‘या’ तारखेपासून BMW च्या Cars महागणार! जाणून घ्या किती रुपयांनी वाढणार किंमत

BMW त्यांच्या वाहनांच्या किमतीत एप्रिल 2026 पासून वाढ करण्याच्या तयारीत दिसत आहे. कंपनी त्यांच्या वाहनांच्या किमतीत 2 टक्क्यांपर्यंत वाढ करणार आहे.

• बीएमडब्ल्यू कार्सच्या किमती महागणार
• एप्रिल 2026 पासून किंमत वाढणार
• जाणून घ्या संपूर्ण माहिती

भारतात आपल्याला अनेक लक्झरी कार उत्पादक कंपन्या पाहायला मिळतात. अशीच एक लोकप्रिय कंपनी म्हणजे BMW. या कंपनीच्या कार आपल्याला नेहमीच अनेक सेलिब्रेटी आणि उद्योगपतींकडे पाहायला मिळतात. मात्र, आता कंपनीने त्यांच्या कारच्या किमती वाढवण्याचा निर्णय घेतला आहे.

BMW India ने जाहीर केले आहे की त्यांच्या सर्व कार्स आणि Mini रेंजमधील गाड्यांच्या किमतींमध्ये 2% वाढ केली जाणार आहे. कंपनीचे सीईओ Hardeep Singh Brar यांच्या मते, रुपयाची घसरलेली किंमत, वाहतूक खर्चात वाढ आणि कच्च्या मालाच्या वाढत्या किंमती यामुळे हा निर्णय घेण्यात आला आहे. बीएमडब्ल्यू कार्सच्या किमती 1 एप्रिल 2026 पासून वाढतील.

Honda Cars च्या किंमती गगनाला भिडण्याची शक्यता? ‘या’ तारखेपासून वाढू शकते किंमत

एप्रिलपासून दर वाढणार

BMW आपली वाहने दोन पद्धतींनी विकते आणि . भारतात तयार होणाऱ्या मॉडेल्समध्ये BMW 2 Series Gran Coupe, BMW 3 Series Long Wheelbase, BMW 5 Series Long Wheelbase, BMW 7 Series, BMW X1, BMW X3, BMW X5, BMW X7, BMW M340i आणि BMW iX1 Long Wheelbase यांचा समावेश आहे.

दुसरीकडे, पूर्णपणे आयात (CBU) स्वरूपात येणाऱ्या गाड्यांमध्ये BMW i5, BMW i7, BMW i7 M70, BMW iX, BMW Z4 M40i, BMW M2 Coupe, BMW M2 CS, BMW M4 Competition, BMW M4 CS, BMW M5, BMW M8 Competition Coupe, BMW XM तसेच Mini Cooper S, Mini Countryman E, Mini JCW Countryman All4, Mini Countryman SE आणि Mini Convertible यांचा समावेश आहे.

फेब्रुवारी 2026 मध्ये ‘या’ Bikes चा वेगळाच दरारा! ग्राहकांचा मिळाला उदंड प्रतिसाद

BMW ची नवीन कार

BMW ने आपली नवीन BMW M2 CS भारतात 1.66 कोटी रुपये (एक्स-शोरूम) किंमतीत लाँच केली आहे. BMW M4 CS नंतर भारतीय बाजारात आलेले हे ब्रँडचे दुसरे CS मॉडेल आहे. ही कार पूर्णपणे परदेशातून (CBU) आयात केली जाईल. रेग्युलर M2 च्या तुलनेत ही अधिक पॉवरफुल आणि हलकी आहे. याच्या सस्पेंशन आणि बॉडीमध्ये विशेष बदल करण्यात आले असून त्यामुळे कार अधिक स्थिर आणि उत्कृष्ट कंट्रोलसह चालवता येते.

BMW M2 CS चे इंजिन

या कारमध्ये 3.0 लिटर ट्विन-टर्बो इंजिन देण्यात आले आहे, जे 530 HP पॉवर आणि 650 Nm टॉर्क निर्माण करते. हेच इंजिन BMW M4 GT3 EVO रेसिंग कारमध्येही वापरले जाते. ही कार अवघ्या 3.8 सेकंदांत 0 ते 100 किमी/तास वेग गाठते आणि तिचा कमाल वेग 302 किमी/तास आहे.