Pulsar चा दर्जा अजूनच वाढणार! ‘या’ बाईकचा 350cc व्हर्जन लवकरच होणार लाँच

भारतीय मार्केटमध्ये पल्सर बाईकची एक वेगळीच क्रेझ पाहायला मिळते. आता लवकरच बजाज कंपनी j Pulsar NS400Z चा नवीन 350cc व्हर्जन लाँच करण्याच्या तयारीत दिसत आहे.

• बजाज पल्सर NS400Z नव्या रूपात येणार
• NS400Z 350cc सेगमेंटमध्ये लाँच होण्याची शक्यता
• जाणून घ्या कोणत्या गोष्टीत होऊ शकतो बदल

Bajaj Auto पुन्हा एकदा नवीन बाईकसह बाजारात उतरण्याच्या तयारीत आहे. रिपोर्ट्सनुसार कंपनी लवकरच Bajaj Pulsar NS400Z चे नवीन 350cc व्हर्जन लाँच करू शकते. कंपनीकडून अधिकृत घोषणा अद्याप झालेली नसली तरी ही बाईक शोरूममध्ये पोहोचू लागल्याची माहिती मिळत आहे, त्यामुळे ही बाईक लवकरच लाँच होण्याची शक्यता वाढली आहे.

टॅक्स नियमांनुसार बदल

ही नवीन बाईक खास भारतीय कर (टॅक्स) नियम लक्षात घेऊन तयार करण्यात आली आहे. 350cc पेक्षा जास्त इंजिन असलेल्या बाईक्सवर जास्त कर लागतो, तर 350cc पेक्षा कमी इंजिनवर कमी कर आकारला जातो. त्यामुळे कंपनीने इंजिनची क्षमता थोडी कमी केली आहे.

6 एप्रिलपासून Mahindra च्या ‘या’ गाड्या धडाधड होणार महाग; मात्र ‘या’ ग्राहकांना जुन्या किमतीतच मिळणार कार

इंजिनमध्ये बदल

नवीन Pulsar NS400Z मध्ये आता 349.13cc इंजिन देण्यात आले आहे, जे आधी 373cc होते. या बदलामुळे बाईकची किंमत थोडी कमी होण्याची शक्यता आहे. मात्र, इंजिन छोटं झाल्यामुळे पॉवरमध्ये किंचित घट झाली आहे.

नवीन मॉडेल: 40.6 PS पॉवर आणि 33.2 Nm टॉर्क
जुने मॉडेल: 43 PS पॉवर आणि 35 Nm टॉर्क

परफॉर्मन्समध्ये मोठा फरक नसला तरी थोडा बदल जाणवू शकतो. तरीही बाईकमध्ये 6-स्पीड गिअरबॉक्स, स्लिपर क्लच आणि इलेक्ट्रॉनिक थ्रॉटलसारखे फीचर्स मिळतात.

तुम्ही तुमच्या कारची Manufacturing Date कशी ओळखाल? प्रत्येक कारवर असतो ‘हा’ खास नंबर

डिझाइन आणि फीचर्स

नवीन Pulsar NS400Z च्या डिझाइनमध्ये मोठे बदल करण्यात आलेले नाहीत. लूक, कलर ऑप्शन आणि स्टाइल जवळपास पूर्वीसारखेच आहेत. फक्त इंजिनवर 373cc ची मार्किंग काढून टाकण्यात आली आहे.

फीचर्समध्ये 43mm USD फ्रंट फोर्क्स, ड्युअल चॅनल ऍब्स, मोठे डिस्क ब्रेक, रुंद टायर्स, प्रोजेक्टर हेडलाईट, अ‍ॅडजस्टेबल लीव्हर्स, फुल डिजिटल इन्स्ट्रुमेंट क्लस्टर, टर्न-बाय-टर्न नेव्हिगेशनचा समावेश आहे.

कधी होणार लाँच?

कंपनीने अधिकृत लाँच डेट जाहीर केलेली नाही. मात्र बाईक शोरूममध्ये पोहोचत असल्याने ती लवकरच बाजारात येण्याची शक्यता आहे. ही बाईक आपल्या सेगमेंटमध्ये चांगली स्पर्धा निर्माण करू शकते.