Skoda Kushaq Facelift लाँच! जाणून घ्या किंमत आणि अन्य व्हेरिएंट्सची किंमत

Skoda Kushaq ही मार्केटमधील एक लोकप्रय एसयूव्ही आहे. नुकतेच, या कारचे Facelift व्हर्जन लाँच झाले आहे. चला याबद्दल अधिक माहिती जाणून घेऊयात.

• Skoda Kushaq चा Facelift व्हर्जन लाँच
• किंमत 10.69 लाख रुपये (एक्स-शोरूम)
• जाणून घ्या फीचर्स

Skoda Auto ने आपली लोकप्रिय SUV Skoda Kushaq चे फेसलिफ्ट मॉडेल भारतात लाँच केली आहे. या नव्या मॉडेलची सुरुवातीची एक्स-शोरूम किंमत 10.69 लाख रुपये ठेवण्यात आली आहे. या फेसलिफ्टमध्ये मेकॅनिकल बदल करण्यात आलेले नाहीत, मात्र 1-लिटर टर्बो पेट्रोल इंजिनसोबत नवीन ऑटोमॅटिक गिअरबॉक्स देण्यात आला आहे. चला या कारबद्दल अधिक माहिती जाणून घेऊयात.

एक्सटिरिअर डिझाइन

2021 मध्ये लाँच झाल्यापासून Kushaq आपल्या स्टायलिश लूकसाठी ओळखली जाते. फेसलिफ्ट मॉडेलमध्ये कारचा फ्रंट लूक अधिक मॉडर्न करण्यात आला आहे. आता यात स्लिम हेडलॅम्प्स मिळतात ज्यामध्ये DRL सिग्नेचर आहे. याशिवाय ग्लॉस ब्लॅक ग्रिलवर LED लाइट बार देण्यात आला आहे, जो दोन्ही हेडलाइट्सना जोडतो.

बाईकवरून पडण्याच्या भीतीला टाटा बाय बाय करा! ‘या’ देशात लाँच झाली जगातील पहिली सेल्फ बॅलन्सिंग बाईक

साइड लूक

साइड प्रोफाइलमध्ये फारसा बदल करण्यात आलेला नाही. कारचा आकार आणि साइज पूर्वीप्रमाणेच ठेवण्यात आला आहे. वर सिल्व्हर रूफ रेल्स आणि खाली ब्लॅक बॉडी क्लॅडिंग देण्यात आली आहे, ज्यामुळे SUV ला दमदार लूक मिळतो. मात्र, आता 17-इंचचे नवीन डिझाइन असलेले अलॉय व्हील्स देण्यात आले आहेत, जे अधिक स्पोर्टी आणि आकर्षक दिसतात.

कलर ऑप्शन्स

नवीन Kushaq फेसलिफ्टमध्ये एकूण 8 कलर ऑप्शन्स उपलब्ध आहेत. यामध्ये शिमला ग्रीन, चेरी रेड आणि स्टील ग्रे हे 3 नवीन रंग समाविष्ट करण्यात आले आहेत. याशिवाय लावा ब्लू, कँडी व्हाइट, ब्रिलियंट सिल्व्हर, डीप ब्लॅक आणि कार्बन स्टील हे पर्यायही उपलब्ध आहेत. काही कलर्समध्ये ड्युअल-टोन पर्याय मिळतो, ज्यात कारची छत ब्लॅक रंगात असते.

इंटीरियर आणि केबिन

इंटीरियर डिझाइनमध्ये मोठे बदल नसले तरी क्वालिटी अधिक सुधारण्यात आली आहे. यात ब्लॅक आणि बेज रंगाचा ड्युअल-टोन इंटीरियर देण्यात आला आहे. केबिन लेआउट पूर्वीप्रमाणेच ठेवण्यात आले असून सर्व कंट्रोल्स आणि बटण्स त्याच ठिकाणी आहेत.

10 लाखांच्या बजेटमध्ये ‘तुफान’ मायलेज! ‘या’ Automatic SUVs चा दराराच वेगळा, परफॉर्मन्स तर एकदमच भारी

कारमध्ये टू-स्पोक स्टीयरिंग व्हील क्रोम फिनिशसह देण्यात आले आहे. सीट्सवर रेड स्टिचिंग आहे आणि डॅशबोर्ड तसेच दरवाजांवर Nashik Red Matte फिनिश दिली आहे. इतर व्हेरिएंट्समध्ये ब्लॅक-बेज इंटीरियरसोबत डार्क सिल्व्हर मॅट फिनिश मिळते. या मॉडेलमध्ये आता पॅनोरमिक सनरूफ देण्यात आली आहे, जी केबिनला अधिक प्रीमियम आणि प्रशस्त फील देते.

फीचर्स आणि सेफ्टी

या SUV मध्ये पॅनोरमिक सनरूफ, मसाज फंक्शन असलेल्या सीट्स, अॅम्बियंट लाइटिंग, 10.25-इंच डिजिटल ड्रायव्हर डिस्प्ले (टर्न-बाय-टर्न नेव्हिगेशनसह) आणि AI असिस्टंटसह 10.1-इंच इन्फोटेनमेंट सिस्टम दिली आहे.

सेफ्टीसाठी 6 एअरबॅग्स, ESC, ऑल-व्हील डिस्क ब्रेक (फक्त 1.5-लिटर इंजिनसाठी), हिल होल्ड असिस्ट, फ्रंट आणि रिअर पार्किंग सेन्सर्स, रिअर व्ह्यू कॅमेरा आणि TPMS यांचा समावेश आहे.

किंमत

• Skoda Kushaq चे विविध व्हेरिएंट्स आणि इंजिन ऑप्शन्सनुसार किंमती वेगवेगळ्या ठेवण्यात आल्या आहेत.
• Classic+ व्हेरिएंटसाठी 1-लिटर TSI टर्बो पेट्रोल इंजिनची किंमत 10.69 लाख रुपये असून 1.5-लिटर TSI टर्बो पेट्रोलसाठी 12.69 लाख रुपये आहे.
• Signature व्हेरिएंट 1-लिटर इंजिनसह 14.59 लाख रुपये आणि 1.5-लिटर इंजिनसह 15.59 लाख रुपये आहे.
• Sportline व्हेरिएंटची किंमत 1-लिटर इंजिनसाठी 14.74 लाख रुपये आणि 1.5-लिटर इंजिनसाठी 15.74 लाख रुपये ठेवण्यात आली आहे.
• Prestige व्हेरिएंटमध्ये 1-लिटर इंजिनसाठी 16.79 लाख रुपये, 1.5-लिटरसाठी 17.59 लाख रुपये आणि DCT गिअरबॉक्ससह 18.79 लाख रुपये किंमत आहे.
• Monte Carlo व्हेरिएंट फक्त 1.5-लिटर इंजिनसह उपलब्ध असून त्याची किंमत 17.89 लाख रुपये आहे, तर DCT गिअरबॉक्ससह त्याची किंमत 18.99 लाख रुपये ठेवण्यात आली आहे.