Electric Car Servicing: सर्व्हिसिंगचा खर्च पाहून डोकं फिरलं! (फोटो सौजन्य- सोशलमीडिया)
EV Car Battery Repair Viral Video : सध्या वाढत्या पेट्रोलच्या किंमती पाहता अनेकजण इलेक्ट्रिक कारचा पर्याय निवडतात. इलेक्ट्रिक गाडीमुळे प्रदूषण कमी होते तसेच कमी खर्चात जास्तीत प्रवास मिळतो . त्यामुळे इलेक्ट्रिक कार नागरिकांची पाहिली पसंती असते. दरम्यान या गाड्यांमध्ये काही तांत्रिक अडचण आली की, खर्च मात्र वाढतो. मुख्य म्हणजे, बॅटरी खराब झाल्यावर मालकांसमोर एक मोठा प्रश्न निर्माण होतोय. अशाच एका प्रकरणाचा व्हिडिओ सध्या सोशलमीडियावर व्हायरल होत आहे. Electric Car Servicing
एका इंजिनीअरिंग विद्यार्थी आपली गाडीमध्ये तांत्रिक अडचण आल्यानंतर तो सर्व्हिस सेंटरमध्ये घेऊन गेला. तिथे बॅटरीशी संबंधित कामासाठी मोठा खर्च सांगण्यात आले. एवढेच नाही तर काही आवश्यक भाग मिळण्यासाठी काही दिवस थांबावे लागू शकते, असेही त्याला सांगण्यात आले. त्याने लगेच दुसरा मार्ग निवडला. स्वतः समस्या समजून घेण्याचे त्याने ठरवले.
तांत्रिक माहितीचा आधार घेत त्याने कारच्या बॅटरी सिस्टीमची तपासणी केली आणि बिघाड नेमका कुठे? आहे हे शोधण्याचा प्रयत्न केला. तसेच तो रिपेंर करत असताना त्याने शूट देखील केले. या व्हायरल झालेल्या व्हिडिओमध्ये विद्यार्थी कारच्या बॅटरी भागावर काम करताना दिसतोय. वाहनातील संबंधित भाग उघडून बॅटरी पॅकमध्ये तपासणी केली. त्यानंतर दोष शोधून त्यावर काम करण्यात आले आणि जवळपास दोन दिवसांत कार पुन्हा सुरू झाल्याचा दावा केला जात आहे.
या घटनेची दुसरी बाजूही महत्त्वाची आहे. इलेक्ट्रिक कारची मुख्य बॅटरी ही साध्या कारमध्ये असलेल्या 12V बॅटरीसारखी नसते. EVमध्ये मोठ्या क्षमतेची बॅटरी असते आणि तिच्यात अत्यंत जास्त व्होल्टेज असू शकते. म्हणूनच सोशल मीडियावरील व्हिडीओ पाहून कोणत्याही सामान्य कार मालकाने स्वतः बॅटरी उघडणे योग्य नाही.
चुकीची पद्धत वापरल्यास विजेचा धक्का, स्पार्क, आग किंवा बॅटरीचे गंभीर नुकसान होऊ शकते. अशा कामासाठी विशेष साधने, योग्य सुरक्षा पद्धती आणि उच्च-व्होल्टेज सिस्टीमचे प्रशिक्षण आवश्यक असते. त्यामुळे तांत्रिक माहिती आहे म्हणून प्रत्येक व्यक्तीने स्वतःच्या कारवर असा प्रयोग करावा, असा अर्थ या व्हिडीओतून घेणे धोकादायक ठरू शकते.
या प्रकरणाची सर्वात महत्त्वाची गोष्ट म्हणजे व्हायरल पोस्टमधील प्रत्येक दावा अद्याप स्वतंत्रपणे सिद्ध झालेला नाही. कारचे नेमके मॉडेल, बॅटरीमध्ये कोणती समस्या होती, सर्व्हिस सेंटरने किती खर्च सांगितला आणि विद्यार्थ्याला प्रत्यक्षात किती खर्च आला, याबाबत ठोस अधिकृत माहिती उपलब्ध नाही. त्यामुळे हा व्हिडीओ पाहून EVची बॅटरी सहज आणि स्वस्तात दुरुस्त करता येते, असा निष्कर्ष काढणे योग्य ठरणार नाही. मात्र, या घटनेमुळे इलेक्ट्रिक कारच्या देखभालीचा खर्च, बॅटरी रिपेअरची पद्धत आणि भविष्यात ग्राहकांना मिळणाऱ्या दुरुस्तीच्या पर्यायांवर नक्कीच चर्चा सुरू झाली आहे.
टीप – हे व्हिडिओ सोशल मडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
