म्हणूनच Tata Motors ला तोड नाही! Women World Cup जिंकणाऱ्या प्रत्येक महिला क्रिकेटरला ‘ही’ खास SUV देणार भेट

Women World Cup मध्ये भारतीय महिला संघाने इतिहास रचून सगळ्यांचेच मन जिंकले आहे. नुकतेच टाटा मोटर्सने सुद्धा एक महत्वाची घोषणा केली आहे. कंपनी त्यांची आगामी कार महिला क्रिकेटर्सना भेट म्हणून देणार आहेत.

• Women World Cup मध्ये भारतीय महिलांची बाजी
• टाटा मोटर्सची मोठी घोषणा
• प्रत्येक महिला क्रिकेटरला भेट म्हणून Tata Sierra SUV देणार

भारतीय महिला संघाने साऊथ आफ्रिकेला हरवत Women’s World Cup आपल्या नावावर केले आणि संपूर्ण भारतात पुन्हा एकदा दिवाळी साजरा झाली. भारतीय महिला संघावर विविध क्षेत्रातील मान्यवरांनी शुभेच्छांचा वर्षाव केला. नुकतेच Tata Motors ने अलीकडेच एक महत्वाची आणि मोठी खास घोषणा केली आहे.

2025 चा विश्वचषक जिंकणाऱ्या भारतीय महिला क्रिकेट संघातील प्रत्येक खेळाडूला कंपनीने त्यांची आगामी नवीन Tata Sierra SUV भेट देण्याचा निर्णय घेतला आहे. महिला खेळाडूंच्या उत्कृष्ट कामगिरी आणि त्यांच्या ऐतिहासिक विजयाच्या सन्मानार्थ हा निर्णय घेण्यात आला आहे. चला याबद्दल सविस्तर जाणून घेऊया.

एका लिटर पेट्रोलमध्ये New Hyundai Venue किती मायलेज देईल?

कधी लाँच होणार Tata Sierra SUV?

टाटा मोटर्स येत्या 25 नोव्हेंबर रोजी त्यांची आयकॉनिक एसयूव्ही, सिएरा लाँच करणार आहे. ही एसयूव्ही कंपनीची आतापर्यंतची सर्वात प्रगत आणि वैशिष्ट्यपूर्ण कार असेल. यात सुधारित आधुनिक एक्सटिरिअर डिझाइन, प्रीमियम इंटिरिअर आणि लक्झरी फीचर्स असतील. नवीन सिएरामध्ये तीन डिजिटल स्क्रीन, बसण्याची उत्कृष्ट सोय आणि ड्रायव्हिंग सोपे करणारी अनेक फीचर्स असतील.

प्रत्येक खेळाडूला सिएराचे टॉप मॉडेल मिळणार

विश्वचषक विजेत्या भारतीय महिला क्रिकेट संघातील प्रत्येक खेळाडूला टाटा सिएराचा टॉप व्हेरिएंट भेट म्हणून दिला जाईल. संघात कर्णधार हरमनप्रीत कौर, उपकर्णधार स्मृती मानधना, जेमिमा रॉड्रिग्ज, शेफाली वर्मा, दीप्ती शर्मा, स्नेह राणा, रेणुका सिंग आणि राधा यादव यांच्यासह 16 खेळाडूंचा समावेश आहे. या सर्व खेळाडूंनी विश्वचषकातील अंतिम सामन्यात साऊथ आफ्रिकेला हरवून चांगली कामगिरी केली आणि भारताचे नाव उंचावले. म्हणूनच टाटा मोटर्सने त्यांच्या कठोर परिश्रम आणि संघभावनेची दखल घेत ही खास भेट देण्याचा निर्णय घेतला.

CNG भरताना आपल्याला ड्रायव्हर कारमधून का उतरवतो? फक्त सेफ्टी नव्हे तर ‘ही’ देखील आहेत कारणं

टाटा मोटर्सचे निवेदन

टाटा मोटर्स पॅसेंजर व्हेइकल्स लिमिटेडचे ​​एमडी आणि सीईओ शैलेश चंद्रा म्हणाले, “भारतीय महिला क्रिकेट संघाने त्यांच्या अपवादात्मक कामगिरीने संपूर्ण देशाला गौरव मिळवून दिला आहे. या दिग्गज खेळाडूंना आमची नवीन टाटा सिएरा एसयूव्ही भेट देताना आम्हाला अभिमान आहे. हा सन्मान त्यांच्या धैर्य, समर्पण आणि कामगिरीचा सन्मान आहे.”