Vinfast ची नवीन MPV भारतात झाली लाँच, जाणून घ्या रेंज, किंमत आणि फीचर्स

भारतीय ऑटो बाजारात अनेक कंपन्या दमदार इलेक्ट्रिक कार ऑफर करत आहे. नुकतेच व्हिएतनामची ऑटो कंपनी Vinfast ने त्यांची नवीन एमपीव्ही लाँच केली आहे. Vinfast VF MPV 7 असे या कारचे नाव आहे.

• विनफास्टची नवीन कार लाँच
• MPV सेगमेंटमध्ये कार लाँच
• जाणून घ्या संपूर्ण माहिती

भारतात आपल्याला अनेक ऑटो कंपन्या पाहायला मिळतात. यातही विदेशी ऑटो कंपन्या सुद्धा भारतात त्यांची दमदार वाहने लाँच करत आहे. नुकतेच व्हिएतनामची ऑटो कंपनी VinFast ने सुद्धा त्यांची पहिली इलेक्ट्रिक एमपीव्ही भारतात लाँच केली आहे.

VinFast कंपनीने भारतात त्यांची नवीन इलेक्ट्रिक एमपीव्ही VinFast VF MPV 7 लाँच केली आहे. या कारची बुकिंग काही दिवसांपूर्वीच सुरू करण्यात आली होती आणि आता ती अधिकृतपणे बाजारात दाखल झाली आहे.

बाबो, 1 लिटर इंधनावर 45 किमीचा मायलेज! जगातील सर्वात जास्त मायलेज देणारी Hybrid Car आली

काय आहेत खास फीचर्स?

या इलेक्ट्रिक एमपीव्हीमध्ये अनेक प्रगत फीचर्स देण्यात आले आहेत. यामध्ये लेदर सीट्स, कीलेस एंट्री, 19-इंच अलॉय व्हील्स, एलईडी लाईट्स, 10.1-इंच इन्फोटेनमेंट सिस्टम, चार स्पीकर ऑडिओ सिस्टम, तसेच सुरक्षिततेसाठी एअरबॅग्स, एबीएस आणि ईबीडी यांसारखी वैशिष्ट्ये दिली आहेत.

बॅटरी आणि मोटरची क्षमता

या गाडीत 60.13 kWh क्षमतेची बॅटरी देण्यात आली असून, पूर्ण चार्ज केल्यावर ती सुमारे 450 किमीपर्यंतची रेंज देते. यातील इलेक्ट्रिक मोटर 204 हॉर्सपॉवरची ताकद आणि 280 न्यूटन मीटर टॉर्क निर्माण करते, ज्यामुळे गाडी दमदार परफॉर्मन्स देते.

कार खरेदीदारांनो लागा तयारीला! New Renault Duster च्या डिलिव्हरीला सुरुवात, कोणता मॉडेल सर्वात आधी मिळणार?

किंमत किती?

ही एमपीव्ही भारतात सुमारे 24.49 लाख रुपये (एक्स-शोरूम) किमतीत लाँच करण्यात आली आहे. विशेष म्हणजे, कंपनीकडून 31 मार्च 2029 पर्यंत मोफत चार्जिंगची सुविधा देखील दिली जात आहे.

कोणाशी होणार स्पर्धा?

सात सीट्स असलेली ही इलेक्ट्रिक एमपीव्ही बाजारात आल्यावर तिची थेट स्पर्धा Kia Carens Clavis EV सोबत होणार आहे.