टीव्हीएस, बजाज, हिरो आणि एथरचा मजबूत पाया
टीव्हीएस मोटर, बजाज ऑटो आणि हिरो मोटोकॉर्प यांनी इलेक्ट्रिक टू व्हीलर सेक्शनमध्ये चांगली पकड निर्माण केली आहे. याशिवाय एथर एनर्जी आणि ओला इलेक्ट्रिकसारख्या फक्त इलेक्ट्रिक वाहनांवर लक्ष केंद्रित करणाऱ्या कंपन्यांनीही ग्राहकांमध्ये मजबूत स्थान मिळवले आहे. मार्केटमध्ये लवकर एन्ट्री केल्याचा फायदा या कंपन्यांना झाला. त्यामुळे प्रोडक्शन, डीलर नेटवर्क, चार्जिंग सुविधा आणि सर्व्हिस नेटवर्क वाढवण्यासाठी त्यांना जास्त वेळ मिळाला.
ऑगस्टमधील ग्राफ पाहता टीव्हीएसने होंडा आणि इतर प्रतिस्पर्ध्यांना मागे टाकण्यात आपल्या इलेक्ट्रिक मॉडेल्सचा मोठा फायदा घेतला. टीव्हीएस आयक्यूब आणि ऑर्बिटरला ग्राहकांचा चांगलाच प्रतिसाद मिळत आहे. दुसरीकडे, होंडाने अॅक्टिव्हा:e आणि क्यूसी1च्या माध्यमातून इलेक्ट्रिक विभागात प्रवेश केला असला तरी त्यांची विक्री आघाडीच्या ब्रँड्सच्या तुलनेत अद्याप मर्यादित आहे.
जपानी कंपन्यांची रणनीती वेगळी!
होंडाने जुलै 2026 मध्ये क्यूसी3 सादर करून इलेक्ट्रिक पोर्टफोलिओ वाढवण्याचे संकेत दिले आहेत. सुझुकीचा ई-ॲक्सेस बाजारात आहे, मात्र त्यालाही भारतीय कंपन्यांसारखे मोठे विक्री प्रमाण मिळालेले नाही. यामाहाने 2024 मध्ये बंगळुरूस्थित रिव्हर मोबिलिटीमध्ये गुंतवणूक केली आणि फेब्रुवारी 2026 मध्ये ईसी-06 सादर केला. हा स्कूटर रिव्हर इंडीच्या प्लॅटफॉर्मवर आधारित आहे. यामाहाचा एरॉक्स EV देखील प्रीमियम विभागात उपलब्ध आहे.
जपानी कंपन्यांच्या तुलनेने संथ सुरुवातीमागे उत्पादन विकासाचा कालावधी, बॅटरी आणि घटकांचा पुरवठा, स्थानिकीकरण, चार्जिंग नेटवर्क तसेच गुंतवणुकीचे प्राधान्यक्रम अशी अनेक कारणे आहेत. त्यामुळे पुढील काळात भारतीय कंपन्यांचा हा आघाडीचा प्रवास कायम राहणार की जपानी ब्रँड्स जोरदार पुनरागमन करणार, याकडे बाजाराचे लक्ष असेल.
.png "Videos"){kind=small}
