शुक्रवार, 30 ऑक्टोबर 2026
(फोटो सौजन्य-AI एआय)
इलेक्ट्रिक कारच्या विक्रीत मोठी वाढ
H1 2025 मध्ये 82,535 इलेक्ट्रिक कारची विक्री झाली होती. त्याच्या तुलनेत H1 2026 मध्ये विक्रीत सुमारे 79% वाढ झाली आहे. बाजारात इलेक्ट्रिक मॉडेल्सची संख्या वाढणे, चार्जिंग नेटवर्कचा विस्तार आणि विविध किंमत सेगमेंटमधील ऑप्शन उपलब्ध होणे ही यामागची महत्त्वाची कारणे मानली जात आहेत.
या वाढीत JSW MG Motor India, Mahindra & Mahindra आणि Tata Motors यांचा मोठा वाटा आहे. एमजी विंडसर 19,080 युनिट्ससह सर्वाधिक विक्री होणारी इलेक्ट्रिक कार ठरली. महिंद्रा एक्सईव्ही 9एसने 18,074 युनिट्ससह दुसरे स्थान मिळवले. टाटा नेक्सॉन.ईव्ही आणि पंच.ईव्हीनेही अनुक्रमे 16,567 आणि 15,683 युनिट्सची विक्री नोंदवली.
हायब्रिडमध्ये टोयोटा आणि मारुतीचा दबदबा
दुसरीकडे, हायब्रिड कार बाजार तुलनेने छोटा असला तरी त्यात Toyota Kirloskar Motor आणि Maruti Suzuki India यांचे वर्चस्व कायम आहे. टोयोटा इनोव्हा हायक्रॉस 27,812 युनिट्ससह आघाडीवर राहिली, तर अर्बन क्रूझर हायरायडरने 18,577 युनिट्सची विक्री केली. मारुती ग्रँड विटारा, व्हिक्टोरिस आणि इन्विक्टोनेही या यादीत स्थान मिळवले.
हायब्रिड सेगमेंटमध्ये येणार नवे पर्याय
हायब्रिड कारची निवड सध्या मर्यादित असली तरी येणाऱ्या काळात परिस्थिती बदलण्याची शक्यता आहे. किया सोरेंटो हायब्रिडनंतर कंपनी पुढील वर्षी अधिक परवडणारी सेल्टोस हायब्रिड आणण्याच्या तयारीत आहे. रेनोल्ट दिवाळीच्या आसपास डस्टर हायब्रिड भारतात आणू शकते. तसेच 2027 मध्ये ह्युंदाई क्रेटा हायब्रिडचीही एंट्री अपेक्षित आहे.
