Tata Motors ची ऐतिहासिक कामगिरी, ‘इतक्या’ लाख वाहनांच्या विक्रीसह आर्थिक वर्ष 26 मध्ये नवा विक्रम!

टाटा मोटर्स ही देशातील एक आघाडीची ऑटो कंपनी आहे. नुकतेच, या कंपनीने २०२५-२६ च्या चौथ्या तिमाहीत उत्कृष्ट कामगिरी केली आहे. चला याबद्दल जाणून घेऊयात.

• टाटा मोटर्स ही देशातील लोकप्रिय ऑटो कंपनी
• वेगवेगळ्या सेगमेंटमध्ये दमदार कार ऑफर
• आर्थिक वर्ष २०२५-२६ साठी कंपनीने ६,३१,३८७ युनिट्सची विक्री नोंदवली

Tata Motors Passenger Vehicles Limited ने आर्थिक वर्ष २०२५-२६ च्या चौथ्या तिमाहीत उत्कृष्ट कामगिरी करत सर्व सेगमेंटमध्ये लक्षणीय वाढ नोंदवली आहे. मार्च २०२६ महिन्यात देशांतर्गत प्रवासी वाहनांची विक्री ६६,१९२ युनिट्सवर पोहोचली, जी मागील वर्षीच्या याच कालावधीतील ५१,६१६ युनिट्सच्या तुलनेत २८ टक्क्यांनी जास्त आहे.

तिमाहीच्या आकडेवारीनुसार, कंपनीची देशांतर्गत विक्री १,९८,७४३ युनिट्स इतकी झाली असून, ही वाढ मागील आर्थिक वर्षातील १,४६,१२७ युनिट्सच्या तुलनेत ३६ टक्के अधिक आहे. संपूर्ण आर्थिक वर्ष २०२५-२६ साठी कंपनीने ६,३१,३८७ युनिट्सची विक्री नोंदवली, जी वर्षागणिक १४ टक्क्यांची वाढ दर्शवते.

कार खरेदीदारांसाठी सर्वात महत्वाचा प्रश्न! Second Hand Car किती वर्ष जुनी असली पाहिजे?

आंतरराष्ट्रीय बाजारातही कंपनीने दमदार कामगिरी केली आहे. मार्च २०२६ मध्ये आंतरराष्ट्रीय विक्री ७७९ युनिट्सवर पोहोचली, जी मागील वर्षाच्या तुलनेत २०४ टक्क्यांनी अधिक आहे. तिमाहीतील विक्री २,६२५ युनिट्स झाली, तर वार्षिक स्तरावर ती १०,२०० युनिट्सपर्यंत वाढली, म्हणजेच २८१ टक्क्यांची वाढ.

एकूण प्रवासी वाहन विक्री (इलेक्ट्रिक वाहनांसह) मार्च २०२६ मध्ये ६६,९७१ युनिट्स झाली, जी २९ टक्क्यांनी वाढ दर्शवते. चौथ्या तिमाहीत एकूण विक्री २,०१,३६८ युनिट्स झाली असून, वार्षिक स्तरावर ती ६,४१,५८७ युनिट्सपर्यंत पोहोचली आहे.

इलेक्ट्रिक वाहन (EV) सेगमेंटमध्येही कंपनीने मजबूत वाढ नोंदवली आहे. मार्च २०२६ मध्ये ईव्ही विक्री ९,४९४ युनिट्स झाली, जी ७७ टक्क्यांनी वाढलेली आहे. तिमाहीत ईव्ही विक्री २६,९३१ युनिट्स झाली, तर वार्षिक विक्री ९२,१२० युनिट्सवर पोहोचली आहे.

Skoda Electric SUV: 600km रेंजसह लाँच होणार नवीन 7-सीटर EV, ‘हे’ आहेत दमदार लक्झरी फीचर्स

कंपनीचे व्यवस्थापकीय संचालक आणि सीईओ Shailesh Chandra यांनी सांगितले की, प्रवासी वाहन उद्योगात सणासुदीच्या हंगामामुळे आणि वाढत्या मागणीमुळे चांगली वाढ दिसून आली. पर्यावरणपूरक तंत्रज्ञानाकडे ग्राहकांचा कल वाढत असून, सीएनजी आणि ईव्ही वाहनांना मोठी मागणी मिळत आहे.

ते पुढे म्हणाले की, कंपनीने या वर्षात ६.४ लाखांहून अधिक वाहनांची विक्री करत ऐतिहासिक टप्पा गाठला आहे. एसयूव्ही सेगमेंटमध्ये Tata Nexon आणि Tata Punch या मॉडेल्सना मोठा प्रतिसाद मिळाला. आगामी काळात एसयूव्ही, सीएनजी आणि ईव्ही सेगमेंटमधील वाढ कायम राहण्याची अपेक्षा कंपनीने व्यक्त केली आहे.