अनोख्या स्टाईलमध्ये दिसली Tata Sierra, टिझरमध्ये दिसला ट्रिपल स्क्रिन डॅशबोर्ड

'या' नोव्हेंबरच्या महिन्यात Tata Sierra लाँच होण्यास सज्ज होत आहे. नुकतेच कंपनीने या कारचा नवीन टिझर लाँच केला आहे. चला याबद्दल अधिक माहिती जाणून घेऊयात.

• Tata Sierra लवकरच होणार लाँच
• नवीन टीझरमध्ये लाल रंग आणि ट्रिपल-स्क्रीन डॅशबोर्ड दिसले
• कार पेट्रोल, डिझेल आणि नंतर इलेक्ट्रिक व्हर्जनमध्ये लाँच केली जाईल

भारतीय ऑटो बाजारात अनेक ऑटो कंपन्या आहेत, ज्यांच्या कार्स नेहमीच ग्राहकांच्या पसंतीस उतरतात. अशीच एक आघाडीची ऑटो कंपनी म्हणजे Tata Motors. टाटाने नेहमीच ग्राहकांच्या मागणी आणि आवश्यकतेनुसार दमदार कार ऑफर केल्या आहेत. आता लवकरच कंपनी त्यांची नवीन कार Tata Sierra लाँच करण्याच्या तयारीत आहे.

टाटा मोटर्सने Tata Sierra चा एक नवीन टीझर रिलीज केला आहे. या नवीन टीझरमध्ये टाटा सिएराचा नवीन कलर आणि डॅशबोर्ड सेटअप दाखवण्यात आला. टाटा ही नवीन एसयूव्ही 25 नोव्हेंबर 2025 रोजी लाँच करणार आहे. ती अनेक प्रभावी फीचर्सनी सुसज्ज आहे. नवीन टाटा सिएरा कोणत्या खास फीचर्ससह येईल याबद्दल जाणून घेऊयात.

होंडा मोटरसायकल आणि स्कूटर इंडिया कंपनीने ऑक्टोबर 2025 मध्ये 6.50 लाख युनिट्सची केली विक्री

Tata Sierra चा नवीन टिझर

नवीन टाटा सिएरा ही कार एका नवीन कलर ऑप्शनमध्ये सादर करण्यात आली आहे. टीझरमध्ये ही कार गडद लाल रंगात दाखवण्यात आली आहे, जी एसयूव्हीला प्रीमियम आणि बोल्ड लूक देते. हा रंग सिएराच्या मस्क्युलर डिझाइन, स्क्वेअर व्हील आर्च आणि जुन्या मॉडेलपासून प्रेरित ग्लासहाऊस प्रोफाइलला आणखी वाढवतो.

मिळणार ट्रिपल स्क्रीन डॅशबोर्ड

टाटा सिएराच्या नवीन टीझरमध्ये ट्रिपल-स्क्रीन लेआउट देखील दाखवण्यात आला आहे, जो कोणत्याही टाटा कारसाठी पहिला आहे. यात डिजिटल ड्रायव्हर डिस्प्ले, एक मोठी सेंट्रल इन्फोटेनमेंट टचस्क्रीन आणि पॅसेंजर-साइड स्क्रीन आहे. हे सेटअप केबिनला एक हाय-टेक, पॅनोरॅमिक आणि फ्युचरिस्टिक फील देते.

Royal Enfield ने इतिहास रचला! बुलेट 650 क्लासिक शैलीत दाखल, मिळणार शक्तिशाली 650cc इंजिन

पूर्वी दिसणाऱ्या टेस्ट म्यूल्समध्ये कनेक्टेड एलईडी टेललॅम्प, फ्लश डोअर हँडल, पॅनोरॅमिक ग्लास रूफ आणि ब्लॅक ओआरव्हीएम सारखी फीचर्स दर्शविली आहेत. या लाल रंगाव्यतिरिक्त, लाँचच्या वेळी इतर अनेक नवीन आणि आकर्षक पेंट पर्याय देखील उपलब्ध असण्याची अपेक्षा आहे.

इंजिन?

टाटा सिएरा सुरुवातीला पेट्रोल आणि डिझेल इंजिन ऑप्शनसह लाँच केली जाईल, तर नंतर याचे ईव्ही व्हर्जन देखील सादर केले जाईल. त्यात नवीन 1.5 लिटर टर्बो पेट्रोल इंजिन आणि 2.0 लिटर क्रियोटेक डिझेल इंजिन असण्याची अपेक्षा आहे. दोन्ही इंजिन मॅन्युअल आणि ऑटोमॅटिक गिअरबॉक्ससह उपलब्ध असतील.