Tata Punch EV खरेदी करण्याची तयारी? पाहिलं जाणून घ्या किती आहे वेटिंग पिरियड?

काही दिवसांपूर्वीच टाटा पंच ईव्हीचा फेसलिफ्ट व्हर्जन लाँच केले होते. जर तुम्ही ही कार खरेदी करण्याचा विचार करत असाल तर पहिले या कारचा वेटिंग पिरीयड किती? त्याबद्दल जाणून घेऊयात.

• टाटा पंच ईव्हीला भारतात चांगली मागणी
• किती आहे वेटिंग पिरियड?
• जाणून घ्या संपूर्ण माहिती

भारतीय ऑटो बाजारात इलेक्ट्रिक वाहनांची मागणी झपाट्याने वाढताना दिसत आहे. पर्यावरणपूरक आणि किफायतशीर पर्याय म्हणून ग्राहक आता EV कडे वळत आहेत. या वाढत्या ट्रेंडमध्ये Tata Motors आघाडीवर असून, कंपनीच्या इलेक्ट्रिक कार्सना मोठी पसंती मिळत आहे. टाटा मोटर्सने आपल्या लोकप्रिय मॉडेल्सचे इलेक्ट्रिक व्हर्जन सादर करत ग्राहकांचा विश्वास जिंकला आहे. त्यापैकी Tata Punch EV ही एक महत्त्वाची आणि आकर्षक SUV ठरली आहे. दमदार डिझाइन, आधुनिक फीचर्स आणि परवडणारी किंमत यामुळे ही कार शहरी तसेच ग्रामीण ग्राहकांमध्ये वेगाने लोकप्रिय होत आहे.

भारतातील आघाडीच्या वाहन उत्पादकांपैकी एक असलेल्या Tata Motors कडून विविध सेगमेंटमध्ये वाहनांची विक्री केली जाते. कंपनीने नुकत्याच लाँच केलेल्या Tata Punch EV च्या फेसलिफ्ट व्हर्जनची डिलिव्हरी सुरू केली आहे. तुम्हीही ही SUV खरेदी करण्याचा विचार करत असाल, तर ती घरी आणण्यासाठी किती प्रतीक्षा करावी लागेल, ते जाणून घेऊया.

लक्झरी आणि पॉवरचा परफेक्ट कॉम्बिनेशन! Audi India ने लाँच केली ‘Audi SQ8’; 4.1 सेकंदात गाठणार 100 किमीचा वेग

किती आहे वेटिंग पीरियड

मीडिया रिपोर्ट्सनुसार, Tata Punch EV खरेदीसाठी सध्या सुमारे 7 ते 10 आठवड्यांची प्रतीक्षा करावी लागू शकते. पंचच्या Smart 30 आणि Smart Plus 30 या व्हेरिएंट्सवर सर्वाधिक वेटिंग आहे. या मॉडेल्ससाठी ग्राहकांना सुमारे 8 ते 10 आठवडे थांबावे लागू शकते.

कोणत्या व्हेरिएंटवर कमी वेटिंग?

तसेच, Smart Plus 40, Adventure 40, Empowered Plus 40 आणि Empowered Plus S 40 या व्हेरिएंट्सवर तुलनेने कमी म्हणजे 7 ते 8 आठवड्यांची वेटिंग आहे. मात्र, ही प्रतीक्षा शहर आणि शोरूमनुसार बदलू शकते.

महाराष्ट्र सरकार EV खरेदीदारांवर मेहेरबान! राज्य सरकार टोल आणि सबसिडीपासून देणार मुक्ती, ‘असा’ आहे पूर्ण प्लॅन

फीचर्स

Tata Punch EV मध्ये अनेक आधुनिक फीचर्स देण्यात आले आहेत. यात 360-डिग्री कॅमेरा, LED हेडलाइट्स, कनेक्टेड LED टेललाइट्स, नवीन डिझाइनचे 16-इंच अलॉय व्हील्स, 10.25-इंच इन्फोटेनमेंट सिस्टम, डिजिटल इन्स्ट्रुमेंट क्लस्टर, ऑटो-डिमिंग IRVM आणि सिंगल सनरूफ यांचा समावेश आहे.