TATA Sierra की Maruti Victoris? देशात Power Lockdown लागलाच कोणती कार देईल सुसाट मायलेज?

इराण, इस्राएल आणि अमेरिका मधील संघर्षामुळे भारतात मर्यादित इंधन आणि ऊर्जा साठा मुबलक असल्याकारणाने देशात पॉवर लॉकडाउन लागणार का? असा प्रश्न विचारला जात आहे.

• देशात पॉवर लॉकडाउन लागण्याची परिस्थिती
• मायलेजच्या बाबतीत TATA Sierra आणि Maruti Victoris अशा दोन्ही कार चांगल्या
• कोणती कार बेस्ट? चला जाणून घेऊयात

भारतीय ऑटो मार्केटमध्ये SUV सेगमेंटमध्ये आपल्याला एकापेक्षा एक अशा उत्तम कार्स पाहायला मिळतात. एसयूव्ही कार्स परफॉर्मन्स आणि कम्फर्टच्या बाबतीत इतर सेगमेंटच्या तुलनेत खूप पुढे असतात. तसेच, कंपन्या सुद्धा या सेगमेंटमध्ये नवनवीन पर्याय आणत असतात. अशाच दोन लेटेस्ट एसयूव्ही म्हणजे Maruti Suzuki Victoris आणि TATA Sierra.

मध्य पूर्वेत वाढत्या तणावामुळे कच्च्या तेलाच्या बाजारात मोठी उलथापालथ सुरू आहे. याच पार्श्वभूमीवर देशाचे पंतप्रधान नरेंद्र मोदी यांनी राज्यसभेत ‘पॉवर लॉकडाऊन’चा उल्लेख केल्याने सोशल मीडियावर मोठी चर्चा रंगली. या चर्चांच्या दरम्यान, आज आपण Maruti Suzuki Victoris आणि TATA Sierra या एसयूव्हींच्या मायलेजबद्दल जाणून घेऊयात.

सततच्या चार्जिंगपासून ग्राहकांची सुटका! ‘ही’ Electric Car स्वतःहून होते चार्ज, जाणून घ्या REEV गाड्यांबद्दल

Victoris चा मायलेज किती?

जर तुम्ही उत्तम मायलेज देणारी कार शोधत असाल, तर Maruti Suzuki ची Victoris या सेगमेंटमध्ये आघाडीवर आहे. या कारमध्ये 1.5 लिटर हायब्रिड इंजिन देण्यात आले असून, ते 116 PS पॉवर आणि 141 Nm टॉर्क निर्माण करते.

याशिवाय, 1.5 लिटर CNG इंजिनसह 5-स्पीड मॅन्युअल गिअरबॉक्स असलेला पर्यायही उपलब्ध आहे. हा व्हेरिएंट ARAI प्रमाणित 27.02 किमी प्रति किलो इतके मायलेज देतो.

प्रीमियम इंटिरिअर, 435 किमीची रेंज आणि बरंच काही! Kia ची नवीन EV ‘या’ देशात लाँच; किंमत…

TATA Sierra चा मायलेज किती?

मीडिया रिपोर्ट्सनुसार, टाटाकडून ऑफर केली जाणारी मिड-साईज SUV TATA Sierra च्या मायलेजबाबतची माहितीही समोर आली आहे. ARAI कडून RTI च्या उत्तरात ही माहिती मिळाल्याचे सांगितले जाते. या SUV साठी दोन इंजिन पर्यायांची माहिती उपलब्ध झाली असून, तिसऱ्या इंजिनची माहिती अद्याप समोर आलेली नाही.

या SUV मधील 1.5 लिटर TGDI हायपेरियन पेट्रोल इंजिन प्रति लिटर सुमारे 13.5 किमी मायलेज देऊ शकते. तर 1.5 लिटर क्रायोजेट डिझेल इंजिनसह ही SUV प्रति लिटर सुमारे 18.8 किमीपर्यंत मायलेज देऊ शकते.