Nissan Pixo Electric City Car: निसान पिक्सो इलेक्ट्रिक कारची एन्ट्री; 259 किमी रेंजसह मिळणार स्मार्ट फीचर्स

निसानने 259 किमी रेंजसह पिक्सो ही छोटी इलेक्ट्रिक कार सादर केली आहे. 50 kW फास्ट चार्जिंग, Gemini आणि One-Pedal तंत्रज्ञानामुळे शहरातील ड्रायव्हिंगचा अनुभव आणखी स्मार्ट होणार आहे.

• निसान पिक्सोला 259 किमीची रेंज आणि 50 kW DC फास्ट चार्जिंगची सुविधा मिळणार आहे.
• कारमध्ये Gemini, Google Built-in, One-Pedal ड्रायव्हिंग आणि हँड्स-फ्री पार्किंगसारखी आधुनिक फीचर्स आहेत.
• 356 लिटर बूट स्पेस आणि सरकणाऱ्या मागच्या सीट्समुळे कार अधिक व्यावहारिक ठरते.

निसानने युरोपियन मार्केटसाठी आपली नवीन कॉम्पॅक्ट इलेक्ट्रिक कार पिक्सो सादर केली आहे. शहरातील दैनंदिन वापर लक्षात घेऊन तयार करण्यात आलेल्या या EV मध्ये छोट्या आकारासोबत चांगली बॅटरी रेंज, जलद चार्जिंग आणि आधुनिक कनेक्टिव्हिटी फीचर्स देण्यात आले आहेत. ग्राहकांना या कारची डिलिव्हरी 2027 च्या सुरुवातीपासून मिळण्यास सुरुवात होईल. किंमत आणि प्री-बुकिंगची माहिती डिसेंबर 2026 पासून जाहीर केली जाणार आहे.

पिक्सोमध्ये 27.5 kWh क्षमतेची LFP बॅटरी देण्यात आली असून ती एका चार्जमध्ये 259 किमीपर्यंतची WLTP रेंज देते. कारला 60 kW क्षमतेची इलेक्ट्रिक मोटर मिळते. 50 kW DC फास्ट चार्जरच्या मदतीने बॅटरी 15% वरून 80% पर्यंत पोहोचण्यासाठी सुमारे 28 मिनिटे लागतात. 11 kW AC चार्जिंगची सुविधाही देण्यात आली आहे.

पुण्यात TVS iQube MillionR चा जलवा! एकाच दिवशी 100 हून जास्त स्कूटरची डिलिव्हरी

कारची लांबी 3,796 mm आणि रुंदी 1,790 mm असून शहरातील अरुंद रस्ते व पार्किंगसाठी 9.9 मीटरचा टर्निंग सर्कल देण्यात आला आहे. मागच्या सीट्स स्वतंत्रपणे पुढे-मागे सरकवता येतात. त्यामुळे प्रवाशांसाठी किंवा सामानासाठी जागा गरजेनुसार बदलता येते. बूट स्पेस 356 लिटर आहे, तर सीट्स फोल्ड केल्यानंतर ती 1,221 लिटरपर्यंत वाढते.

तंत्रज्ञानाच्या बाबतीत पिक्सोमध्ये 7-इंच ड्रायव्हर डिस्प्ले आणि 10-इंच टचस्क्रीन देण्यात आली आहे. Google Built-in आणि Gemini व्हॉइस असिस्टन्समुळे नेव्हिगेशन, मनोरंजन आणि कम्युनिकेशन व्हॉइस कमांडने नियंत्रित करता येते. One-Pedal ड्रायव्हिंग, अ‍ॅडॅप्टिव्ह क्रूझ कंट्रोल, लेन डिपार्चर वॉर्निंग आणि हँड्स-फ्री पार्किंगसारखी फीचर्सही मिळतात.

2026 च्या पहिल्या सहामाहीत भारतात इलेक्ट्रिक कारची विक्री हायब्रिडपेक्षा दुप्पट! ‘या’ कंपन्यांचा दबदबा

पिक्सोचे उत्पादन रेनॉच्या स्लोव्हेनियातील Novo Mesto प्लांटमध्ये केले जाणार आहे. या कारमुळे निसानच्या युरोपियन EV लाइनअपमध्ये आणखी एका छोट्या आणि शहरकेंद्री मॉडेलची भर पडली आहे.