Haval H9 मिळून 1 महिना होत नाही तोच Abhishek Sharma ने खरेदी केली Ferrari Purosangue, किंमत वाचूनच चक्रवाल

आशिया कपमधील प्लेअर ऑफ दि टूर्नामेंट अभिषेक शर्माला Haval H9 ही पॉवरफुल कार भेट म्हणून मिळाली होती. या कारला एक महिना होत नाही तोच या क्रिकेटपटूने आणखी एक आलिशान कार खरेदी केली आहे.

• अभिषेक शर्माने Ferrari Purosangue खरेदी केली
• या कारची किंमत अंदाजे 10.5 कोटी आहे.
• या कारमध्ये V12 इंजिन, चार दरवाजे आणि चार सीट आहेत

आशिया कप 2025 मध्ये आपल्या शानदार परफॉर्मन्समुळे अभिषेक शर्माला प्लेअर ऑफ दि टूर्नामेंटचा पुरस्कार मिळाला. तसेच या पुरस्कारासोबतच त्याला खास Haval H9 एसयूव्ही भेट देण्यात आली. महत्वाची बाब म्हणजे ही SUV अजून भारतात लाँच झाली नाही. आता या कारला एक महिना होत नाही तेच आता या क्रिकेटपटूने आलिशान Ferrari Purosangue कार खरेदी केली आहे.

New GST Rates ने सावरलं! Maruti Wagon R चा EMI वाचून तुम्ही सुद्धा फटाफट बुक कराल कार

खरेदी केली 10.5 कोटी रुपयांची कार!

भारतीय क्रिकेटपटू अभिषेक शर्माने त्याच्या कार कलेक्शनमध्ये आणखी एक दमदार कारची भर घातली आहे. अभिषेकने अलीकडेच फेरारी पुरोसांग्यू खरेदी केली आहे, ज्याची किंमत तब्बल 10.5 कोटी रुपये आहे. अभिषेकने इंस्टाग्रामवर नवीन कारचे दोन फोटो शेअर केले आहेत, ज्यामध्ये तो डेनिम जॅकेट आणि सनग्लासेसमध्ये स्टायलिश दिसत आहे. फेरारीचा चमकदार लाल इंटिरिअर आणि चमकदार काळे एक्सटिरिअर या कारला एक बोल्ड आणि स्पोर्टी लूक देतात. चाहत्यांनी या कारच्या डिझाइनचे आणि 25 वर्षीय खेळाडूचे कौतुक केले आहे. चला या आलिशान कारबद्दल अधिक माहिती जाणून घेऊया.

चाहत्यांनी केले कौतुक

अभिषेकच्या पोस्टला फक्त “V12” असे कॅप्शन देण्यात आले होते, परंतु ते लगेचच सोशल मीडियावर व्हायरल झाले. चाहत्यांनी कमेंट सेक्शनमध्ये त्याच्या यशाचे आणि त्याच्या नवीन कारचे कौतुक केले.

5 स्टार सेफ्टी रेटिंगला प्रीमियम फीचर्सची सोबत! Tata Sierra येत्या नोव्हेंबरमध्ये होऊ शकते लाँच

दमदार कामगिरी आणि Player of the Tournament चा पुरस्कार

एशिया कप 2025 मधील जबरदस्त परफॉर्मन्सनंतर अभिषेक शर्मा यांची ही नवी खरेदी चर्चेत आली आहे. सात डावांत 314 धावा करून त्यांनी सर्वाधिक धावा करणारा खेळाडू म्हणून नाव कमावले. पाकिस्तानविरुद्धच्या 39 चेंडूत 74 धावांच्या खेळीमुळे त्यांना ‘प्लेयर ऑफ द टूर्नामेंट’ हा किताब मिळाला.

टूर्नामेंटदरम्यान त्यांना मिळालेली Haval H9 SUV ही चर्चेत होती, मात्र अभिषेकची वैयक्तिक पसंती असलेली Ferrari Purosangue सर्वाधिक लक्ष वेधून घेत आहे.

Ferrari Purosangue इंजिन

Ferrari Purosangue मध्ये नॅचरली एस्पिरेटेड V12 इंजिन वापरले जाते. हे इंजिन 725 हॉर्सपॉवर आणि 716 Nm टॉर्क निर्माण करते. ते 8-स्पीड ड्युअल-क्लच ट्रान्समिशन (DCT) आणि रिअर-व्हील ड्राइव्ह (RWD) शी जोडलेले आहे. ही कार फक्त 3.3 सेकंदात 0 ते 100 किमी/ताशी स्पीडपकडते.