फोटो सौजन्य: iStock
भारतीय मार्केटमध्ये बजेट फ्रेंडली आणि उत्तम मायलेज देणाऱ्या बाईक्सची नेहमीच विक्री होत असते. पण या मार्केटमध्ये एक असाही ग्राहकांचा वर्ग आहे, जो हाय परफॉर्मन्स आणि ॲडव्हेंचर बाईक्सचा चाहता आहे. काही आघाडीच्या ॲडव्हेंचर बाईक उत्पादक कंपन्यांनी 2025 च्या सुरुवातीला नवी दिल्ली येथे झालेल्या भारत मोबिलिटी ग्लोबल एक्स्पोमध्ये त्यांच्या स्कूटर आणि बाईक्स लाँच केल्या होत्या. याशिवाय, येत्या काही महिन्यांत अनेक दुचाकी मॉडेल्स देखील भारतीय मार्केटमध्ये प्रवेश करणार आहेत. अशा परिस्थितीत, 2025 मध्ये लाँच होणाऱ्या भारतातील 5 बहुप्रतिक्षित ॲडव्हेंचर बाईक्सबद्दल जाणून घेऊयात.
2025 च्या भारत मोबिलिटी ग्लोबल एक्स्पोमध्ये टीव्हीएसने आरटीएक्स 300 कंसेप्ट प्रदर्शित केली. आता असे कळले आहे की कंपनी सप्टेंबर 2025 च्या आसपास लाँच करण्याचे प्लॅनिंग करत आहे. ही ADV बाईक टेस्टिंग दरम्यान अनेक वेळा दिसली आहे, ज्यामध्ये ऑल-एलईडी लाइटिंग, अपस्वेप्ट एक्झॉस्ट, लांब विंडस्क्रीन आणि स्प्लिट-सीट सेटअप सारखे तपशील समोर आले आहेत. तर पॉवरट्रेन म्हणून, बाईकमध्ये अगदी नवीन 299 सीसी लिक्विड कूल्ड RT-XD4 इंजिन असेल.
Tata Motors पुन्हा एकदा नवीन EV मार्केटमध्ये लाँच करण्याच्या तयारीत, मिळणार 500 KM पेक्षा जास्त रेंज
जानेवारी 2025 मध्ये झालेल्या इंडिया मोबिलिटी ग्लोबल एक्स्पो आणि त्यानंतर झालेल्या EICMA 2024 मध्ये BMW F 450 GS कॉन्सेप्ट सादर करण्यात आली. आता अलिकडेच होसूरमधील टीव्हीएस फॅक्ट्रीजवळ एक प्रोडक्शन रेडी युनिट कॅमेऱ्यात कैद झाले. 2025 च्या शेवटच्या तिमाहीत भारतात ही बाईक लाँच होण्याची शक्यता आहे. या बीएमडब्ल्यू बाईकमध्ये सिंगल-युनिट हेडलॅम्प, चोचीसारखे फ्रंट फेंडर, अलॉय व्हील्स आणि नकल गार्ड्स असतील.
रॉयल एनफील्ड 2025 च्या अखेरीस भारतात नवीन 750 सीसी इंजिनसह हिमालयन 450 चे नवीन व्हर्जन लाँच करेल. ही ADV बाईक आधीच टेस्टिंग दरम्यान दिसली आहे. मीडिया रिपोर्ट्समध्ये दावा केला आहे की ही बाईक नोव्हेंबरमध्ये होणाऱ्या EICMA 2025 मध्ये सादर केली जाईल. रॉयल एनफील्ड हिमालयन 750 मध्ये वायर-स्पोक व्हील्स, लिंकेजसह मोनो-शॉक रियर सस्पेंशन, समोर ट्विन डिस्क ब्रेक आणि स्प्लिट-सीट सेटअप असेल. यात 50+ बीएचपी पॉवर आणि 60+ एनएम टॉर्कसह नवीन 750 सीसी इंजिन असेल.
इलेक्ट्रिक सेगमेंटमध्ये Royal Enfield ची एंट्री होणार ! ‘या’ महिन्यात लाँच होण्याची दाट शक्यता
केटीएम 390 एसएमसी आर लवकरच भारतीय मार्केटमध्ये दाखल होणार आहे. ही कंपनीची 500 सीसी पेक्षा कमी श्रेणीतील पहिली सुपरमोटो बाईक असेल. या बाईकमध्ये वायर-स्पोक व्हील्स, ट्यूबलेस टायर्स आणि लांब प्रवासाचे सस्पेंशन आहे. तर पॉवरट्रेन म्हणून बाईकमध्ये 399 सीसी लिक्विड कूल्ड इंजिन असेल. बाईकचे इंजिन 6-स्पीड गिअरबॉक्सशी जोडलेले असेल.
.png "Videos"){kind=small}
