55 मिनिटांत कार एक्सचेंज! Nissan आणि Spinny चा ग्राहकांसाठी मोठा धमाका; मिळणार जबरदस्त एक्सचेंज बोनस

निसान मोटर इंडियाने स्पिनींसोबत ग्राहकनासाठी फक्त '55 मिनिटांत कार एक्सचेंज' ही सुरु करण्याची घोषणा केली आहे. चला याबद्दल अधिक माहिती जाणून घेऊयात.

ग्राहकांसाठी अधिक सोयीस्कर सेवा देण्याच्या दिशेने Nissan Motor India ने मोठे पाऊल उचलले आहे. कंपनीने Spinny सोबत भागीदारी करत देशभरात 55 मिनिटांत वाहन एक्सचेंज करण्याची नवी सुविधा सुरू केली आहे. या उपक्रमांतर्गत ग्राहकांना त्यांच्या जुन्या वाहनाचे ऑन-द-स्पॉट मूल्यांकन करून नव्या Nissan कार खरेदीवर एक्सचेंज बोनसचा लाभ मिळणार आहे.

55 मिनिटांत पूर्ण होणार प्रक्रिया

या नव्या सुविधेमुळे वाहन खरेदी, विक्री आणि एक्सचेंज या सर्व प्रक्रिया एकाच ठिकाणी आणि कमी वेळात पूर्ण होणार आहेत. देशातील 30 प्रमुख शहरांमध्ये Spinny चे प्रशिक्षित मूल्यांकन तज्ञ (Evaluators) उपलब्ध असतील. तसेच Nissan डीलरशिपमध्ये Spinny चे विशेष काउंटर उभारण्यात येणार असून, ग्राहकांना त्वरित मदत मिळणार आहे.

शरीर म्हणेल थांब पण बाईक चालतच राहील लांब! फुल टॅंकवर 900 किमीची रेंज देतात ‘या’ Bikes, किंमत…

ग्राहक Nissan डीलरशिपवर किंवा Spinny च्या डिजिटल प्लॅटफॉर्मद्वारेही वाहन एक्सचेंज करू शकतात. यावेळी Spinny कडून दिले जाणारे ‘Selling Letter’ हे वैध कागदपत्र म्हणून स्वीकारले जाईल, त्यामुळे RC ट्रान्सफरची प्रक्रिया टाळली जाईल आणि व्यवहार अधिक सोपा होईल.

डीलर्स आणि ग्राहक दोघांनाही फायदा

या भागीदारीमुळे Nissan च्या डीलर नेटवर्कला देखील फायदा होणार असून, वापरलेल्या वाहनांच्या व्यवस्थापनात सुधारणा, नवीन ग्राहक मिळवणे आणि मार्केटिंग उपक्रमांना चालना मिळणार आहे. डिजिटल आणि फिजिकल सेवा एकत्र करून कंपनी ग्राहक-केंद्रित अनुभव देण्यावर भर देत आहे.

कंपनीचे म्हणणे

Saurabh Vatsa म्हणाले, “आमचे उद्दिष्ट ग्राहकांचा संपूर्ण कार मालकीचा अनुभव अधिक सोपा आणि पारदर्शक बनवणे आहे. Spinny सोबतची ही भागीदारी ग्राहकांना अधिक सुविधा आणि मूल्य देईल.” तर Niraj Singh यांनी सांगितले, “Nissan सोबतची भागीदारी अधिक मजबूत करत आम्ही ग्राहकांसाठी कार एक्सचेंज प्रक्रिया जलद, सोपी आणि विश्वासार्ह बनवत आहोत.”

मुंबईकरांनो लक्ष द्या! आता तुमच्या नवीन दुचाकींसाठी ‘या’ नवीन नोंदणी मालिकेची सुरुवात

Nissan च्या कार्सना मिळणार फायदा

या नव्या एक्सचेंज प्रोग्रामचा लाभ भारतातील Nissan च्या सर्व मॉडेल्सवर मिळणार आहे. Nissan Magnite च्या यशानंतर कंपनीने अलीकडेच Nissan Gravite ही नवीन SUV 5.65 लाख रुपये (एक्स-शोरूम) या आकर्षक किमतीत लॉन्च केली आहे. या उपक्रमामुळे Nissan भारतात आपली पकड अधिक मजबूत करण्याच्या दिशेने वाटचाल करत आहे.