Royal Enfield Classic 350 Signature White Edition लॉन्च; किंमत Rs. 2.24 लाख! मिळणार ही 5 खास फीचर्स

रॉयल एनफिल्डने Classic 350 Signature White Edition Rs. 2.24 लाखांच्या एक्स-शोरूम किंमतीत लॉन्च केली आहे. पांढऱ्या रंगासोबत Brown Touring Seats, Tripper Pod, Adjustable Levers आणि Slipper Clutch यांसारखी फीचर्स मिळतात. त्यामुळे नेहमीच्या Classic 350 पेक्षा हा व्हेरिएंट नेमका किती खास आहे, हे पाहणे उत्सुकतेचे ठरेल.

• Classic 350 Signature White Editionची एक्स-शोरूम चेन्नई किंमत Rs. 2,24,275 असून ती टॉप-एंड व्हेरिएंट आहे.
• नवीन एडिशनमध्ये Tripper Pod, USB Type-C चार्जिंग आणि Adjustable Levers यांसारखी आधुनिक फीचर्स मिळतात.
• Brown Touring Seats आणि पांढऱ्या रंगामुळे Signature White Editionला Classic 350 पेक्षा वेगळा प्रीमियम लूक मिळतो.

रॉयल एनफिल्डने आपल्या लोकप्रिय Classic 350 लाइनअपमध्ये नवीन Signature White Edition दाखल केली आहे. या टॉप-एंड व्हेरिएंटची एक्स-शोरूम चेन्नई किंमत Rs. 2,24,275 ठेवण्यात आली आहे. नवीन एडिशन Emerald Green Editionच्या जवळच्या किंमतीत येते आणि ऑफीशल रॉयल एनफिल्ड डीलरशिपमध्ये अवेलेबल झाली आहे. वेगळ्या पांढऱ्या रंगासोबत काही प्रीमियम फीचर्स देऊन या व्हेरिएंटला खास लूक देण्यात आला आहे.

रायडर एक्सपिरीयंस

Signature White Edition मध्ये रायडरच्या अनुभवावर जास्त भर देण्यात आला आहे. यात Assist आणि Slipper Clutch देण्यात आला असून क्लच वापरताना लागणारा प्रयत्न कमी करण्यास याची मदत होते. यासोबत क्लच आणि ब्रेकसाठी Adjustable Levers मिळतात. त्यामुळे रायडर आपल्या हाताच्या पोहोचीनुसार लीव्हरची पोझिशन बदलू शकतो. रोजच्या शहरातील ट्रॅफिकपासून लांबच्या राइडपर्यंत हे फीचर्स उपयोगी ठरू शकतात.

Royal Enfield Meteor 350 vs Triumph Tracker 400: किंमत, पॉवर आणि फीचर्समध्ये काय आहे फरक?

प्रीमियम फीचर्स

या नवीन Classic 350 मध्ये Tripper Pod स्टँडर्ड देण्यात आला आहे. त्याच्या मदतीने Turn-by-Turn Navigation वापरता येते. स्मार्टफोन किंवा इतर डिव्हाइस चार्ज करण्यासाठी USB Type-C Fast Charging Port देखील देण्यात आला आहे. त्यामुळे लांबच्या प्रवासात नेव्हिगेशन वापरताना फोनची बॅटरी कमी होण्याची चिंता कमी होऊ शकते.

आकर्षक लुक

लूकच्या बाबतीत Signature White Edition मध्ये Brown Touring Seats देण्यात आल्या आहेत. साइड पॅनेलवर नवीन Classic लोगो, फ्युल टँकवर Stencil-Style Graphics आणि दोन्ही बाजूंना Royal Enfield बॅज देण्यात आले आहेत. पांढऱ्या रंगासोबत हे डिझाइन एलिमेंट्स मोटरसायकलला क्लासिक आणि प्रीमियम स्वरूप देतात.

2026 TVS Ronin vs Royal Enfield Hunter 350: किंमत, फीचर्स आणि इंजिनमध्ये कोण ठरेल रावडी रापचिक बाईक? जाणून घ्या

इंजिन आणि स्ट्रक्चर

यामध्ये इंजिन किंवा चेसिसमध्ये कोणताही मोठा यांत्रिक बदल करण्यात आलेला नाही. त्यामुळे Classic 350 ची ओळख कायम ठेवत जास्त फीचर्स असलेला पर्याय ग्राहकांना मिळतो. Classic 350 हे नाव 2008 पासून रॉयल एनफिल्डच्या महत्त्वाच्या मॉडेल्सपैकी एक आहे आणि त्याचा पारंपरिक रेट्रो लूक आजही ग्राहकांमध्ये लोकप्रिय आहे.

नवीन Signature White Editionमध्ये कंपनीने स्टाइलसोबत रोजच्या वापरातील सुविधा वाढवल्या आहेत. Brown Touring Seats, Tripper Pod, Adjustable Levers, Assist आणि Slipper Clutch तसेच Type-C चार्जिंग यामुळे हा व्हेरिएंट जास्त फीचर्स शोधणाऱ्या Classic 350 कस्टमर्ससाठी प्रोपर ठरतो.