Royal Enfield: रॉयल एनफिल्ड हिमालयन ४४० लाँच तारीख आली समोर! ४ सप्टेंबर २०२६ रोजी होणार भारतात लाँचिंग

रॉयल एनफिल्डच्या एका लोकप्रिय आणि बहुप्रतिक्षित ॲडव्हेंचर बाईकच्या लाँचिंगची अधिकृत तारीख अखेर समोर आली आहे. बाईकप्रेमींमध्ये प्रचंड उत्सुकता निर्माण करणाऱ्या या नव्या मॉडेलमध्ये असा कोणता खास बदल करण्यात आला आहे, ज्यामुळे ही बाईक भारतीय बाजारात येताच मोठी खळबळ उडवून देऊ शकते?

• रॉयल एनफिल्डची नवी ‘हिमालयन ४४०’ ही बाईक ४ सप्टेंबर २०२६ रोजी भारतात अधिकृतपणे लाँच होणार आहे.
• ही बाईक मूळ हिमालयान ४११ च्या लोकप्रिय डिझाइनवर आधारित असून यात स्क्रॅम ४४० चे इंजिन असेल.
• यामध्ये ४४३cc चे ऑईल-कूल्ड इंजिन आणि ६-स्पीड गिअरबॉक्ससह उत्तम ऑफ-रोडिंग क्षमता मिळण्याची दाट शक्यता आहे.

रॉयल एनफिल्ड आपली नवी हिमालयन ४४० भारतीय बाजारात लाँच करण्यासाठी सज्ज झाली आहे. ही बाईक मूळ हिमालयन ४११ च्या डिझाइनवर आधारित असून, यात ‘स्क्रॅम ४४०’ मधील शक्तिशाली LS440 इंजिन देण्यात आले आहे. कंपनीने आपल्या अधिकृत सोशल मीडिया हँडल्सवरून या बाईकच्या लाँचिंगची तारीख जाहीर केली आहे. ४ सप्टेंबर २०२६ रोजी ही बाईक अधिकृतपणे लाँच केली जाईल.

कंपनीच्या पोर्टफोलिओमध्ये ही बाईक अधिक तंत्रज्ञानाने समृद्ध असलेल्या हिमालयन ४५० च्या खाली पोझिशन केली जाईल. हिमालयान ४११ मधील ज्या ‘लॉन्ग स्ट्रोक’ इंजिनच्या रिलॅक्स्ड आणि आरामदायी रायडिंगच्या प्रेमात बाईकप्रेमी होते, तोच अनुभव ही नवी ४४० पुन्हा घेऊन येत आहे.

ॲम्बेसेडर, जिप्सी ते महिंद्रा स्कॉर्पिओ! सैन्याची ताकद बनलेल्या ‘या’ स्वदेशी गाड्यांची रंजक गोष्ट

जुन्या हिमालयन ४११ सारखीच काहीशी..

ज्यावेळी हिमालयन ४५० ने ४११ ची जागा घेतली, त्यावेळी ती रॉयल एनफिल्डची सर्वात आधुनिक बाईक ठरली होती. त्यामध्ये युएसडी फोर्क्स, लिक्विड कूलिंग, राईड-बाय-वायर, टीएफटी स्क्रीन आणि गुगल मॅप्स यांसारखे अनेक हाय-टेक फीचर्स देण्यात आले होते.

मात्र, ४५० च्या हाय-रेव्हिंग ‘शेरपा’ इंजिनमध्ये जुन्या ४११ च्या ‘लॉन्ग स्ट्रोक’ इंजिनसारखा शांत, आरामदायी स्वभाव आणि उत्तम मायलेजचा अभाव जाणवत होता. याच गोष्टीचा विचार करून रॉयल एनफिल्डने या इंजिनला अपडेट करून ४४०cc चे बनवले असून, त्यात आता ६-स्पीड गिअरबॉक्स जोडला आहे.

Royal Enfield Himalayan Basecamp 2026: रॉयल एनफिल्डकडून रायडर्स आणि कलाकारांची घोषणा!

काय-काय अपेक्षा ठेवू शकता?

‘स्क्रॅम ४४०’ चा विचार करता, नवीन हिमालयन ४४० चे डिझाइन मुख्यत्वे जुन्या हिमालयान ४११ प्रमाणेच राहण्याची शक्यता आहे,

• डिझाइन आणि लुक: तीच फ्युएल टँक, विंडशील्ड, सरळ हँडलबार आणि सेमी-डिजिटल इन्स्ट्रुमेंट कन्सोल यात पाहायला मिळू शकतो.
• टायर्स आणि सस्पेंशन: समोर २१-इंचाचे स्पोक व्हिल, ट्यूब-टाइप टायर्स आणि २००mm चा लांब ट्रॅव्हल असणारा सस्पेंशन सेटअप कायम ठेवला जाऊ शकतो.
• ब्रेकिंग सिस्टीम: दोन्ही चाकांवर डिस्क ब्रेक आणि ड्युअल-चॅनल ABS (मागील ABS बंद करण्याच्या स्विचसह) मिळण्याची दाट शक्यता आहे.
• इंजिन परफॉर्मन्स: यात ४४३cc चे सिंगल-सिलिंडर, ऑईल-कूल्ड इंजिन असेल, जे २५.४ bhp पॉवर आणि ३४ Nm टॉर्क जनरेट करते.

जरी हिमालयन ४४० आणि हिमालयन ४५० च्या इंजिन क्षमतेत फक्त १०cc चा फरक असला, तरी दोन्ही बाईक्सचा स्वभाव आणि परफॉर्मन्स पूर्णपणे वेगळा असेल. नवीन हिमालयन ४४० ही कमी बजेटमध्ये टुरिंग आणि ऑफ-रोडिंगची आवड असणाऱ्यांसाठी एक उत्तम पर्याय ठरेल.