Genesis GV90 India Launch: भारतात पेटंट दाखल! 2027 मध्ये एन्ट्रीपूर्वी ह्युंदाईच्या लक्झरी इलेक्ट्रिक SUV ची चर्चा

ह्युंदाईची लक्झरी ब्रँड जेनेसिस 2027 मध्ये भारतात एन्ट्री करण्याच्या तयारीत असून Genesis GV90 चे पेटंट भारतात दाखल झाले आहे. 123.5 kWh बॅटरी, 500 km रेंज आणि 25 स्पीकर्स असलेली ही आलिशान इलेक्ट्रिक SUV भारतात येणार का?

• ह्युंदाईची लक्झरी ब्रँड जेनेसिस 2027 मध्ये भारतीय मार्केटमध्ये प्रवेश करण्याच्या तयारीत आहे.
• Genesis GV90 मध्ये 123.5 kWh बॅटरी आणि सुमारे 500 km रेंज मिळण्याचा दावा आहे.
• भारतामध्ये GV90 चे डिझाइन पेटंट दाखल झाले असून लाँचबाबत कंपनीने घोषणा केलेली नाही.

ह्युंदाईची लक्झरी कार ब्रँड Genesis GV90 India मध्ये लाँच होण्याच्या शक्यतेमुळे चर्चेत आली आहे. कंपनीची फ्लॅगशिप इलेक्ट्रिक एसयूव्ही Genesis GV90 चे डिझाइन पेटंट भारतात दाखल करण्यात आले आहे. विशेष म्हणजे, ह्युंदाईची लक्झरी ब्रँड जेनेसिस 2027 मध्ये भारतीय मार्केटमध्ये प्रवेश करण्याच्या तयारीत आहे. त्यामुळे GV90 ही भारतात येणाऱ्या मॉडेल्सपैकी एक असू शकते. पण पेटंट दाखल झाले म्हणजे ही एसयूव्ही भारतात लाँच होणारच, असे नाही.

Genesis GV90 चे डिझाइन आणि साइझ कसे आहे?

जेनेसिस GV90 ही कंपनीच्या जागतिक लिस्टमधील सर्वात वरच्या स्थानावर असलेली इलेक्ट्रिक एसयूव्ही आहे. या एसयूव्हीची लांबी 5,285 mm, रुंदी 2,030 mm आणि उंची 1,825 mm आहे. तर व्हीलबेस 3,245 mm आणि ग्राउंड क्लीअरन्स 224 mm आहे. यामध्ये 3-रो सीटिंग लेआउट मिळण्याची अपेक्षा आहे.

नवीन ह्युंदाई क्रेटा टेस्टिंगदरम्यान दिसली; बॉक्सी डिझाइन, ADAS आणि हायब्रिड इंजिनची मिळणार साथ!

डिझाइनबद्दल सांगायचे झाल्यास, समोरच्या बाजूला रुंद V-आकारातील LED लाइटिंग सेटअप, आकर्षक बॉडी डिझाइन आणि मागील बाजूला फुल-विड्थ टेललॅम्प्स दिले आहेत. स्टँडर्ड मॉडेलमध्ये 22 इंचांपर्यंतचे अलॉय व्हील्स मिळतात. कंपनीने यापूर्वी Neolun ही खास संकल्पना देखील दाखवली होती. त्यामध्ये मागील बाजूने उघडणारे दरवाजे आणि खास इंटिरियर देण्यात आले होते.

केबिनमध्ये 25 स्पीकर्स आणि मोठे OLED डिस्प्ले

GV90 च्या इंटिरियरमध्ये 24.6 इंचांपर्यंतचा OLED इन्फोटेनमेंट डिस्प्ले आणि 25 इंचांचा हेड-अप डिस्प्ले मिळण्याची शक्यता आहे. याशिवाय 25-स्पीकरचा Bang & Olufsen साउंड सिस्टम, व्हेंटिलेटेड, हीटेड आणि मसाज सीट्स यांसारखी फीचर्स मिळतात. रिअर व्हील स्टीअरिंग आणि रूफमध्ये बसवलेली एअरबॅग सिस्टीम हेही या एसयूव्हीचे खास फीचर्स आहेत. रोलओव्हर म्हणजेच गाडी पलटी झाल्यास प्रवाशांच्या सेफ्टीसाठी ही एअरबॅग मदत करते.

ह्युंडाई मोटर इंडिया फाऊंडेशनकडून कलाकारांसाठी 60 लाखांचे अनुदान; ‘आर्ट फॉर होप’चा सीझन 6 सुरू

123.5 kWh बॅटरी आणि 500 km रेंज

इंटरनॅशनल स्पेसिफिकेशननुसार, GV90 मध्ये Hyundai Motor Group चे eM प्लॅटफॉर्म आणि 123.5 kWh बॅटरी पॅक मिळतो. ड्युअल मोटर ऑल-व्हील ड्राइव्ह सेटअपसह ही एसयूव्ही एका चार्जमध्ये सुमारे 500 km रेंज देऊ शकते. 350 kW DC फास्ट चार्जिंगच्या मदतीने बॅटरी 10 ते 80% चार्ज होण्यासाठी सुमारे 22 मिनिटे लागतात.

सध्या हे आकडे आंतरराष्ट्रीय मॉडेलचे आहेत. भारतासाठी इंजिनिअरिंग, बॅटरी आणि रेंजचे तपशील जाहीर झालेले नाहीत. जेनेसिसने 2027 मध्ये भारतात प्रवेश करण्याची योजना जाहीर केली असली, तरी सुरुवातीला कोणत्या कार्स लाँच होणार हे स्पष्ट केलेले नाही. त्यामुळे GV90 च्या पेटंटमुळे भारतीय  कस्टमर्समध्ये उत्सुकता वाढली असली, तरी तिच्या लाँचसाठी कंपनीच्या पुढील रिलीजची प्रतीक्षा करावी लागेल.