Maruti Suzuki ची कार खरेदी करणार आहात? February 2025 मध्ये प्रीमियम कारवर लाखो रुपये वाचवाल

जर तुम्ही सुद्धा कार डिस्काउंटच्या शोधात असाल तर ही बातमी तुमच्यासाठीच आहे. फेब्रुवारी 2025 मध्ये मारुती सुझुकी आपल्या काही प्रीमियम कारवर जबरदस्त डिस्काउंट देत आहे.

भारतातील आघाडीची कार उत्पादक कंपनी मारुती सुझुकी त्यांच्या नेक्सा डीलरशिपद्वारे काही सर्वोत्तम कार आणि एसयूव्ही ऑफर करते. जर तुम्ही या महिन्यात मारुती सुझुकीच्या कार खरेदी करण्याचा विचार करत असाल तर कंपनीकडून कोणत्या कारवर किती सूट दिली जात आहे, त्याबद्दल आज आपण जाणून घेणार आहोत.

Maruti Jimny वर सर्वात जास्त सूट

या महिन्यात मारुती नेक्सा द्वारे ऑफर केलेल्या ऑफ-रोडिंग एसयूव्ही जिमनीवर सर्वाधिक सूट दिली जात आहे. माहितीनुसार, या एसयूव्हीच्या टॉप व्हेरियंटवर 1.20 लाख रुपयांपासून ते 1.90 लाख रुपयांपर्यंतच्या ऑफर्स दिल्या जात आहेत. विशेष म्हणजे ही ऑफर फक्त या कारच्या 2024 मॉडेल्सवर उपलब्ध आहे. याशिवाय, जर तुम्ही 2025 मध्ये बनलेली कार खरेदी केली तर तुम्हाला 25 हजार रुपयांपर्यंत सूट मिळू शकते. या एसयूव्हीची एक्स-शोरूम किंमत 12.75 लाख ते 14.80 लाख रुपयांपर्यंत आहे.

व्हिएतनामच्या ऑटो कंपनीचा भारतात जलवा, Tata Nano पेक्षाही छोटी इलेक्ट्रिक कार करणार लाँच

Maruti Grand Vitara लाखो रुपयांचे डिस्काउंट

मारुती त्यांच्या नेक्सा डीलरशिपद्वारे ग्रँड विटारा देखील ऑफर करते. कंपनी फेब्रुवारी महिन्यात या एसयूव्हीवर 1.65 लाख रुपयांपर्यंतच्या ऑफर्स देत आहे. ही ऑफर त्यांच्या 2024 मॉडेल्सवर दिली जात आहे. याशिवाय, कंपनीकडून या महिन्यात 2025 च्या युनिट्सवर 1.10 लाख रुपयांच्या ऑफर्स दिल्या जात आहेत. या एसयूव्हीची किंमत 11.19 लाख रुपयांपासून (एक्स-शोरूम) सुरू होते आणि टॉप व्हेरियंटसाठी 19.९९ लाख रुपयांपर्यंत (एक्स-शोरूम) जाते.

Maruti Fronx वर तगडा डिस्काउंट

फेब्रुवारीत कंपनीची तिसरी एसयूव्ही फ्रॉन्क्स खरेदी केल्यास मोठी बचत होऊ शकते. या एसयूव्हीवर 1.03 लाख रुपयांपर्यंत बचत होऊ शकते. ही ऑफर 2024 मध्ये बनवलेल्या एसयूव्हीच्या काही मॉडेल्सवर दिली जात आहे. याशिवाय, एसयूव्हीच्या 2025 मॉडेल्सवर जास्तीत जास्त 95 हजार रुपयांपर्यंतच्या ऑफर दिल्या जात आहेत.

Zepto ला मानला बॉस ! iPhone नंतर आता चक्क करणार ‘या’ लक्झरी कंपनीच्या कारची डिलिव्हरी

Maruti Baleno वर 85 हजारापर्यंतचे डिस्काउंट

मारुती नेक्सा डीलरशिपद्वारे बलेनो देखील ऑफर करते. कंपनी या प्रीमियम हॅचबॅक कारवर 85 हजार रुपयांपर्यंतच्या ऑफर्स देत आहे. ही ऑफर त्यांच्या 2024 मॉडेल्सवर उपलब्ध असेल. या महिन्यात, 2025 मॉडेल्सवर जास्तीत जास्त 55000 रुपयांच्या ऑफर दिल्या जात आहेत. मारुती बलेनोची किंमत 6.70 लाख रुपये (एक्स-शोरूम) ते 9.92 लाख रुपये (एक्स-शोरूम) पर्यंत आहे.

Maruti Invicto वर सुद्धा आहे ऑफर

इन्व्हिक्टो ही मारुतीची सर्वात महागडी कार म्हणून आणली जाते. जर तुम्ही या महिन्यात ही कार खरेदी करणार असाल तर तुम्ही 3.15 लाख रुपयांपर्यंत बचत करू शकता. ही बचत त्यांच्या 2024 मॉडेल्सवर केली जात आहे. या महिन्यात तुम्हाला 2025 मधील युनिट्सवर 2.5 लाख रुपयांच्या ऑफर दिल्या जात आहेत.

अन्य कारवर सुद्धा आहेत ऑफर

याव्यतिरिक्त, Maruti XL6, आणि Maruti Ciaz वर देखील कंपनीकडून दमदार ऑफर्स दिल्या जात आहे.