नवीन MG Hector भारतात लाँच! फीचर्स आणि इंजिन असं जे Mahindra आणि Tata ला धडकी भरेल

अखेर भारतात नवीन MG Hector लाँच झाली आहे. या एसयूव्हीला कंपनीकडून अनेक अपडेट देण्यात आले आहे. चला या कारच्या फीचर्स आणि अन्य गोष्टींबद्दल जाणून घेऊयात.

• MG Hector भारतात लाँच
• 11.99 लाख रुपयांपासून सुरवातीची किंमत
• जाणून घ्या फीचर्स

भारतीय ऑटो बाजारात अनेक उत्तम कंपन्या आहेत, ज्या बेस्ट कार दमदार फीचर्ससह ऑफर करतात. अशीच एक ऑटो कंपनी म्हणजे MG मोटर्स. कंपनीच्या इलेक्ट्रिक सेगमेंटमधील वाहनांना ग्राहकांकडून चांगली मागणी मिळताना दिसत आहे. नुकतेच कंपनीने भारतीय मार्केटमध्ये त्यांची लोकप्रिय MG Hector नवीन अपडेटसह लाँच केली आहे. ही कार Celadon Blue आणि Pearl White अशा दोन नवीन रंगांचे पर्यायही उपलब्ध करून देण्यात आली आहे. या एसयूव्हीमध्ये कोणत्या प्रकारचे फीचर्स समाविष्ट आहेत, याचे इंजिन किती पॉवरफुल आहे आणि ती कोणत्या किंमतीला लाँच करण्यात आली आहे? या सर्व प्रश्नांची उत्तरे आपण जाणून घेऊयात.

आणि नवीन एमजी हेक्टर झाली लाँच

एमजीने नवीन MG Hector लाँच केली आहे. या नवीन एसयूव्हीमध्ये कंपनीने अनेक अपडेट्स दिले आहेत. कंपनी ती “डिझाइन टू सरप्राईज” या नावाने देत आहे.

खूप झाल्या ई-बाईक आणि कार! मार्केटमध्ये आता Tata Electric Cycle ठरतेय दमदार, फुल चार्जवर मिळेल 250 KM ची रेंज

फीचर्स

कंपनीकडून नवीन MG Hector ला 5 आणि 7 सीटर पर्यायांमध्ये सादर करण्यात आले आहे. या एसयूव्हीमध्ये अनेक प्रीमियम आणि आधुनिक फीचर्स देण्यात आले आहेत. सेगमेंटमध्ये प्रथमच iSwipe टच जेस्चर कंट्रोल फीचर देण्यात आले असून, यासोबतच नवीन Aura Hekt फ्रंट ग्रिल, नवीन बंपर आणि आकर्षक अलॉय व्हील्स देण्यात आले आहेत.

इंटिरिअरबाबत बोलायचे झाल्यास, या एसयूव्हीमध्ये ड्युअल टोन इंटिरिअर, हायड्रा ग्लॉस फिनिश ॲक्सेंट्स, 14 इंच पोर्ट्रेट इन्फोटेनमेंट सिस्टीम, डिजिटल ब्लूटूथ की, रिमोट AC, 17.78 सेमी डिजिटल इन्स्ट्रुमेंट क्लस्टर, 360 डिग्री कॅमेरा, LED लाइट्स, ॲम्बियंट लाइटिंग, PM 2.5 फिल्टर, रेन सेन्सिंग वायपर, Level-2 ADAS, ABS, EBD, ESP, हिल होल्ड कंट्रोल, ब्रेक असिस्ट, TCS यांसह 70 पेक्षा अधिक कनेक्टेड फीचर्स देण्यात आले आहेत.

पाहताच क्षणी प्रेमात पाडेल अशी Royal Enfield Classic 350! फक्त द्यावा लागेल 4,299 रुपयांचा EMI

दमदार इंजिन

MG कडून या एसयूव्हीमध्ये 1.5 लिटर क्षमतेचे टर्बो पेट्रोल इंजिन देण्यात आले आहे. हे इंजिन 143 PS पॉवर आणि 250 Nm टॉर्क निर्माण करते. यासोबतच या एसयूव्हीसाठी CVT आणि मॅन्युअल ट्रान्समिशनचे पर्यायही देण्यात आले आहेत.

किंमत किती?

MG कडून नवीन Hector ची एक्स-शोरूम किंमत 11.99 लाख रुपये ठेवण्यात आली आहे. तर या एसयूव्हीच्या टॉप व्हेरिएंटची एक्स-शोरूम किंमत 19.49 लाख रुपये आहे.