आईशपथ! ‘या’ कारवर अचानक विमान कोसळलं, तरीही ड्रायव्हर बचावला, व्हिडिओ पाहून तुम्हालाही धडकी भरेल

फ्लोरिडा येथे चक्क एक प्लॅन धावत्या Toyota Camry वर कोसळले. आश्चर्य म्हणजे या अपघातात कारमधील ड्रायव्हरला किरकोळ इजा झाल्या आहेत.

• फ्लोरिडा येथे भयावह अपघात
• चालत्या Toyota Camry कारवर अचानक कोसळले विमान
• कार इतकी सुरक्षित की ड्रायव्हर पूर्णपणे बचावला

हल्ली अनेक ऑटो कंपन्या त्यांच्या कारमधील सेफ्टी फीचर्सकडे बारकाईने लक्ष देत असतात. त्यासोबतच ते कारला जास्तीतजास्त मजबूत ठेवण्याचा प्रयत्न करतात जेणेकरून प्रवाशांना कोणतीही इजा होऊ नये. तसेच, सेफ्टी टेस्टमध्ये देखील ते सहभागी होत असतात. जिथे त्यांचा कारला टेस्टिंगच्या निकालावर सेफ्टी रेटिंग दिले जाते. नुकतेच एका कारने तिची सुरक्षितता सिद्ध केली आहे. ही कार म्हणजे Toyota Camry.

फ्लोरिडातील एका घटनेने लोकांना चकित केले आहे. एका महामार्गावर एक विमान आपत्कालीन लँडिंग करण्याचा प्रयत्न करत होते, परंतु लँडिंग दरम्यान ते थेट टोयोटा कॅमरीवर कोसळले. ही संपूर्ण घटना एका कारच्या डॅशकॅमवर कैद झाली. हा संपूर्ण व्हिडिओ आता सोशल मीडियावर वेगाने व्हायरल होत आहे. या घटनेने पुन्हा एकदा सिद्ध झाले आहे की टोयोटाची वाहने किती मजबूत आणि सुरक्षित आहेत.

See more

NEW: One injured after small plane makes emergency landing on I-95 and crashes into a vehicle The small plane made an emergency landing on a Florida highway after losing power in both engines The aircraft had two people aboard, a 27-year-old pilot and a 27-year-old passenger… pic.twitter.com/Nvs3Avs9HV — Unlimited L’s (@unlimited_ls) December 9, 2025

Tata Motors च्या ‘या’ Car वरून ग्राहकांचा विश्वास उडाला! नोव्हेंबर 2025 मध्ये थेट 43 टक्क्यांनी विक्री घसरली

नेमकं घडलं काय?

FAA (फेडरल एव्हिएशन ॲडमिनिस्ट्रेशन) ने अहवाल दिला की Beechcraft 55 नावाच्या हलक्या विमानाला टेकऑफ केल्यानंतर लगेचच त्याच्या इंजिनमध्ये समस्या आल्या. पायलटने रेडिओवरून सांगितले की दोन्ही इंजिन निकामी झाले आहेत आणि विमानाचे I-95 वर आपत्कालीन लँडिंग करावे लागेल. पायलटने वाहनचालकांना वाचवण्याचा सर्वतोपरी प्रयत्न केला, परंतु विमानाचा तोल गेला आणि अखेर महामार्गावरून प्रवास करणाऱ्या टोयोटा कॅमरीवर विमान आदळले.

कारने प्रवाशांचे प्राण वाचवले

व्हिडिओमध्ये स्पष्टपणे दिसत आहे की विमान प्रथम कॅमरीच्या मागील बाजूस आदळले. ही धडक इतकी तीव्र होती की कारच्या छताला आणि मागील भागाला गंभीर नुकसान झाले. असे असूनही, 57 वर्षीय ड्रायव्हरला फक्त किरकोळ दुखापत झाली आणि त्याला ताबडतोब रुग्णालयात नेण्यात आले. पायलट आणि 27 वर्षीय प्रवाशालाही कोणतीही इजा झाली नाही. मोटारचालक जिम कॉफीने रेकॉर्ड केलेला व्हिडिओ या घटनेचा स्पष्ट रेकॉर्ड आहे. तज्ञांचे म्हणणे आहे की जर विमान ड्रायव्हरच्या बाजूला थोडे खाली उतरले असते तर अपघात आणखी गंभीर झाला असता.

ग्राहकांनोsss ‘या’ कारवर थोडी तरी दया करा! 3 महिन्यात 1 देखील युनिट विकले नाही, आता मिळतंय 13 लाखांचे डिस्काउंट

टोयोटा कॅमरीचे फीचर्स

टोयोटा कॅमरी ही प्रीमियम हायब्रिड सेडान आहे जी ADAS (लेन असिस्ट, अ‍ॅडॉप्टिव्ह क्रूझ कंट्रोल), व्हेंटिलेटेड सीट्स, वायरलेस चार्जर, 12.3-इंच टचस्क्रीन, JBL साउंड सिस्टम, हेड-अप डिस्प्ले, सनरूफ आणि नऊ एअरबॅग्ज सारखी फीचर्स देते.

टोयोटाची बिल्ड क्वालिटी

भारतात टिकाऊपणाबद्दल टाटा मोटर्सचे अनेकदा कौतुक केले जाते, परंतु या घटनेनंतर, टोयोटाची सुरक्षितता देखील चर्चेचा एक प्रमुख विषय बनली आहे. कारचे स्ट्रक्चर जरी तुटले असले तरी देखील त्यातील प्रवाशांचे प्राण वाचले आणि हीच सर्वात महत्त्वाची गोष्ट आहे.