नवीन Tata Tigor घरी आणायची आहे? 1 लाख डाउन पेमेंटवर किती असेल EMI? खरेदीपूर्वी समजून घ्या संपूर्ण व्यवहार

Tata Tigor EMI Details: टाटा मोटर्सची लोकप्रिय कॉम्पॅक्ट सेडान Tata Tigor कमी बजेटमध्ये आकर्षक फीचर्ससह उपलब्ध आहे. जर तुम्ही 1 लाख रुपयांचे डाउन पेमेंट करून ही कार घरी आणण्याचा विचार करत असाल, तर तिची ईएमआय, ऑन-रोड किंमत आणि एकूण खर्चाची माहिती जाणून घेणे महत्त्वाचे ठरेल.

• Tata Tigor च्या बेस व्हेरिएंटची दिल्लीतील ऑन-रोड किंमत सुमारे 6.10 लाख रुपये आहे.
• 1 लाख रुपयांचे डाउन पेमेंट केल्यानंतर सुमारे 5.10 लाख रुपयांचे कर्ज घ्यावे लागेल आणि 7 वर्षांसाठी ईएमआय सुमारे 8,211 रुपये असेल.
• टाटा टिगोरची स्पर्धा मारुती डिझायर, होंडा अमेझ आणि ह्युंदाई ऑरा सारख्या सेडान कार्ससोबत होत आहे.

भारतातील प्रमुख वाहन निर्माता कंपन्यांपैकी एक असलेल्या टाटा मोटर्स वेगवेगळ्या सेगमेंटमध्ये वाहनांची विक्री करते. वाहन निर्माता कंपनी कॉम्‍पॅक्‍ट सेडान कार सेगमेंटमध्ये Tata Tigor ची विक्री करते. जर तुम्ही सेडान कारचे बेस व्हेरिअंट खरेदी करण्याचा विचार करत असाल आणि 1 लाख रुपयांचे डाऊन पेमेंट करण्यासाठी तयार असाल तर ही बातमी तुमच्यासाठी आहे. सेडान कारचे बेस व्हेरिअंट खरेदी घरी घेऊन येण्यासाठी 1 लाख रुपयांचे डाऊन पेमेंट केल्यानंतर तुम्हाला ईएमआय भरावा लागेल आणि संपूर्ण व्यवहार कसा होईल, याबाबत आता जाणून घेऊया.

Maruti मोठ्या धमाक्यासाठी सज्ज! स्मार्ट फीचर्स आणि हायब्रिड इंजिनसह लवकरच लाँच होणार नवीन कार, ग्राहकांची उत्सुकता शिगेला

Tata Tigor ची किंमत

टाटा कॉम्‍पॅक्‍ट सेडान कार सेगमेंटमध्ये Tigor सादर करते. या गाडीची एक्‍स शोरूम किंमत 5.55 लाख रुपये आहे. जर तुम्ही या गाडीची दिल्लीमध्ये खरेदी केली तर सुमारे 22 हजार रुपये आरटीओ आणि सुमारे 33 हजार रुपये इंश्‍योरेंससाठी खर्च करावे लागणार आहेत. त्यानंतर टाटा टिगोरची ऑन रोड किंमत सुमारे 6.10 लाख रुपये होते. (फोटो सौजन्य – Tata)

एक लाख डाऊन पेमेंटनंतर किती असेल ईएमआय?

जर तुम्ही या गाडीचे बेस व्हेरिअंट खरेदी करण्याचा विचार करत असाल बँक तुम्हाला या गाडीच्या एक्स शोरूम किंमतीवर कर्ज देणार आहे. एक लाख रुपयांचे डाऊन पेमेंट केल्यानंतर सुमारे 5.10 लाख रुपयांचे कर्ज घ्यावे लागणार आहे. बँक जर तुम्हाला 9 टक्के व्याजासह सात वर्षांसाठी 5.10 लाख रुपये देत असेल तर दर महिन्याला तुम्हाला 8211 रुपये ईएमआय भरावा लागणार आहे.

गाडीची किंमत किती असेल?

जर तुम्ही 9 टक्के व्याजासह सात वर्षांसाठी बँकेकडून 5.10 लाख रुपयांचे कार लोन घेतले, तर तुम्हाला 7 वर्षांसाठी 8211 रुपयांचा ईएमआय भरावा लागणार आहे. त्यामुळे, सात वर्षांत, तुम्हाला टाटा टिगोरच्या बेस व्हेरिएंटसाठी व्याजापोटी अंदाजे 1.79 लाख रुपये भरावे लागतील. यानंतर, एक्स-शोरूम, ऑन-रोड आणि व्याजासह तुमच्या कारची एकूण किंमत अंदाजे 7.89 लाख रुपये होईल.

Auto Tips: पहिल्यांदाच खरेदी करताय Automatic Car? ड्रायव्हिंगदरम्यान या 4 चुका गियरबॉक्ससाठी ठरू शकतात घातक

कोणासोबत होतेय स्पर्धा?

टाटा टिगोर गाडी एक कॉम्पॅक्ट सेडान म्हणून सादर करते. टिगोरची थेट स्पर्धा नव्या पिढीतील मारुती डिझायर, होंडा अमेझ आणि ह्युंदाई ऑरा यांसारख्या सेडान गाड्यांसोबत केली जात आहे.