
Hero Splendor Plus Price Hike in India (फोटो सौजन्य-AI एआय)
Hero Splendor Plus Price Hike मुळे भारतातील सर्वाधिक विकल्या जाणाऱ्या कम्युटर बाईकपैकी एक असलेली हिरो स्प्लेंडर प्लस आता महाग झाली आहे. हिरो मोटोकॉर्पने या बाईकच्या चारही व्हेरिएंटच्या किंमतीत वाढ केली आहे. व्हेरिएंट आणि प्रदेशानुसार ही वाढ 1,135 रुपयांपासून 3,086 रुपयांपर्यंत आहे. नवीन किंमती लागू झाल्यामुळे कमी बजेटमध्ये रोजच्या प्रवासासाठी स्प्लेंडर घेण्याचा विचार करणाऱ्या कस्टमर्सना आता जास्त पैसे मोजावे लागणार आहेत.
हिरो स्प्लेंडर प्लसची विक्री ड्रम, i3S, स्पेशल एडिशन्स आणि 125 मिलियन एडिशन अशा 4 व्हेरिएंटमध्ये केली जाते. यातील ड्रम, i3S आणि 125 मिलियन एडिशनच्या किंमतीत प्रत्येकी 1,135 रुपयांची वाढ झाली आहे. तर स्पेशल एडिशन सर्वाधिक 3,086 रुपयांनी महागली आहे. त्यामुळे ड्रम व्हेरिएंटची नवीन एक्स-शोरूम किंमत 78,912 रुपये झाली आहे. i3S साठी 80,045 रुपये मोजावे लागतील. स्पेशल एडिशन आणि 125 मिलियन एडिशन या दोन्हींची किंमत आता 81,666 रुपये आहे.
भारतात येणार 5 नवीन Adventure Bikes! Royal Enfield, Hero आणि Bajaj च्या बाइक्सची तयारी सुरू
स्प्लेंडर प्लसच्या 125 मिलियन एडिशनमध्ये ग्रे रंगाची खास थीम मिळते. या रंगासोबत ब्लॅक, ब्राऊन आणि गोल्ड रंगांचे ग्राफिक्स देण्यात आले आहेत. फ्युल टँकवर 125M लोगो असलेली 3D प्लेटही आहे. ही एडिशन दिसायला वेगळी असली तरी तिच्या इंजिन, फीचर्स आणि इतर पार्ट्समध्ये बदल करण्यात आलेला नाही.
या बाईकमध्ये आधीप्रमाणेच 97.2cc सिंगल-सिलिंडर एअर-कूल्ड पेट्रोल इंजिन आहे. हे इंजिन 7.9 bhp पॉवर आणि 8.05 Nm टॉर्क देते. इंजिनसोबत 4-स्पीड गिअरबॉक्स मिळतो. सस्पेंशनसाठी पुढे टेलिस्कोपिक फोर्क आणि मागे ट्विन शॉक अॅब्झॉर्बर्स आहेत. दोन्ही चाकांवर ड्रम ब्रेक देण्यात आले आहेत.
स्प्लेंडर प्लसची लोकप्रियता तिचे मायलेज, विश्वासार्हता आणि रीसेल व्हॅल्यू यामुळे टिकून आहे. तिच्यासमोर बजाज प्लॅटिना 100 आणि टीव्हीएस रेडियन या बाईकचे आव्हान आहे. कंपनीने अलीकडेच हिरो एक्स्ट्रीम 125R स्टील्थ एडिशनही 1.16 लाख रुपयांत लाँच केली आहे. या मॉडेलमध्ये TFT डिस्प्ले आणि TPMS फीचर मिळते. पण स्प्लेंडर प्लसच्या किंमतवाढीचा तिच्या विक्रीवर किती परिणाम होतो, हे पाहणे महत्त्वाचे ठरेल.