी नवीन 750cc इंजिन देणार असल्याच्या चर्चा सुरू होत्या. पण नव्या रिपोर्टनुसार, या अपडेटेड बाईकमध्ये सध्याचेच 648cc पॅरलल ट्विन इंजिन कायम ठेवले जाणार आहे. त्यामुळे Royal Enfield Interceptor 650 खरेदी करण्याची वाट पाहणाऱ्या ग्राहकांना इंजिनमध्ये मोठ्या बदलाची अपेक्षा ठेवता येणार नाही. पण नवीन फीचर्स, ब्रेकिंग सिस्टम आणि डिझाइनमध्ये काही बदल पाहायला मिळण्याची शक्यता आहे.
रॉयल एनफिल्डने 2018 मध्ये भारतीय मार्केटमध्ये इंटरसेप्टर 650 सादर केली होती. जवळपास 8 वर्षांनंतरही ही बाईक कंपनीच्या लोकप्रिय मॉडेल्सपैकी एक आहे. 2023 मध्ये कंपनीने या बाईकमध्ये काही अपडेट्स केले होते. त्यावेळी नवीन स्विचगियर, USB चार्जिंग पोर्ट आणि स्टँडर्ड LED हेडलॅम्प देण्यात आला होता. ब्लॅक-आउट व्हेरिएंटमध्ये इंजिन आणि एक्झॉस्टला काळ्या रंगाची फिनिश देण्यात आली होती.
भारतात येणार 5 नवीन Adventure Bikes! Royal Enfield, Hero आणि Bajaj च्या बाइक्सची तयारी सुरू
सध्याच्या मॉडेलमध्ये ब्लॅक रे आणि बार्सिलोना ब्लू या 2 ब्लॅक-आउट रंगांसह ब्लॅक पर्ल आणि कॅली ग्रीन असे रंग मिळतात. याशिवाय मार्क 2, सनसेट स्ट्रिप आणि कॅनियन रेड हे रंगही विक्रीसाठी आहेत. नवीन मॉडेलमध्ये ड्युअल फ्रंट डिस्क ब्रेक्स दिले जाण्याची शक्यता आहे. सध्याच्या बाईकचे फ्युल टँक भरल्यानंतरचे वजन 218 kg आहे. नवीन मॉडेलमध्ये वजन कमी करण्यासाठीही प्रयत्न केले जाऊ शकतात.
सस्पेंशन सेटअपमध्ये बदल होण्याची शक्यता असून, सध्याचे टेलिस्कोपिक फ्रंट फोर्क्स आणि मागील ट्विन शॉक अॅब्जॉर्बर्स अपडेट केले जाऊ शकतात. इन्स्ट्रुमेंट क्लस्टरमध्येही सुधारणा अपेक्षित आहे. सध्याच्या ट्विन-पॉड डिझाइनला कायम ठेवून त्यात आधुनिक TFT डिस्प्ले दिला जाऊ शकतो. स्विचगियरमध्येही बदल होण्याची शक्यता आहे.
इंजिनच्या बाबतीत नवीन इंटरसेप्टर 650 मध्ये सध्याचे 648cc पॅरलल ट्विन इंजिन कायम राहील. हे इंजिन 46.4 bhp पॉवर आणि 52 Nm टॉर्क जनरेट करते. यासोबत 6-स्पीड गिअरबॉक्स मिळतो. सध्या या बाईकची एक्स-शोरूम चेन्नई किंमत 3.38 लाख ते 3.69 लाख रुपये आहे. नवीन फीचर्स आणि हार्डवेअरमुळे अपडेटेड मॉडेलची किंमत वाढण्याची शक्यता आहे. भारतीय मार्केटमध्ये या बाईकची स्पर्धा बीएसए गोल्ड स्टार 650 सोबत कायम राहणार आहे.
Ans: नाही. समोर आलेल्या रिपोर्टनुसार, नवीन इंटरसेप्टर 650 मध्ये सध्याचे 648cc पॅरलल ट्विन इंजिन कायम ठेवले जाणार आहे.
Ans: नवीन मॉडेलमध्ये ड्युअल फ्रंट डिस्क ब्रेक्स, TFT डिस्प्ले, अपडेटेड स्विचगियर आणि सस्पेंशनमध्ये बदल मिळण्याची शक्यता आहे. बाईकचे वजनही कमी केले जाऊ शकते.
Ans: भारतीय मार्केटमध्ये सध्याच्या इंटरसेप्टर 650 ची एक्स-शोरूम चेन्नई किंमत 3.38 लाख ते 3.69 लाख रुपये आहे. अपडेटेड मॉडेलची किंमत फीचर्समधील बदलांमुळे वाढू शकते.