फोटो सौजन्य: Pinterest
भारतात Electric Bike ला चांगली मागणी मिळते आहे. विशेष म्हणजे ग्राहकांकडून इलेक्ट्रिक बाईकला देखील चांगली मागणी मिळतेय. अशातच जर आता तुम्ही सुद्धा ई-बाईक खरेदी करण्याचा विचार करताय तर ही बातमी तुमच्यासाठी फायदेशीर ठरणार आहे.
Revolt Motors ने आपल्या इलेक्ट्रिक बाईक्सवर ग्राहकांना तब्बल 25000 रुपयांपर्यंतचा फायदा देण्याची घोषणा केली आहे. ही ऑफर मर्यादित कालावधीसाठीच उपलब्ध आहे. सरकारच्या PM E-Drive Scheme अंतर्गत मिळणाऱ्या सवलतीचा सध्याचा टप्पा 31 मार्च 2026 रोजी संपणार असल्याने, ग्राहकांना जास्तीत जास्त लाभ मिळावा यासाठी कंपनीने ही खास योजना जाहीर केली आहे.
Hyundai Verna vs Virtus: कोणती कार सेफ्टीच्या बाबतीत एकदम बेस्ट? जाणून घ्या संपूर्ण माहिती
ही ऑफर 31 मार्च 2026 पर्यंत Revolt ची इलेक्ट्रिक बाईक खरेदी करणाऱ्या ग्राहकांसाठी लागू आहे. या ऑफरमध्ये ग्राहकांना फ्री इन्शुरन्स आणि सुमारे 49,999 रुपयांपर्यंतची फ्री वॉरंटी दिली जात आहे. त्याशिवाय कंपनीकडून विविध मॉडेल्सवर 8000 रुपयांची थेट सूटही दिली जात आहे.
याशिवाय PM E-Drive Scheme अंतर्गत ग्राहकांना 5000 रुपयांची अतिरिक्त बचत मिळणार आहे. या सर्व सवलतींचा एकत्रित विचार केला तर ग्राहकांना सुमारे 25000 रुपयांपर्यंतचा फायदा मिळू शकतो. ही ऑफर Revolt RV1, Revolt RV1+, Revolt RV BlazeX, Revolt RV400 BRZ आणि Revolt RV400 या मॉडेल्सवर उपलब्ध आहे.
या ऑफरबाबत माहिती देताना RattanIndia Enterprises च्या अध्यक्षा Anjali Rattan यांनी सांगितले की, या सवलतीचा मुख्य उद्देश इलेक्ट्रिक बाईक सर्वसामान्यांच्या आवाक्यात आणणे हा आहे. जास्तीत जास्त लोकांनी पेट्रोल बाईक्सऐवजी इलेक्ट्रिक बाईक स्वीकारावी आणि त्याचा अनुभव घ्यावा, अशी कंपनीची इच्छा आहे.
ही विशेष ऑफर संपूर्ण भारतातील Revolt च्या अधिकृत शोरूममध्ये उपलब्ध आहे. मात्र, लक्षात ठेवा की हा लाभ फक्त 31 मार्च 2026 पर्यंतच घेता येणार आहे. अधिक माहिती मिळवण्यासाठी किंवा बाईक बुक करण्यासाठी ग्राहक कंपनीच्या अधिकृत वेबसाइटला भेट देऊ शकतात.
.png "Videos"){kind=small}
