थारप्रेमींसाठी क्रेझी बातमी! Mahindra Thar Facelift, Vision.S आणि BE.07 लवकरच येणार मार्केटमध्ये! पाहा डिटेलमध्ये माहिती

महिंद्रा लवकरच SUV मार्केटमध्ये मोठी उलथापालथ करण्याच्या तयारीत आहे. थार फेसलिफ्टपासून इलेक्ट्रिक BE.07 पर्यंत, कंपनीच्या आगामी 3 SUV पैकी नेमकी कोणती कार ग्राहकांचे लक्ष वेधणार?

• महिंद्रा थार फेसलिफ्टमध्ये नवीन ग्रिल, LED लाइट्स आणि आधुनिक फीचर्स मिळण्याची शक्यता आहे.
• व्हिजन.S ही 4 मीटरपेक्षा कमी लांबीची नवीन कॉम्पॅक्ट SUV म्हणून मार्केटमध्ये येऊ शकते.
• BE.07 इलेक्ट्रिक SUV मध्ये 79 kWh बॅटरीसह 650 किमीपेक्षा जास्त रेंज मिळण्याची शक्यता आहे.

महिंद्रा आपल्या SUV पोर्टफोलिओमध्ये पुढील काही महिन्यांत मोठी भर घालण्याच्या तयारीत दिसत आहे. कंपनीकडून थार फेसलिफ्ट, व्हिजन.S आणि BE.07 या 3 महत्त्वाच्या SUV ची एंट्री अपेक्षित आहे. यातील थार फेसलिफ्टचे लॉन्च 22 सप्टेंबर 2026 रोजी म्हणजे तूर्तास होण्याची शक्यता असून, व्हिजन.S आणि BE.07 ची प्रोडक्शन पीस 2027 मध्ये येऊ शकते.

थार फेसलिफ्टमध्ये काय बदलणार?

दुसऱ्या जनरेशनच्या थारला नव्या अपडेटमध्ये थार रॉक्सकडून प्रेरित डिझाइन मिळण्याची शक्यता आहे. नव्या रेडिएटर ग्रिलमध्ये उभे स्लॉट, हनीकॉम्ब पॅटर्न आणि सुधारित हेडलॅम्प्स दिसू शकतात. C-आकाराचे LED DRL, नवीन अलॉय व्हील्स आणि काही आधुनिक सुविधा यामध्ये जोडल्या जाण्याची शक्यता आहे. पॅसिव्ह कीलेस एंट्री, पुश-बटन स्टार्ट आणि वायरलेस फोन चार्जर यांसारखी फीचर्सही मिळू शकतात. इंजिन आणि ट्रान्समिशनमध्ये मोठा बदल अपेक्षित नाही.

महिंद्रा XUV 3XO REVX EDGE लाँच; ₹10 लाखांपेक्षा कमी किमतीत मिळणार पॅनोरॅमिक सनरूफचा ऑप्शन

व्हिजन.S ठरणार कॉम्पॅक्ट SUV

महिंद्राची व्हिजन.S ही 4 मीटरपेक्षा कमी लांबीची SUV असून ती नव्या NU_IQ प्लॅटफॉर्मवर आधारित उत्पादन मॉडेलच्या दिशेने जात आहे. या प्लॅटफॉर्मवर पेट्रोल, डिझेल, हायब्रिड आणि इलेक्ट्रिक पर्याय शक्य आहेत. पण सुरुवातीला पेट्रोल आणि डिझेल इंजिनवर भर दिला जाण्याची शक्यता आहे. 5-सीटर SUV मध्ये आधुनिक ड्युअल-स्क्रीन सेटअपसह थारसारखा SUV लूक देण्याचा प्रयत्न केला जाऊ शकतो.

BE.07 देणार इलेक्ट्रिक पर्याय

महिंद्रा BE.07 ही कंपनीच्या अपकमिंग इलेक्ट्रिक SUV पैकी महत्त्वाची कार असेल. सुमारे 4.6 मीटर लांबीच्या या SUV ची स्पर्धा टाटा हॅरियर.ev सारख्या मॉडेल्सशी होण्याची शक्यता आहे. उपलब्ध माहितीनुसार, ही SUV सिंगल-मोटर रिअर-व्हील-ड्राइव्ह कॉन्फिगरेशनमध्ये येऊ शकते. 59 kWh, 70 kWh आणि 79 kWh बॅटरी पर्यायांसह वेगवेगळे पॉवर आउटपुट मिळण्याची अपेक्षा आहे. टॉप व्हेरिएंटची रेंज 650 किमीपेक्षा जास्त असू शकते.

Mahindra XUV : लोकांच्या मनात घर करणारी Mahindra XUV 3XO; अडीच वर्षांत 2.5 लाखांहून अधिक गाड्या विकल्या!

महिंद्राचे हे फ्युचर लाइनअप पाहता, कंपनी एकाच वेळी ऑफ-रोड चाहत्यांपासून ते कुटुंबासाठी SUV शोधणाऱ्या ग्राहकांपर्यंत वेगवेगळ्या गरजा कव्हर करण्याचा प्रयत्न करत आहे. थार फेसलिफ्टपासून इलेक्ट्रिक BE.07 पर्यंत, पुढील काळात महिंद्राच्या SUV रेंजमध्ये डिझाइन, टेक्नोलॉजी आणि पॉवरट्रेनच्या लेव्हलवर चांगलीच विविधता पाहायला मिळू शकते.