इलेक्ट्रिक कमर्शियल व्हेईकल निर्मिती क्षेत्रातील दिग्गज कंपनी ऑयलर मोटर्स (Euler Motors) ने हरियाणातील पलवल येथे आपल्या समर्पित चार-चाकी उत्पादनासाठीच्या नवीन प्लांटची सुरुवात केली आहे. हीरो मोटोकॉर्पचे पाठबळ असलेल्या या कंपनीने या नव्या प्लांटसाठी १०० कोटी रुपयांची गुंतवणूक केली आहे. या गुंतवणुकीमुळे कंपनीचा संपूर्ण उत्पादन परिसर ४० एकरांवर विस्तारला असून, वार्षिक उत्पादन क्षमता २४,००० वाहनांपर्यंत पोहोचली आहे.
वाढती मागणी आणि उत्पादनाचा विस्तार कमर्शियल कार्गो क्षेत्रात इलेक्ट्रिक वाहनांचा वापर वेगाने वाढत आहे. कंपनीने दिलेल्या माहितीनुसार, गेल्या वर्षी एप्रिल महिन्यात दरमहा अवघ्या ४० चार-चाकी वाहनांची विक्री होत होती. यंदा जून महिन्यात हा आकडा थेट ८०० वाहनांवर पोहोचला आहे. चार-चाकी कार्गो EV क्षेत्रात ऑयलर मोटर्सचा बाजारपेठेतील हिस्सा सुमारे २८% पर्यंत वाढला आहे.
Hero Splendor Off Road Crossover: हिरो स्प्लेंडर आता नव्या ऑफ-रोड रुपात; डिझाइनचे पेटंट भारतात बुक!
नव्या प्लांटची प्रमुख वैशिष्ट्ये:
हीरो मोटोकॉर्प आणि ऑयलर मोटर्सची भागीदारी
हीरो मोटोकॉर्पकडे ऑयलर मोटर्सचा ३६% हिस्सा आहे. हीरो मोटोकॉर्पचे कार्यकारी अध्यक्ष पवन मुंजाल यांनी स्पष्ट केले की, भारतातील कमर्शियल मोबिलिटी क्षेत्र सध्या महत्त्वाच्या टप्प्यावर असून, शाश्वत तंत्रज्ञान आणि सरकारी धोरणांमुळे ईव्हीचा स्वीकार वेगाने होत आहे.
ऑयलर मोटर्सचे संस्थापक आणि सीईओ सौरव्ह कुमार यांनी सांगितले की, “हीरो मोटोकॉर्पची साथ ही फक्त भांडवलापुरती मर्यादित नसून त्यांच्या नेटवर्कचाही आम्हाला मोठा फायदा झाला आहे. आमच्या विक्री आणि सर्व्हिस नेटवर्कचा विस्तार ३५ टचपॉइंट्सवरून थेट १०० पेक्षा जास्त टचपॉइंट्स पर्यंत झाला आहे.”
.png "Videos"){kind=small}
