सेफ्टीच्या बाबतीत तडजोड नाही ! ‘या’ 5 Electric Car ने BNCAP क्रॅश टेस्टमध्ये मिळवले 5-स्टार सेफ्टी रेटिंग

जर तुम्ही सुद्धा अशा इलेक्ट्रिक कारच्या शोधात असाल जिथे तुम्ही पहिले प्राधान्य सुरक्षततेला देतात. तर ही बातमी तुमच्यासाठीच आहे. आज आपण काही सेफेस्ट इलेक्ट्रिक कारबद्दल जाणून घेऊयात.

भारतात इलेक्ट्रिक कारची मागणी झपाट्याने वाढत आहे. मात्र, आता फक्त रेंज आणि किंमतच नाही तर भारतीय ग्राहक कार खरेदी करताना सुरक्षिततेला खूप महत्त्वाचे मानू लागले आहेत. म्हणूनच जेव्हा जेव्हा मोठ्या कार कंपन्या नवीन मॉडेल लाँच करतात तेव्हा त्या त्यातील सेफ्टी फीचर्सकडे विशेष लक्ष देतात.

जर तुम्हीही येणाऱ्या काळात सर्वात सुरक्षित इलेक्ट्रिक कार खरेदी करण्याचा विचार करत असाल, तर ही बातमी तुमच्यासाठी फायदेशीर ठरू शकणार आहे. इंडिया NCAP ने अलिकडेच केलेल्या क्रॅश टेस्टिंगमध्ये, 5 इलेक्ट्रिक कारने 5-स्टार सेफ्टी रेटिंग मिळवून भारतीय ऑटो मार्केटमध्ये एक नवीन बेंचमार्क स्थापित केला आहे. चला या कार्सबद्दल जाणून घेऊयात.

टाटा हॅरियर ईव्ही (Tata Harrier EV)

सर्वप्रथम, टाटा हॅरियर ईव्हीबद्दल बोलायचे झाले तर, या कारने BNCAP क्रॅश टेस्टमध्ये ॲडल्ट सेफ्टीत (एओपी) 32 पैकी पूर्ण 32 आणि मुलांच्या सुरक्षिततेसाठी (सीओपी) 49 पैकी 45 गुण मिळवले आहेत. ही एसयूव्ही तिच्या स्टायलिश डिझाइन, मोठी जागा आणि ॲडव्हान्स सेफ्टी फीचर्ससाठी ओळखली जाते. यात ADAS लेव्हल 2, 6 एअरबॅग्ज, 360 डिग्री कॅमेरा, ABS, EBD आणि मागील क्रॉस ट्रॅफिक अलर्ट सारखी फीचर्स आहेत.

महिंद्रा XEV 9e (Mahindra XEV 9e)

त्याच वेळी, महिंद्राXEV 9e ने सुरक्षिततेमध्ये देखील चांगली कामगिरी केली आहे आणि AOP मध्ये 32/32 आणि COP मध्ये 45/49 गुण मिळवले आहेत. याचे फ्यूचरिस्टिक डिझाइन आणि ऑल-व्हील ड्राइव्ह सिस्टम या कारला खास बनवते. त्यात 7 ड्राइव्ह मोड, लेन कीप असिस्ट आणि इमर्जन्सी ब्रेकिंग सारखी सेफ्टी फीचर्स आहेत.

महिंद्रा BE 6 (Mahindra BE6)

महिंद्रा BE 6 ने AOP मध्ये 31.97/32 आणि COP मध्ये 45/49 गुण मिळवले आहेत. कूप-स्टाइल डिझाइन आणि स्मार्ट EV तंत्रज्ञानामुळे ही कार तरुणांमध्ये लोकप्रिय होत आहे. त्यात उच्च शक्तीची बॉडी फ्रेम, कनेक्टेड कार टेक्नॉलॉजी आणि आधुनिक इंटीरियर सारखी फीचर्स समाविष्ट आहेत.

टाटा पंच ईव्ही (Tata Punch EV)

एक कॉम्पॅक्ट इलेक्ट्रिक एसयूव्ही असलेल्या टाटा पंच ईव्हीने एओपीमध्ये 31.46/32 आणि सीओपीमध्ये 45/49 गुण मिळवले आहेत. ही कार विशेषतः शहरातील रस्त्यांसाठी चांगली आहे. यात 6 एअरबॅग्ज, हिल होल्ड कंट्रोल, इलेक्ट्रॉनिक स्टॅबिलिटी प्रोग्राम (ESP) आणि ISOFIX चाइल्ड सीट माउंट्स सारखी सेफ्टी फीचर्स आहेत.

टाटा कर्व्ह ईव्ही (Tata Curvv EV)

शेवटी, टाटा कर्व ईव्हीबद्दल बोलायचे झाले तर, या कारने BNCAP मध्ये AOP मध्ये 30.81/32 आणि सीओपीमध्ये 44.83/49 गुण मिळवले आहेत. आकर्षक कूप-बेस्ड डिझाइन आणि स्मार्ट टेक्नॉलजीमुळे ही कार ग्राहकांमध्ये खास बनत चालली आहे. त्यात ऑटोमॅटिक इमर्जन्सी ब्रेकिंग, ब्लाइंड स्पॉट डिटेक्शन आणि पूर्ण ADAS पॅकेज सारखी ॲडव्हान्स फीचर्स असू शकतात.