ग्राहकांचे ‘अच्छे दिन’ आलेत! नवीन GST च्या दारानंतर ‘ही’ कार झाली डायरेक्ट 1.32 लाख रुपयांनी स्वस्त

केंद्र सरकारने जीएसटीत कपात केल्यानंतर अनेक कारच्या किमतीत घट झाल्याचे दिसून आले. अशातच आपण जाणून घेऊयात की Hyundai Venue ची नवी किंमत काय असेल.

• Hyundai Venue च्या किमतीत 1.32 लाखांची मोठी कपात करण्यात आली आहे.
• परफॉर्मन्स-ओरिएंटेड व्हेन्यू एन लाईन देखील आता 1.14 लाखांनी स्वस्त झाली आहे.
• सणासुदीच्या हंगामापूर्वी ही कपात ग्राहकांसाठी एक मोठा फायदा ठरणार आहे.

15 ऑगस्ट 2025 ला लाल किल्ल्यावर भाषण देताना पंतप्रधान नरेंद्र मोदी यांनी GST मध्ये सुधारणा करणार अशी घोषणा केली होती. यानंतर काहीच दिवसात केंद्र सरकारने जीएसटी कमी करण्याचा निर्णय घेतला. याचा फायदा खासकरून ऑटो क्षेत्राला होणार आहे. याचे कारण म्हणजे आता छोट्या वाहनांवर 28 टक्के टॅक्स न लागता 18 टॅक्स लागणार आहे. यामुळे अनेक कार्सच्या किमतीत घट होणार आहे. हे जीएसटीतील बदल येत्या 22 सप्टेंबरपासून लागू होणार आहे.

नवीन जीएसटी दरांमुळे Hyundai Motors ने त्यांच्या लोकप्रिय सब-4 मीटर एसयूव्ही, Hyundai Venue और Venue N Line च्या किमतीत मोठी कपात केली आहे. सब-4 मीटर एसयूव्हीवरील टॅक्स आता 29-31% वरून 18% पर्यंत कमी झाला आहे, ज्याचा ग्राहकांना थेट फायदा होणार आहे. नवीन किमती 22 सप्टेंबर 2025 पासून लागू होतील. या कपातीनंतर, व्हेन्यूच्या डिझेल व्हेरिएंटवर 1.32 लाख रुपयांपर्यंत बचत करता येईल.

Skoda Octavia RS ‘या’ महिन्यात लाँच होण्यास सज्ज, कसे असतील फीचर्स?

Hyundai Venue च्या कोणत्या व्हेरिएंटवर किती रुपयांची सूट होईल?

Hyundai Venue वर कंपनीने मोठी किंमत कपात केली आहे. नवीन दरांनुसार ग्राहकांना विविध व्हेरिएंट्सवर चांगली बचत मिळणार आहे. उदाहरणार्थ, 1.2 E व्हेरिएंटची किंमत आधी ₹7,94,100 होती, जी आता ₹7,26,381 झाली आहे. त्यामुळे 67,719 रुपयांची बचत होते. त्याचप्रमाणे 1.2 S(O) Turbo DCT व्हेरिएंटवर तब्बल ₹1,01,899 ची बचत मिळते, तर सर्वाधिक बचत 1.5 CRDi SX(O) व्हेरिएंटवर आहे, जिथे जुनी किंमत ₹13,37,600 होती आणि नवीन किंमत ₹12,04,850 आहे, म्हणजेच तब्बल ₹1,32,750 ची बचत. एकूणच, वेगवेगळ्या मॉडेल्सनुसार ग्राहकांना ₹67,000 ते ₹1.32 लाखांपर्यंत बचत मिळू शकते, जी कार खरेदीदारांसाठी आकर्षक ठरते. अन्य व्हेरिएंटच्या किमती जाणून घेण्यासाठी तुम्ही Hyundai च्या शोरूमला भेट देऊ शकतात.