Maruti Suzuki च्या 'या' कारची झाली दुर्दशा!
भारतीय ऑटो बाजारात Maruti Suzuki ने त्यांचे एक वेगळेच स्थान निर्माण केले आहे. कंपनी नेहमीच त्याच्या दमदार कार्ससाठी ओळखली जाते. तसेच ग्राहक देखील कार खरेदी करताना कंपनीच्या कार्सनाच पहिले प्राधान्य देत असतात. कंपनीच्या काही कारने तर रेकॉर्ड ब्रेक विक्री केली आहे. मात्र, असे जरी असले तरी एका कारच्या विक्रीत कंपनीला निराशा आली आहे.
2026 या आर्थिक वर्षाचा पहिला सहामाही, म्हणजेच सहा महिने आधीच संपले आहेत. एप्रिल ते सप्टेंबर 2025 दरम्यान, ऑटोमोबाईल उद्योगातील अनेक मॉडेल्सनी त्यांची ताकद दाखवली. मात्र, काही मॉडेल्सना ग्राहकांची खूप वाट पहावी लागली. या यादीत मारुतीची सर्वात आलिशान आणि प्रीमियम Maruti Suzuki Invicto चाही समावेश आहे.
New Hyundai Venue ची बुकिंग सुरु! फक्त ‘इतक्या’ रुपयात बुक करा कार
खरं तर, Invicto ही एमपीव्ही या सहा महिन्यांत कंपनीची सर्वात कमी विक्री होणारी कार होती. या कारला फक्त 1600 ग्राहक मिळाले, म्हणजेच दरमहा सरासरी 266 ग्राहक. कंपनी या महिन्यात या कारवर 1.40 लाखांपर्यंत सूट देखील देत आहे. इन्व्हिक्टोची एक्स-शोरूम किंमत 24,97,400 रुपयांपासून सुरू होते.
आर्थिक वर्ष 2026 च्या पहिल्या सहा महिन्यांतील इन्व्हिक्टो विक्रीमध्ये एप्रिलमध्ये 223 युनिट्स, मे मध्ये 223 युनिट्स, जूनमध्ये 351 युनिट्स, जुलैमध्ये 351 युनिट्स, ऑगस्टमध्ये 237 युनिट्स आणि सप्टेंबरमध्ये 215 युनिट्सचा समावेश आहे, एकूण 1600 युनिट्स विकल्या गेल्या आहेत.
मारुती इन्व्हिक्टोमध्ये 2.0 लिटरचे TNGA इंजिन आणि इंटेलिजेंट इलेक्ट्रिक हायब्रिड सिस्टम असेल. ते E-CVT गिअरबॉक्सशी जोडलेले आहे. ही कार 183 एचपी आणि 1250 एनएम टॉर्क निर्माण करते. ही कार 9.5 सेकंदात 0 ते 100 किमी/ताशी वेग वाढवू शकते. ही कार प्रति लिटर पेट्रोलमध्ये 23.24 किमी पर्यंत आहे. टोयोटा इनोव्हा प्रमाणे, ती 7-सीटर कॉन्फिगरेशनमध्ये देखील येते.
तसेच या कारमध्ये मस्क्युलर क्लॅमशेल बोनेट, DRL सह स्लीक एलईडी हेडलाइट्स, क्रोम-एन्क्लोज्ड हेक्सागोनल ग्रिल, रुंद एअर डॅम आणि सिल्व्हर स्किड प्लेट्स आहेत. केबिनमध्ये ड्युअल-टोन डॅशबोर्ड, लेदर अपहोल्स्ट्रीसह पॉवर्ड ओटोमन सीट्स, इंटिग्रेटेड मूड लाइटिंगसह पॅनोरॅमिक सनरूफ, मल्टी-झोन क्लायमेट कंट्रोल आणि मल्टी-फंक्शनल स्टेअरिंग व्हील आहेत.
