जुनी गाडी विकली असेल तर सावधान! RC ट्रान्सफर न केल्यास तुम्हीच याल गोत्यात; ‘हा’ आहे सर्वात सोपा मार्ग

Car RC Transfer: तुमचे वाहन विकल्यानंतर तुमचा आरसी हस्तांतरित करणे का आवश्यक आहे आणि तुम्ही ते सर्वात सोप्या पद्धतीने कसे करू शकता? या लेखातून जाणून घ्या ते कसे...

• गाडी विकली, पण RC ट्रान्सफर झाली नाही?
• मोठी अडचण नक्की!
• ही आहे मालकी हक्क हस्तांतरणाची सर्वात सोपी प्रक्रिया

RC Transfer Process: अनेक लोक गाडी विकल्यानंतर आपली जबाबदारी संपली असे मानतात, पण खरी जबाबदारी तर RC ट्रान्सफरने सुरू होते. जर RC नवीन मालकाच्या नावावर झाली नाही, तर गाडीशी संबंधित प्रत्येक चालान (दंड), अपघात किंवा गैरवापराचे परिणाम थेट तुमच्यावर पडतील. त्यामुळे गाडी विकताच RC ट्रान्सफरची प्रक्रिया पूर्ण करणे अत्यंत आवश्यक आहे. खालील सोप्या भाषेत ही संपूर्ण प्रक्रिया समजून घ्या:

१. सर्वात आधी ‘सेल लेटर’ (Sale Letter) तयार करा

गाडी विकताच पहिले काम म्हणजे ‘सेल लेटर’ तयार करणे. हे एक साधे लेखी दस्तऐवज (Document) असते, ज्यात गाडी विकल्याची तारीख, किती रुपयांना विकली आणि खरेदीदार व विक्रेता दोघांची स्वाक्षरी असते. हे पत्र सिद्ध करते की गाडी कोणत्या दिवसापासून दुसऱ्या व्यक्तीच्या ताब्यात गेली आहे.

२. RC ट्रान्सफरची करा सुरुवात

आता खरेदीदाराला RTO (प्रादेशिक परिवहन कार्यालय) च्या वेबसाइटवरून फॉर्म २९ आणि फॉर्म ३० डाऊनलोड करून भरावे लागतात. यात वाहनाचे तपशील (उदा. इंजिन नंबर, चेसिस नंबर, मॉडेल) आणि दोन्ही पक्षांची माहिती नमूद करावी लागते. हेच RC ट्रान्सफरच्या अधिकृत प्रक्रियेची सुरुवात आहे.

हे देखील वाचा: कार कंपन्यांना सेफ्टी फीचर्सवर द्यावे लागणार बारीक लक्ष! लवकरच येऊ शकतो BNCAP 2.0

३. दोघांच्या सह्या आणि आवश्यक कागदपत्रे जमा करा

फॉर्म भरल्यानंतर त्यावर खरेदीदार आणि विक्रेता दोघांच्याही सह्या असणे अनिवार्य आहे. त्यानंतर खरेदीदार खालील कागदपत्रे RTO मध्ये फॉर्मसोबत जमा करतो:

जुनी RC (नोंदणी प्रमाणपत्र)

विमा (Insurance) कॉपी

प्रदूषण प्रमाणपत्र (PUC)

सेल लेटर

आधार कार्ड किंवा ओळखपत्र

पासपोर्ट साईज फोटो

कागदपत्रे जितकी स्पष्ट असतील, तितकी प्रक्रिया लवकर पूर्ण होते.

४. कर्ज असलेल्या गाडीसाठी ‘ना हरकत प्रमाणपत्र’ (NOC)

जर गाडीवर अजूनही कर्ज (Loan) चालू असेल, तर बँकेकडून NOC (No Objection Certificate) देणे आवश्यक आहे. NOC शिवाय ट्रान्सफरची प्रक्रिया पुढे सरकणार नाही. सर्व कागदपत्रे योग्य असल्यास, खरेदीदार RTO मध्ये ट्रान्सफर फी जमा करतो. ही फी गाडीच्या प्रकारानुसार बदलते.

५. वाहनाची तपासणी (Inspection)

काही वेळा RTO अधिकारी स्वतः वाहनाची तपासणी (Inspection) करतात. यामध्ये अधिकारी इंजिन नंबर आणि चेसिस नंबरची तपासणी करून कागदपत्रांची पडताळणी करतात. सर्व काही योग्य आढळल्यास तुमची फाईल पुढे जाते आणि हस्तांतरण प्रक्रिया सुरू होते.

६. नवीन मालकाच्या नावे RC जारी

प्रक्रिया पूर्ण झाल्यावर RTO नवीन मालकाच्या नावाने RC तयार करून त्यांच्या पत्त्यावर पोस्ट करते. खरेदीदार हवे असल्यास RTO मध्ये जाऊन ती स्वतः घेऊ शकतो.

टीप: जोपर्यंत नवीन RC मिळत नाही, तोपर्यंत RC ट्रान्सफर अर्जाची पावती (Receipt) सुरक्षित ठेवावी; कारण हेच सिद्ध करते की गाडी आता तुमच्या नावावर नाही.

हे देखील वाचा: मारूती कार खरेदी करण्याची सुवर्णसंधी! Alto, Celeria, Wagon R गाड्यांवर नोव्हेंबरमध्ये मिळणार तुफान Discount