रॉयल एनफिल्ड मोटोव्हर्स 2026 मध्ये हिमालयन 750 चे लाँच होणार? Continental GT 750 सह 4 बाइक्सची चर्चा!

रॉयल एनफिल्डच्या मोटोव्हर्स 2026 मध्ये हिमालयन 750 भारतीय मार्केटमध्ये लाँच होणार का? 743cc इंजिन, 63 Nm टॉर्क आणि 4 नवीन मोटरसायकल्समुळे यंदाचा गोव्यातील इव्हेंट खास ठरण्याची शक्यता आहे. जाणून घ्या कोणत्या बाइक्सची चर्चा आहे.

• हिमालयन 750 मध्ये 743cc पॅरलल-ट्विन इंजिन आणि 63 Nm टॉर्क मिळणार आहे.
• कॉन्टिनेंटल GT 750 फेअर्ड आणि अनफेअर्ड अशा 2 प्रकारांत सादर होण्याची शक्यता आहे.
• फ्लाइंग फ्ली S6 आणि शॉटगन 650 च्या खास एडिशनचेही मोटोव्हर्समध्ये प्रदर्शन होऊ शकते.

रॉयल एनफिल्डच्या चाहत्यांसाठी नोव्हेंबर महिना खास ठरणार आहे. Royal Enfield Motoverse 2026 हा मोटरसायकल इव्हेंट 27 ते 29 नोव्हेंबरदरम्यान गोव्यातील हिलटॉप, वागातोर इथे आयोजित केला जाणार आहे. यंदा या कार्यक्रमात Himalayan 750, Continental GT 750, Flying Flea S6 आणि Shotgun 650 Son of a Gun या 4 मोटरसायकल चर्चेचा विषय ठरू शकतात. विशेष म्हणजे, हिमालयन 750 च्या भारतीय किंमतीची घोषणा या कार्यक्रमात होण्याची शक्यता आहे.

रॉयल एनफिल्ड हिमालयन 750

या इव्हेंटमधील सर्वात मोठे आकर्षण हिमालयन 750 असू शकते. या बाईकने EICMA 2026 मध्ये जागतिक पदार्पण केले होते. यात नवीन 743cc एअर/ऑइल-कूल्ड पॅरलल-ट्विन इंजिन मिळते. हे इंजिन 5,000 rpm वर 63 Nm टॉर्क निर्माण करते. यामध्ये 5 रायडिंग मोड्स, 6-अॅक्सिस IMU, कॉर्नरिंग ABS, लीन-सेंसिटिव्ह ट्रॅक्शन कंट्रोल आणि क्रूझ कंट्रोल मिळते. 19-इंच फ्रंट आणि 17-इंच रिअर ट्युबलेस व्हील्समुळे ही बाईक लांब पल्ल्याच्या प्रवासासाठी तयार करण्यात आली आहे. लडाखमधील हिमालयन बेस कॅम्पमध्येही कंपनीने ही बाईक दाखवली होती.

रॉयल एनफिल्ड फ्लाइंग फ्ली C6 चे चेन्नईत आगमन! 14 आउटलेट्स, भारतात 40 ठिकाणी नेटवर्क

कॉन्टिनेंटल GT 750

कॉन्टिनेंटल GT 750 ही दुसरी चर्चेतील मोटरसायकल आहे. यामध्ये 743cc पॅरलल-ट्विन इंजिनची अपडेटेड आवृत्ती मिळेल. ही बाईक फेअर्ड आणि अनफेअर्ड अशा 2 प्रकारांत येण्याची शक्यता आहे. कंपनीच्या प्रोडक्शन मोटरसायकलमधील ही आतापर्यंतची सर्वात जास्त परफॉर्मन्स देणारी बाईक असल्याचे सांगितले जाते. ट्विन-पॉड TFT इन्स्ट्रुमेंट क्लस्टरमुळे आधुनिक फीचर्सची जोड मिळणार आहे. 2027 मध्ये तिच्या विक्रीला सुरुवात होण्याची अपेक्षा आहे.

फ्लाइंग फ्ली S6 आणि शॉटगन 650

फ्लाइंग फ्ली S6 ही इलेक्ट्रिक स्क्रॅम्बलर स्टाइल मोटरसायकल आहे. यात 19-इंच फ्रंट आणि 18-इंच रिअर वायर-स्पोक व्हील्स, लाँग-ट्रॅव्हल USD फोर्क आणि Fleaware.OS वर चालणारी टचस्क्रीन मिळते. यामध्ये ऑफ-रोड रायडिंग मोडही दिला आहे. कंपनीने उन्हाळा 2027 मध्ये लाँचचे नियोजन केले आहे. दुसरीकडे, शॉटगन 650 Son of a Gun ही Deus Ex Machina सोबत विकसित केलेली स्पेशल एडिशन आहे. रेड, क्रीम आणि गोल्ड फिनिश, ब्राऊन लेदर सीट आणि खास अलॉय व्हील्स हे तिचे वैशिष्ट्य आहे. जगभरात या बाईकच्या फक्त 100 युनिट्सचे प्रोडक्शन केले जाणार आहे.

‘रॉयल एनफिल्ड’ मोटरसायकल जगताचा अविभाज्य घटक! 125 वर्षांचा गौरवशाली इतिहास,भारतातील लोकप्रियता आणि ग्लोबल नेटवर्कची विशेष कहाणी

मोटोव्हर्स 2026 मध्ये काय घडणार?

या चार बाइक्सपैकी हिमालयन 750 च्या भारतीय लाँचची सर्वाधिक चर्चा आहे. कॉन्टिनेंटल GT 750 चे प्रदर्शन आणि फ्लाइंग फ्ली S6 ची भारतीय एन्ट्रीही चाहत्यांसाठी खास ठरू शकते. पण रॉयल एनफिल्डने कार्यक्रमातील संपूर्ण लिस्ट अजून जाहीर केलेली नाही. त्यामुळे प्रत्यक्ष लाँच आणि प्रदर्शनाबाबतची माहिती कार्यक्रमातच स्पष्ट होईल.