होंडाच्या 4 प्रीमियम पण परवडणाऱ्या बाईक्स याच वर्षी भारतात होणार लॉन्च! आत्ताच घ्या जाणून

होंडा यावर्षी भारतीय बाजारात 4 नव्या प्रीमियम मोटरसायकल आणण्याच्या तयारीत आहे. सीबी500पासून रिबेल 500 आणि एक्सआर 300 मालिकेपर्यंतच्या या बाईक्समध्ये वेगवेगळ्या प्रकारच्या रायडर्ससाठी पर्याय मिळणार आहेत. विशेष म्हणजे स्थानिक उत्पादनामुळे काही मॉडेल्सच्या किंमती ग्राहकांच्या आवाक्यात राहण्याची शक्यता आहे.

• होंडाच्या 4 नव्या बाईक्स भारतीय ग्राहकांना प्रीमियम अनुभवासोबत परवडणाऱ्या किमतीचा पर्याय देऊ शकतात.
• सीबी500 आणि रिबेल 500 रोडस्टर तसेच क्रूझर सेगमेंटमध्ये होंडाची उपस्थिती आणखी मजबूत करतील.
• एक्सआर 300 L आणि रॅली ऑफ-रोड चाहत्यांसाठी दमदार इंजिन आणि उत्कृष्ट ग्राउंड क्लीयरन्ससह येतील.

भारतात प्रीमियम मोटरसायकलची मागणी वेगाने वाढत आहे. तरुण ग्राहक आता केवळ मायलेज देणाऱ्या कम्युटर बाईकपुरते मर्यादित न राहता क्रूझर, रोडस्टर आणि अॅडव्हेंचर मोटरसायकलकडेही आकर्षित होत आहेत. हीच गरज लक्षात घेऊन होंडा यावर्षी भारतीय मार्केटमध्ये 4 नवीन प्रीमियम आणि तुलनेने परवडणाऱ्या मोटरसायकल आणण्याच्या तयारीत आहे.

होंडा सीबी500

होंडा सीबी500 ही निओ-रेट्रो रोडस्टर असून तिच्या डिझाइनमध्ये सीबी350 आणि मोठ्या सीबी750ची झलक पाहायला मिळते. भारतात तिचे उत्पादन स्थानिक पातळीवर करण्याची शक्यता असल्याने किंमत स्पर्धात्मक ठेवण्यास मदत होऊ शकते. यात गोल एलईडी हेडलॅम्प, मोठी फ्युएल टँक, ट्विन रिअर शॉक आणि दोन्ही चाकांवर डिस्क ब्रेक मिळतील. 501cc सिंगल-सिलेंडर, ऑइल-कूल्ड इंजिन 27 PS पॉवर आणि 43.3 Nm टॉर्क देईल.

रोजच्या ऑफिस प्रवासासाठी बजेटमध्ये उत्तम पर्याय; होंडा शाइन 100 डीएक्सची किंमत ₹75 हजारांपेक्षा कमी

होंडा रिबेल 500

होंडा रिबेल 500 भारतात याआधीही विकली जात होती; मात्र सीबीयू मार्गाने आयात केल्यामुळे तिची किंमत जास्त होती. आता सुमारे 50% लोकलायझेशनसह तिचे पुनरागमन होण्याची शक्यता आहे. 471cc पॅरलल-ट्विन इंजिन 46 PS आणि 43.3 Nm टॉर्क तयार करेल. 6-स्पीड गिअरबॉक्ससोबत स्टँडर्ड आणि ई-क्लच पर्याय मिळण्याची शक्यता आहे.

होंडा एक्सआर 300 L

ऑफ-रोडिंग आवडणाऱ्यांसाठी एक्सआर 300 L महत्त्वाची ठरू शकते. हलक्या बांधणीसोबत लाँग-ट्रॅव्हल सस्पेंशन आणि 244 mm ग्राउंड क्लीयरन्स मिळणार आहे. 293.5cc सिंगल-सिलेंडर इंजिन 26.9 bhp आणि 26.6 Nm टॉर्क देईल. भारतात उत्पादन झाल्यास ती आकर्षक किंमतीत येऊ शकते.

Honda UC3 VS TVS iQube: बजेट आणि रेंजच्या खेळात कोणती ई-स्कूटर ठरेल सर्वोत्तम? पाह इन डिटेल तुलना

होंडा एक्सआर 300 रॅली

एक्सआर 300 रॅली ही एक्सआर 300 L पेक्षा अधिक टूरिंग आणि ऑफ-रोड-केंद्रित असेल. यात मोठी फ्युएल टँक, उंच विंडस्क्रीन आणि डकार-प्रेरित बॉडीवर्क मिळेल. रंगीत TFT डिस्प्ले, रोडसिंक कनेक्टिव्हिटी, ट्रॅक्शन कंट्रोल आणि स्विचेबल ड्युअल-चॅनल ABS यांसारखी फीचर्सही मिळण्याची शक्यता आहे. ही बाईक केटीएम 390 अॅडव्हेंचर R, रॉयल एनफिल्ड हिमालयन 450 आणि टीव्हीएस अपाचे RTXला टक्कर देऊ शकते.