सुझुकी V-Strom SX ला नवा अवतार! ₹2.02 लाखांत मिळणार ड्युअल-टोन कलर

सुझुकी V-Strom SX आता नव्या ड्युअल-टोन रंगात आली आहे, पण या बाईकची खरी खासियत फक्त तिच्या लूकमध्ये नाही. ₹2.02 लाखांच्या या ADV बाईकमध्ये 249cc इंजिन, 205mm ग्राउंड क्लीअरन्स आणि भरपूर फीचर्स मिळतात.

• सुझुकी V-Strom SX ला ₹2.02 लाख किंमतीत नवीन ड्युअल-टोन कलर मिळाला आहे.
• 249cc इंजिन 26.1bhp पॉवर आणि 22.2Nm टॉर्क तयार करते.
• 205mm ग्राउंड क्लीअरन्स आणि 19-इंच फ्रंट व्हीलमुळे खराब रस्त्यांवरही बाईक सक्षम ठरते.

नवा लूक, तीच दमदार ADV बाईक

सुझुकी मोटरसायकल इंडियाने आपल्या लोकप्रिय V-Strom SX ला नवीन ड्युअल-टोन कलरमध्ये सादर केले आहे. या नवीन रंगाला Glass Sparkle Black + Metallic Matte Fibroin Gray असे नाव देण्यात आले आहे. दिल्लीतील एक्स-शोरूम किंमत ₹2.02 लाख असून, नवीन पेंट स्कीमशिवाय बाईकच्या डिझाइन, फीचर्स किंवा इंजिनमध्ये कोणताही बदल करण्यात आलेला नाही. त्यामुळे अॅडव्हेंचर टूरिंगचा अनुभव घेऊ इच्छिणाऱ्या रायडर्सना आता आणखी एक कलर ऑप्शन मिळाला आहे.

डिझाइनमध्ये अॅडव्हेंचरचा तडका

सुझुकी V-Strom SX ला हलक्या वजनाच्या चॅसिसवर तयार करण्यात आले असून, यात रायडरला आरामदायी आणि सरळ राइडिंग पोझिशन मिळते. बाईकचा आयकॉनिक ‘Beak’ डिझाइन सुझुकीच्या DR-Z डेजर्ट रेसर आणि DR-BIG पासून प्रेरित आहे. यासोबत विंडस्क्रीन, नकल कव्हर्स, USB चार्जिंग आउटलेट आणि रिअर कॅरियरसारखी उपयोगी फीचर्स देण्यात आली आहेत.

Suzuki Gixxer Range: सुजुकी गिक्सर रेंजला नवे ड्युअल-टोन रंग; किंमत आणि फीचर्स जाणून घ्या

249cc इंजिन आणि दमदार हार्डवेअर

V-Strom SX मध्ये 249cc सिंगल-सिलिंडर, ऑइल-कूल्ड पेट्रोल इंजिन देण्यात आले आहे. हे इंजिन 9300rpm वर 26.1bhp पॉवर आणि 7300rpm वर 22.2Nm टॉर्क तयार करते. यात सुझुकी ऑइल कूलिंग सिस्टम (SOCS) आणि सुझुकी इको परफॉर्मन्स (SEP) टेक्नोलॉजीचा वापर करण्यात आला आहे. बाईकला 19-इंच फ्रंट आणि 17-इंच रिअर व्हील्स मिळतात, तर 205mm ग्राउंड क्लीअरन्समुळे खराब रस्ते आणि हलक्या ऑफ-रोड ट्रेल्सवरही चांगली मदत होते.

फीचर्समध्येही भरपूर सुविधा

बाईकमध्ये ड्युअल-चॅनल ABS, ऑल-LED लाइटिंग, सुझुकी Easy Start System आणि Bluetooth कनेक्टिव्हिटीसह डिजिटल इन्स्ट्रुमेंट क्लस्टर मिळते. Suzuki Ride Connectच्या मदतीने कनेक्टेड फीचर्सचा वापर करता येतो. बाईकसोबत ₹5,000 किमतीचे Rynox व्हाउचरही दिले जात आहे. तसेच काही बँका आणि फायनान्शियल संस्थांमार्फत 100 टक्के फंडिंग आणि 6.99 टक्क्यांपासून कमी व्याजदराचे फायनान्सिंग ऑप्शन देण्यात येत आहेत.

सुझुकीची SV-7GX आंतरराष्ट्रीय बाजारात लॉन्च; पावरफुल V-Twin इंजिनची दमदार रिएंट्री!

हिमालयीन सफरीचीही तयारी

सुझुकीने 29 सप्टेंबर ते 9 ऑक्टोबर 2026 दरम्यान दुसरी V-Strom SX Himalayan Expedition आयोजित केली आहे. दिल्लीपासून सुरू झालेल्या या राइडमध्ये लेह, नुब्रा व्हॅली, पॅंगॉन्ग त्सो आणि हानले यांसारख्या ठिकाणांचा समावेश आहे.