292 PS ची SUV, 81 km इलेक्ट्रिक रेंज आणि AWD! ह्युंदाई ट्यूसॉनचा नवा प्लग-इन हायब्रिड अवतार करणार मार्केटमध्ये राडा!

टोयोटा RAV4 ला टक्कर देण्यासाठी ह्युंदाईने ट्यूसॉनच्या नव्या प्लग-इन हायब्रिड मॉडेलची माहिती समोर आणली आहे. 292 PS पॉवर, 17.1 kWh बॅटरी आणि 81 km इलेक्ट्रिक रेंजसह ही SUV टेक्नोलॉजीच्या बाबतीत चर्चेत आली आहे.

• ह्युंदाई ट्यूसॉन प्लग-इन हायब्रिडमध्ये 1.6-लिटर टर्बो इंजिनसोबत 2 इलेक्ट्रिक मोटर्सची टेक्नोलॉजी देण्यात आली आहे.
• मोठ्या 17.1 kWh बॅटरीमुळे नव्या ट्यूसॉनला 81 km पर्यंत इलेक्ट्रिक रेंज मिळण्याचे लक्ष्य आहे.
• नव्या ट्यूसॉनमध्ये AWD स्टँडर्ड असून भारतात ही ग्लोबल C-SUV लाँच होण्याची शक्यता सध्या नाही.

ह्युंदाईने आपल्या लोकप्रिय ट्यूसॉन SUVच्या नव्या 5व्या जनरेशनमधील प्लग-इन हायब्रिड मॉडेलची माहिती समोर आणली आहे. टोयोटा RAV4 ला टक्कर देणारी ही SUV ICE, माइल्ड-हायब्रिड, फुल-हायब्रिड आणि प्लग-इन हायब्रिड अशा विविध पॉवरट्रेनसह ग्लोबल मार्केटमध्ये सादर केली जाणार आहे. नव्या ट्यूसॉन प्लग-इन हायब्रिडची विशेषतः युरोपियन मार्केटसाठी इंजिनिअरिंग करण्यात आली आहे.

1.6-लिटर टर्बो इंजिनसोबत 2 इलेक्ट्रिक मोटर्स

नव्या ह्युंदाई ट्यूसॉन प्लग-इन हायब्रिडमध्ये 1.6-लिटर टर्बोचार्ज्ड डायरेक्ट-इंजेक्शन पेट्रोल इंजिन देण्यात आले आहे. या इंजिनला P1 आणि P2 अशा 2 इलेक्ट्रिक मोटर्सची साथ मिळते. 6-स्पीड ऑटोमॅटिक गिअरबॉक्स आणि मेकॅनिकल ऑल-व्हील ड्राइव्ह सिस्टम स्टँडर्ड आहे. P1 मोटर जुन्या मॉडेलमधील P0 बेल्ट-ड्राइव्ह मोटरची जागा घेते. त्यामुळे बेल्टमधून होणारे घर्षण कमी होते आणि इंजिन सुरू करणे, वीज निर्मिती तसेच गरजेनुसार इंजिनला अतिरिक्त मदत करणे शक्य होते.

Hyundai Navratri Offer: काय सांगता! Hyundai Creta वर ऑक्टोबरमध्ये ₹1.25 लाखांपर्यंत फायदा, पाहा कोणत्या मॉडेलवर किती सूट?

292 PS पॉवर, 380 Nm टॉर्क

P2 इलेक्ट्रिक मोटर 79 kW म्हणजेच 106 hp पॉवर जनरेट करते, तर P1 मोटर 13 kW म्हणजे 17 hp आउटपुट देते. संपूर्ण पॉवरट्रेनचे एकत्रित आउटपुट 292 PS आणि 380 Nm टॉर्क आहे. ही SUV 0 ते 100 km/h वेग 7.9 सेकंदांत गाठते. जुन्या मॉडेलच्या तुलनेत नवीन ट्यूसॉनमध्ये बॅटरी मोठी करण्यात आली आहे. जुन्या 13.8 kWh बॅटरीऐवजी आता 17.1 kWh बॅटरी मिळते.

81 km इलेक्ट्रिक रेंज, पण DC चार्जिंग नाही

मोठ्या बॅटरीमुळे नव्या ट्यूसॉन प्लग-इन हायब्रिडकडून WLTP सायकलनुसार 81 km इलेक्ट्रिक रेंज मिळण्याची अपेक्षा आहे. ही SUV फक्त AC चार्जिंगला सपोर्ट करते आणि कमाल 7.2 kW चार्जिंग इनपुट आहे. म्हणजेच टोयोटा RAV4 प्लग-इन हायब्रिडप्रमाणे DC फास्ट चार्जिंगची सुविधा यात नाही. पूर्ण चार्जिंगसाठी लागणारा वेळ ह्युंदाईने अद्याप जाहीर केलेला नाही.

Best Turbo Petrol SUVs in India: टर्बो इंजिनची पॉवर, SUVचा दमदार अंदाज! भारतातल्या ‘या’ 5 गाड्या बजेटमध्ये भारी

भारतात लाँच होण्याची शक्यता नाही

नवीन ट्यूसॉन युरोपमध्ये शॉर्ट-व्हीलबेस आणि इतर मार्केटमध्ये लाँग-व्हीलबेस स्वरूपात येणार आहे. युरोपियन मॉडेलची लांबी 4,560 mm, रुंदी 1,900 mm, उंची 1,670 mm आणि व्हीलबेस 2,720 mm आहे. लाँग-व्हीलबेस आवृत्ती 4,700 mm लांब असून तिचा व्हीलबेस 2,785 mm आहे. पण ह्युंदाईने सध्यातरी ही ग्लोबल C-SUV भारतात लाँच करण्याची योजना नसल्याचे स्पष्ट केले आहे.