Kia India pre-booking: कॅरेन्स सीएनजी, कॅरेन्स क्लॅव्हिस सीएनजी आणि कार्निव्हल लिमोझिन हायब्रिडचे प्री-बुकिंग सुरू

Kia India pre-booking: किया इंडियाने कॅरेन्स सीएनजी, कॅरेन्स क्लॅव्हिस सीएनजी आणि कार्निव्हल लिमोझिन हायब्रिड या तीन मॉडेल्ससाठी प्री-बुकिंग सुरू केल्याची घोषणा केली आहे. या नव्या पर्यायांमुळे कंपनीच्या मल्टि-पॉवरट्रेन पोर्टफोलिओचा विस्तार होणार असून ग्राहकांना त्यांच्या गरजेनुसार वाहन निवडता येईल.

किया इंडिया या देशातील अग्रगण्य मास-प्रीमियम ऑटोमेकर कंपनीने आपल्या कॅरेन्स सीएनजी, कॅरेन्स क्लॅव्हिस सीएनजी आणि कार्निव्हल लिमोझिन हायब्रिड मॉडेल्ससाठी प्री-बुकिंग सुरू केल्याची घोषणा केली. यामुळे कंपनीच्या मल्टि-पॉवरट्रेन पोर्टफोलिओचा अधिक विस्तार झाला आहे, तसेच ग्राहकांना उत्पादन श्रेणीमध्ये अधिक पर्याय उपलब्ध झाले आहेत.

ही तीन उत्पादने वैविध्यपूर्ण मोबिलिटी

नुकतेच झालेल्या किया इन्स्पिरेशन डेमध्ये प्रदर्शित करण्यात आलेली ही तीन उत्पादने वैविध्यपूर्ण मोबिलिटी सोल्यूशन्सच्या माध्यमातून ग्राहकांच्या बदलत्या आवडीनिवडी पूर्ण करण्याच्या किया इंडियाच्या कटिबद्धतेला अधिक दृढ करतात. कॅरेन्स आणि कॅरेन्स क्लॅव्हिससाठी सीएनजी पर्याय, तसेच कार्निव्हल लिमोझिनसाठी हायब्रिड पॉवरट्रेन उपलब्ध करून दिल्याने ग्राहकांना त्यांच्या वैयक्तिक गरजांनुसार सर्वोत्तम वेईकलची निवड करणे शक्य होईल. Kia India pre-booking:

कॅरेन्स सीएनजी आणि कॅरेन्स क्लॅव्हिस सीएनजी

जी१.५ ६एमटी वर आधारित कॅरेन्स आणि कॅरेन्स क्लॅव्हिस सीएनजीमध्ये ६०-लिटर टँक क्षमतेसह फॅक्टरी-फिटेड सीएनजी किट असेल, जे कियाच्या तीन-रांगांच्या (थ्री-रो) मॉडेल्सच्या उपयुक्ततेमध्ये अतिरिक्त पॉवरट्रेन पर्यायाची भर घालते. कॅरेन्स सीएनजी आणि कॅरेन्स क्लॅव्हिस सीएनजी या दोन्ही व्हेरिएंट्समध्ये १६ इंच व्हील्स आणि १६ इंच डिस्क ब्रेक्ससह सीएनजी-विशिष्ट इंजिन कॅलिब्रेशन आणि सुधारित सस्पेंशन देण्यात आले आहे. सीएनजी फ्युएल चेंज स्विच आणि सीएनजी डीटीई लॉजिकसह ४.२ इंच कलर टीएफटी एमआयडी यामुळे सीएनजी ड्रायव्हिंगचा अनुभव अधिक उत्साहवर्धक होतो. तसेच, दोन्ही मॉडेल्समध्ये सुधारित तिसऱ्या रांगेच्या सीट-बॅक फ्रेममुळे प्रवाशांच्या अतिरिक्त आरामासाठी रिक्लाइन अँगल अधिक चांगला मिळतो.

Best EV: शहरात रोज चालविण्यासाठी कोणती EV उत्तम? OLA S1 Pro की Ather 450X, तुम्ही काय निवडाल

कॅरेन्स सीएनजी प्रीमियम (ओ) जी१.५ ६एमटीमध्ये उपलब्ध असेल, तर कॅरेन्स क्लॅव्हिस सीएनजी एचटीई आणि एचटीई (ओ) जी१.५ ६एमटीमध्ये उपलब्ध असेल. बी२बी (बिझनेस-टू-बिझनेस) आणि व्यावसायिक मोबिलिटी सोल्यूशन्ससाठी, कॅरेन्स सीएनजी एम-ड्राइव्ह जी१.५ ६एमटीमध्ये उपलब्ध असेल, तर कॅरेन्स क्लॅव्हिस सीएनजी एचटीएम जी१.५ ६एमटीमध्ये उपलब्ध करून दिली जाईल.

एअर प्युरिफायर, वायरलेस चार्जिंगसह मागे घेता

जी१.६टी एचईव्ही ६एटीवर आधारित कार्निव्हल लिमोझिन हायब्रिड लिमोझिन+ ट्रिममध्ये उपलब्ध करून दिली जाईल, ज्यामुळे कियाच्या प्रीमियम एमपीव्ही पोर्टफोलिओमध्ये इलेक्ट्रिफाइड पॉवरट्रेन पर्यायाची भर पडेल. हे हायब्रिड मॉडेल १८ इंच (४५.७२ सेमी) क्रिस्टल कट ड्युअल टोन एरो अलॉय व्हील्स, अॅक्टिव्ह एअर फ्लॅप्स (एएएफ) आणि व्हर्च्युअल इंजिन साउंड सिस्टम (व्हीईएसएस) सह प्रीमियम आराम, एैसपैस जागा आणि सुविधा प्रदान करते.

यामध्ये एक्यूआय डिस्प्लेसह स्मार्ट प्युअर एअर प्युरिफायर, वायरलेस चार्जिंगसह मागे घेता येण्याजोगे (रिट्रॅक्टेबल) आणि उंचीनुसार अॅडजस्ट होणारे सीट बॅक टेबल्स, मोनोटोन अॅम्बियंट लाइटिंग, कप होल्डर्स आणि लेदरेट-रॅप्ड डोअर ट्रिम्स यांसारखी वैशिष्ट्येही देण्यात आली आहेत.

Tata Motors Car Sales in August 2026: EV मार्केटमध्ये टाटाची ‘चौकार’ कामगिरी! दर चारपैकी एका कारवर टाटाचा शिक्का

या नवीन पर्यायांसह, किया इंडियाने आपल्या मल्टि-पॉवरट्रेन धोरणात आणखी एक पाऊल पुढे टाकले आहे, तसेच भारतातील ग्राहकांच्या वैविध्यपूर्ण आणि बदलत्या गतीशीलता गरजा लक्षात घेऊन आपल्या पोर्टफोलिओमध्ये हायब्रिड आणि फॅक्टरी-फिटेड सीएनजी पर्याय आणले आहेत.

किया कॅरेन्स सीएनजी, क्लॅव्हिस सीएनजी आणि कार्निव्हल लिमोझिन हायब्रिडसाठी प्री-बुकिंग आता किया इंडियाच्या अधिकृत डीलर नेटवर्कद्वारे सुरू झाले आहे. तिन्ही मॉडेल्सच्या किमती लवकरच जाहीर केल्या जातील.