Bike Care Tips : उन्हात बाईक पार्क करताय? सावधान, हळूहळू खराब होऊ शकतात ‘हे’ महत्त्वाचे पार्ट्स

Bike Care Tips : उन्हात बाईक पार्क केल्याने मेंटन्सचा खर्च वाढू शकतो. हा खर्च टाळण्यासाठी काही गोष्टींचे पालन करणे अत्यंत महत्त्वाचे असते. यामुळे उन्हामुळे बाईक खराब होऊ नये यासाठी कोणत्या गोष्टींची काळजी घेतली पाहिजे हे जाणून घ्या.

• उन्हात बाईक पार्क करताय?
• हळूहळू खराब होऊ शकतात ‘हे’ महत्त्वाचे पार्ट्स
• जाणून घ्या कोणते

Bike Care Tips : सध्या देशभरात उन्हाचा पारा चांगलाच वाढला आहे. तापमान ४५ ते ४६ अंश सेल्सिअवर पोहोचले आहे. या कडक उन्हाचा तडाखा केवळ माणसांनाच नाही, तर रस्त्यांवर धावणाऱ्या वाहनांनाही बसत आहे. मे आणि जून महिन्यातील वाढत्या तापमानामुळे दुचाकी वाहनांचे तर मोठे नुकसान होत आहे. अनेक नोकरदार आणि नागरिक कामानिमित्त आपली बाईक तासनतास उन्हात पार्क करतात. मात्र, यामुळे तुमची बाईकचे काही महत्त्वाचे पार्ट्स हळूहळू निकामी होऊ शकतात. यामुळे मेंटन्सचा खर्च वाढून खिशाला चांगला फटका बसू शकतो.

उन्हाळ्यात कार चालवताना सावध! सेफ ड्रायव्हिंगसाठी ‘या’ गोष्टींकडे दुर्लक्ष करू नका, अनेकांना माहिती नसतात या महत्त्वाच्या टिप्स

या पार्ट्सवर होतो सर्वाधिक परिणाम

•  सीट आणि प्लास्टिक बॉडी :  कडक उन्हाचा सर्वाधिक फटका बाईकच्या सीटला बसतो. जास्त उष्णतेमुळे सीटचे मटेरियल कडक होते. ज्यामुळे सीटला काही दिवसांतच तडे जातात. याशिवाय बाईकचे प्लास्टिक पार्ट्स, इंडिकेट्स आणि मीटरचे फायबर कव्हरही फिके पडू शकते.
• टायर्स आणि एअर प्रेशर :  थेट उन्हात बाईक उभी केल्यास टायर्समधील हवेचा दाबात वेगाने बदल होतो. उष्णतेमुळे टायरमधील हवा फुसरून टायर फुटण्याची किंवा पंक्चर होण्याची शक्यता असते. टायरचे टुबही खराब होऊन त्याची ग्रीप आणि लाईफ कमी होऊ शकते.
• बाईकचा रंग : गाडी रोज उन्हात राहणाऱ्या गाड्यांच्या मूळ रंग फिका पडतो. गाडीची चकाकी निघून जाते आणि जुनी दिसू लागते.

बॅटरी आणि इंजनिलाही फटका

अनेकांना वाटते की, उन्हाचा फटका केवळ बाईकच्या बाहेरील पार्ट्सला बसतो. परंतु कडक उन्हामुळे बाईकच्या अंतर्गत भागांचेही नुकसान होऊ शकते. जास्त तापमानामुळे बाईकची बॅटरी, इलेक्ट्रिक सिस्टम खराब होऊ शकते. बॅटरी लवकर डिस्चार्ज होते किंवा तिची कार्यक्षमता कमी होते. याशिवाय बाईक जास्त वेळ उन्हात राहिल्यास इंजिनचे तापमान अधिकच वाढते. याचा थेट परिणाम इंजिन ऑइलवर होतो. ज्यामुळे इंजिनचा परफॉर्मन्स खराब होऊ शकतो.

एक्सपर्ट काय सांगतात?

एक्सपर्टनुसार, उन्हात बाईक पार्क केल्याने मेंटन्सचा खर्च वाढू शकतो. हा खर्च टाळण्यासाठी काही गोष्टींचे पालन करण्याच एक्सपर्ट सांगतात.

• बाईक नेहमी सावलीत किंवा झाडाखाली पार्क करा.
• सावलीत जागा उपलब्ध नसल्यास, दर्जेदार बाईक कव्हरचा वापर करा.
• उन्हाळ्याच्या दिवसांत बाईकचे नियमित सर्व्हिसिंग करा.
• ऑइल इंजिन वेळेवर बदला.

या सावधगिरीमुळे तुमची बाईक कडक उन्हातही सुरक्षित राहिल आणि तुमचा खिसाही रिकामा होणार नाही.

पेट्रोलला पर्याय! मारुतीची ‘ही’ गाडी Flex Fuel व्हर्जनमध्ये येण्याची शक्यता, जाणून घ्या काय असतील खास फीचर्स