डिझाइनमध्ये झक्कास आणि बजेटमध्ये बसणारी! Tata Curvv साठी द्यावे लागणार ‘इतकं’ डाउन पेमेंट; पाहा महिन्याच्या हप्त्याचे संपूर्ण गणित

भारतीय मिड-साईज SUV बाजारपेठेत सध्या मोठी चुरस पाहायला मिळत आहे. याच स्पर्धेत Tata Motersने आपली पहिली कूपे-स्टाईल SUV 'टाटा कर्व्ह' (Tata Curvv) लाँच केली आहे आणि सगळ्यांचं लक्ष वेधले आहे.

• Tata Motersने आपली पहिली कूपे-स्टाईल SUV Tata Curvv लाँच केली
• मिड-साईज SUV सेगमेंटमध्ये कडी टक्कर
• दरमहा किती द्यावा लागेल EMI?

Planning to buy a tata curvv : भारतीय मिड-साईज SUV बाजारपेठेत सध्या मोठी चुरस पाहायला मिळत आहे. याच स्पर्धेत Tata Motersने आपली पहिली कूपे-स्टाईल SUV ‘टाटा कर्व्ह’ (Tata Curvv) लाँच केली आहे आणि सगळ्यांचं लक्ष वेधले आहे. जर तुम्ही ही स्टायलिश कार घरी आणण्याचा विचार करत असाल, तर त्यासाठी तुम्हाला दरमहा किती हप्ता म्हणजेच EMI भरावा लागेल, याचे गणित समजून घेणे अत्यंत महत्त्वाचे आहे.

महागाईचा दणका! गॅसपाठोपाठ आता पेट्रोल-डिझेलची चिंता वाढली; ‘या’ गाड्या देतील सगळ्यात जास्त मायलेज…

मिड-साईज SUV सेगमेंटमध्ये कडी टक्कर

भारतीय बाजारपेठेत टाटा कर्व्हचा सामना आधीच लोकप्रिय असलेल्या Hyundai Creta, Kia Seltos आणि Maruti Suzuki Grand Vitara यांसारख्या गाड्यांशी आहे. मात्र, Curvvची खास ओळख म्हणजे तिची ‘कूपे’ स्टाईल रूफलाईन आणि स्पोर्टी डिझाइन, जे तिला या सेगमेंटमधील इतर गाड्यांपेक्षा वेगळी ठरवते. कंपनीला या मॉडेलकडून मोठ्या अपेक्षा होत्या, पण सध्या विक्रीचा वेग अपेक्षेपेक्षा थोडा संथ आहे. याला कारणीभूत जबरदस्त स्पर्धा आणि सर्व्हिस क्वालिटीबाबत ग्राहकांच्या मनातील काही शंका असल्याचे बोलले जाते.

किंमत आणि व्हेरियंट

Tata Curvvची एक्स-शोरूम किंमत सुमारे ₹९.६५ लाख ते ₹१८.८५ लाख दरम्यान आहे. आपण या कारच्या टॉप व्हेरियंटच्या (Accomplished +A DCA 1.5) आधारावर EMI चे गणित समजून घेऊया, ज्याची किंमत साधारण ₹१८.८५ लाख आहे.

दरमहा किती द्यावा लागेल EMI?

जर एखाद्या ग्राहकाने या टॉप व्हेरियंटसाठी पूर्ण रकमेचे कर्ज घेतलं आणि व्याजाचा दर ९.५% धरला, तर कर्जाच्या कालावधीनुसार EMI खालीलप्रमाणे असू शकतो:२४ महिने म्हणजेच २ वर्षे: जर तुम्ही २ वर्षांसाठी कर्ज घेतले, तर दरमहा सुमारे ₹८६,५३९ EMI भरावा लागेल. या काळात तुम्हाला एकूण ₹१.९२ लाख फक्त व्याज भरावे लागेल.
३६ महिने म्हणजेच ३ वर्षे: ३ वर्षांचा कालावधी निवडल्यास हप्ता कमी होऊन ₹६०,३७५ होईल. मात्र, यात व्याजाची एकूण रक्कम वाढून ₹२.८८ लाखांपर्यंत जाईल.
४८ महिने म्हणजेच ४ वर्षे: ४ वर्षांच्या कर्जावर EMI आणखी कमी होऊन ₹४७,३५२ होईल, पण एकूण व्याजाचा बोजा ₹३.८८ लाखांवर पोहोचेल.

EMI ठरवताना ‘या’ गोष्टी लक्षात ठेवा

कार लोनचा EMI हा प्रामुख्याने व्याजदर, डाउन पेमेंट, कर्जाची रक्कम आणि कालावधी यावर अवलंबून असतो. तुम्ही जेवढे जास्त डाउन पेमेंट कराल, तेवढा कर्जाचा बोजा आणि EMI कमी होईल. त्यामुळे कार खरेदी करण्यापूर्वी स्वतःचे उत्पन्न आणि बजेट यांचा विचार करून योग्य कर्ज कालावधी निवडणे नेहमीच फायदेशीर ठरतं. त्यामुळे कारही तुमची आणि आवश्यक कर्जाच्या गणितामुळे तुम्ही सोयीचं स्वतःचं गणित मांडू शकता.

25 kmpl मायलेज अन् 5 स्टार रेटिंग…! Maruti ची ‘ही’ कार सर्वांची फेव्हरेट; 360 डिग्री कॅमेऱ्यासह किंमत फक्त 6.26लाख