फुल चार्जमध्ये 400km रेंज; 115km/h टॉप स्पीड आणि 26 लिटर स्टोरेज! या Simple Ultra इलेक्ट्रिक स्कूटरची किंमत जाणून घ्या!

एकदा चार्ज करा आणि कंपनीच्या दाव्यानुसार 400km पर्यंत प्रवास करा! सिंपल एनर्जीच्या सिंपल अल्ट्रा इलेक्ट्रिक स्कूटरमध्ये 6.5kWh बॅटरी, 115km/h टॉप स्पीड आणि 26 लिटर स्टोरेज मिळते. 2.45 लाख रुपये एक्स-शोरूम किंमत असलेल्या या प्रीमियम स्कूटरचे फीचर्स, चार्जिंग टाइम आणि परफॉर्मन्स जाणून घ्या.

इलेक्ट्रिक स्कूटर खरेदी करताना सर्वात मोठी चिंता असते ती म्हणजे रेंज आणि सारखेसारखे चार्जिंग करण्याची गरज. पण आता या समस्येवर तोडगा काढण्यासाठी सिंपल एनर्जीने आपली प्रीमियम इलेक्ट्रिक स्कूटर सिंपल अल्ट्रा सादर केली आहे. कंपनीच्या दाव्यानुसार, ही स्कूटर एका चार्जमध्ये 400km पर्यंत रेंज देते. दमदार स्पीड, मोठी बॅटरी आणि प्रीमियम फीचर्समुळे ही स्कूटर इलेक्ट्रिक टू-व्हीलर मार्केटमध्ये लक्ष वेधून घेत आहे.

किंमत आणि कलर ऑप्शन

सिंपल अल्ट्राची एक्स-शोरूम किंमत 2.45 लाख रुपये आहे. सध्या ही स्कूटर ऑरेंज रंगात सादर करण्यात आली आहे. सामान्य इलेक्ट्रिक स्कूटरच्या तुलनेत तिची किंमत जास्त असली, तरी कंपनीने यात मोठी बॅटरी, प्रीमियम फीचर्स आणि दमदार परफॉर्मन्स देण्यावर भर दिला आहे.

फुल चार्जमध्ये 150+km रेंज! 6 कलर ऑप्शनसह फक्त ₹66,499 मध्ये मिळते ही इलेक्ट्रिक स्कूटर

6.5kWh बॅटरी आणि 400km पर्यंत रेंज

या स्कूटरमध्ये 5kWh आणि 1.5kWh अशा 2 लिथियम-आयन बॅटरी युनिट्स मिळून एकूण 6.5kWh बॅटरी पॅक देण्यात आला आहे. कंपनीच्या दाव्यानुसार, फुल चार्जमध्ये स्कूटर 400km पर्यंत धावू शकते. फास्ट चार्जिंगच्या मदतीने बॅटरी 0 ते 80% चार्ज होण्यासाठी सुमारे 2 तास 15 मिनिटे लागतात. तर नॉर्मल चार्जिंगद्वारे पूर्ण चार्ज होण्यासाठी जवळपास 8 तास 30 मिनिटे लागतात. प्रत्यक्ष रेंज ही राइडिंग स्टाइल, वेग आणि रस्त्यांच्या परिस्थितीनुसार बदलू शकते.

115km/h टॉप स्पीड आणि 6 राइडिंग मोड

सिंपल अल्ट्रामध्ये परमनंट मॅग्नेट सिंक्रोनस मोटर देण्यात आली आहे. ही मोटर 8.8kW पीक पॉवर आणि 72Nm टॉर्क निर्माण करते. स्कूटरचा टॉप स्पीड 115km/h असून, ती 0 ते 40km/h वेग केवळ 2.77 सेकंदांत गाठते. यात EcoX, Eco, Ride, Air, Sonic आणि SonicX असे 6 राइडिंग मोड मिळतात.

Vinfast Grand Premia इलेक्ट्रिक मोटरबाइकचे डिझाइन आले समोर! खास फ्रंट फेअरिंगसह येणार ही नवी बाइक

7-इंच डिस्प्ले आणि 26 लिटर स्टोरेज

फीचर्सच्या बाबतीत या स्कूटरमध्ये 7-इंच टचस्क्रीन टीएफटी डिस्प्ले, ब्लूटूथ कनेक्टिव्हिटी, मोबाइल अ‍ॅप सपोर्ट, मॅप नेव्हिगेशन आणि कॉल-संदेश नोटिफिकेशन मिळतात. सुरक्षेसाठी 4-लेव्हल ट्रॅक्शन कंट्रोल, हिल होल्ड असिस्ट, साइड-स्टँड कट-ऑफ आणि रिव्हर्स मोड देण्यात आला आहे. पुढे टेलिस्कोपिक फोर्क्स आणि मागे मोनोशॉक सस्पेंशन आहे. 139kg वजन, 172mm ग्राउंड क्लीयरन्स आणि 26 लिटर अंडरसीट स्टोरेजमुळे रोजच्या वापरातही ती उपयोगी ठरू शकते.

एकूणच, लांब रेंज, वेग आणि आधुनिक फीचर्स शोधणाऱ्यांसाठी सिंपल अल्ट्रा हा प्रीमियम इलेक्ट्रिक स्कूटरचा पर्याय आहे. खरेदीपूर्वी प्रत्यक्ष रेंज, चार्जिंगची सुविधा आणि स्थानिक सर्व्हिस नेटवर्कची माहिती तपासणे महत्त्वाचे ठरेल.