5 स्टार सेफ्टी रेटिंग आणि हायटेक फीचर्स! Kia Syros चा नवीन मॉडेल लाँच; किंमत ‘इतक्या’ लाखांपासून सुरु

किआ मोटर्सच्या अनेक कार लोकप्रिय आहेत. नुकतेच कंपनीने Kia Syros चे अपडेटेड मॉडेल लाँच केले आहे. चला या कारबद्दल अधिक माहिती जाणून घेऊयात.

• किआ मोटर्स ही देशातील आघाडीची ऑटो कंपनी
• नुकतेच Kia Syros चे अपडेटेड मॉडेल लाँच
• Kia Syros MY26 लाँच

किआ इंडियाने सिरॉस MY26 या अपडेटेड SUV ची घोषणा केली असून, यामध्ये HTE, HTE(O), HTK+(O) आणि HTX(O) असे नवीन ट्रिम्स जोडण्यात आले आहेत. या कारची सुरुवातीची एक्स-शोरूम किंमत 8.39 लाख रुपये ठेवण्यात आली आहे. कंपनीने डिझेल ऑटोमॅटिक पर्यायही आता अधिक व्हेरिएंट्समध्ये उपलब्ध केला आहे.

डिझाइनमध्ये स्पोर्टी अपडेट्स

नव्या सिरॉसमध्ये अधिक आकर्षक आणि दमदार लुक देण्यासाठी फ्रंट आणि रिअर डिझाइनमध्ये बदल करण्यात आले आहेत.

• समोर नवीन स्पोर्टी बंपर, बॉडी-कलर्ड एरो इन्सर्ट्स
• ग्लॉसी ब्लॅक स्किड प्लेट्स आणि LED फॉग लॅम्प्स
• मागील बाजूस LED हाय-माउंटेड स्टॉप लॅम्प आणि नवीन बंपर

आता तुमची कार सुद्धा मागेल दारू! पेट्रोल-डिझेल नव्हे चक्क दारूवर चालणार कार? जाणून घ्या ‘E85’ मास्टरप्लॅन तयार

साइड प्रोफाइलमध्ये ग्लॉसी ब्लॅक रूफ रेल्स, ORVM आणि साइड गार्निशमुळे SUV अधिक प्रीमियम दिसते. टॉप व्हेरिएंट्समध्ये 17-इंच क्रिस्टल कट अलॉय व्हील्स आणि निऑन ब्रेक कॅलिपर्स देण्यात आले आहेत.

प्रीमियम इंटीरिअर आणि टेक्नोलॉजी

किया सिरॉस MY26 मध्ये 30-इंच ट्रिनिटी पॅनोरामिक डिस्प्ले, कनेक्टेड कार टेक्नोलॉजी, ड्युअल-पेन सनरूफ आणि हवेशीर सीट्ससारखे प्रीमियम फीचर्स देण्यात आले आहेत. याशिवाय, 60:40 स्प्लिट आणि स्लाइडिंग-रिक्लाइनिंग रिअर सीट्स, 80+ कनेक्टेड फीचर्स, OTA अपडेट्स आणि Kia Connect डायग्नोस्टिक्स.

सेफ्टी आणि परफॉर्मन्स

सुरक्षेच्या दृष्टीने या SUV मध्ये 20 स्टँडर्ड सेफ्टी फीचर्स देण्यात आले असून तिला 5-स्टार BNCAP रेटिंग मिळाले आहे. डिझेल ऑटोमॅटिक व्हेरिएंट आता HTK+ पासून उपलब्ध करण्यात आला आहे, ज्यामुळे ग्राहकांना अधिक सोयीस्कर ड्रायव्हिंग अनुभव मिळेल.

किमतीच्या बाबतीत बाजी मारली राव! नवीन कलर ऑप्शन्समध्ये Suzuki Avenis 125 स्कूटर लाँच, किंमत…

ग्राहकांसाठी अधिक मूल्य

कंपनीच्या मते, ग्राहकांच्या अभिप्रायावर आधारित हे अपडेट करण्यात आले असून, अधिक परवडणाऱ्या किमतीत प्रीमियम फीचर्स देण्याचा प्रयत्न केला आहे. शहरातील ड्रायव्हिंगसाठी योग्य साईज, प्रशस्त केबिन आणि उत्तम राइड क्वालिटीमुळे ही SUV फॅमिली कार म्हणूनही लोकप्रिय ठरत आहे.