Audi India ने लाँच केली Audi SQ8
ही SUV भारतात ₹1,77,72,000 (एक्स-शोरूम) या प्रारंभिक किमतीत उपलब्ध असून, यासोबत 10 वर्षांचे कॉम्प्लिमेंटरी रोडसाइड असिस्टन्स आणि आकर्षक मेंटेनन्स पॅकेजेस दिले जात आहेत.
Audi India चे ब्रँड डायरेक्टर Balbir Singh Dhillon यांनी सांगितले की, Audi SQ8 ही SUV शक्ती, लक्झरी आणि दैनंदिन उपयोगिता यांचा उत्कृष्ट संगम आहे. परफॉर्मन्स कार्ससाठी भारतात वाढती मागणी लक्षात घेऊन ही SUV खास तयार करण्यात आली आहे.
3.8 सेकंदात 100 ची स्पीड! भारतात BMW M2 CS लाँच, किंमत नेहमीप्रमाणे कोटींच्या घरात
Audi SQ8 मध्ये 4.0-लिटर V8 TFSI इंजिन देण्यात आले आहे, जे 373 kW पॉवर आणि 770 Nm टॉर्क निर्माण करते. ही SUV केवळ 4.1 सेकंदांत 0 ते 100 किमी/तास वेग गाठते, तर तिचा टॉप स्पीड 250 किमी/तास (इलेक्ट्रॉनिक मर्यादित) आहे.
Quattro ऑल-व्हील ड्राइव्ह, ॲडप्टिव्ह एअर सस्पेन्शन आणि ऑल-व्हील स्टीयरिंगमुळे उत्कृष्ट नियंत्रण आणि स्थिरता मिळते.
Audi SQ8 चा लूक अतिशय स्पोर्टी आणि प्रीमियम आहे. यामध्ये HD मॅट्रिक्स LED हेडलाइट्स, Audi लेझर लाइट, 22-इंच अलॉय व्हील्स, S-विशिष्ट बंपर्स, फ्रेमलेस डोअर्स आणि पॅनोरॅमिक सनरूफ देण्यात आले आहेत.
कार्बन आणि ब्लॅक स्टाइलिंग पॅकेजेसमुळे तिचा आकर्षकपणा अधिक वाढतो.
SUV मध्ये स्पोर्ट सीट्स, मायक्रोफायबर/लेदर अपहोल्स्ट्री आणि पर्यायी Valcona लेदर सीट्स (मसाज, हीटिंग, व्हेंटिलेशनसह) दिल्या आहेत. Audi Virtual Cockpit Plus, MMI Navigation Plus आणि टच रिस्पॉन्स सिस्टममुळे ड्रायव्हिंग अनुभव अधिक स्मार्ट बनतो. Bang & Olufsen 3D प्रीमियम साउंड सिस्टम (17 स्पीकर्स, 730W) उत्कृष्ट ऑडिओ अनुभव देते.
4-झोन ऑटोमॅटिक AC (आयोनायझर व फ्रेग्रन्ससह)
360° कॅमेरा आणि पार्क असिस्ट
सॉफ्ट डोअर क्लोज
वायरलेस चार्जिंग
इलेक्ट्रिक बूट लिड
Audi SQ8 मध्ये 8 एअरबॅग्स, क्रूझ कंट्रोल, Audi Pre Sense Basic, लेन डिपार्चर वॉर्निंग आणि नाइट व्हिजन असिस्ट (पर्यायी) यांसारखी आधुनिक सुरक्षा प्रणाली देण्यात आली आहे.
