फेब्रुवारी 2026 मध्ये ‘या’ Bikes चा वेगळाच दरारा! ग्राहकांचा मिळाला उदंड प्रतिसाद

फेब्रुवारी 2026 ग्राहकांनी भरभरून बाईक्स खरेदी केल्यात. मात्र, मागील महिन्यातील टॉप 5 बाईक कोणत्या? चला याबद्दल जाणून घेऊयात.

• फेब्रुवारी 2026 मध्ये वेगवेगळ्या बाईक्सची विक्री
• Hero Splendor ठरली सर्वाधिक विक्री होणार बाईक
• जाणून घ्या टॉप 5 बाईक्सबद्दल

भारतात मोठ्या प्रमाणात बाईकच्या विक्रीत वाढ होताना दिसत आहे. यामुळे देशात मोठ्या प्रमाणावर लोक बाईक्सचा वापर वाढतोय. मीडिया रिपोर्ट्सनुसार फेब्रुवारी 2026 मध्ये कोणत्या कंपनीच्या कोणत्या बाईक्सना सर्वाधिक पसंती मिळाली, याची माहिती पुढीलप्रमाणे आपण जाणून घेणार आहोत:

पहिल्या क्रमांकावर Hero Splendor

Hero MotoCorp कडून ऑफर करण्यात येणारी ही एंट्री-लेव्हल बाईक नेहमीप्रमाणे विक्रीत अव्वल ठरली. फेब्रुवारी 2026 मध्ये तिच्या सुमारे 3.09 लाख युनिट्स विकल्या गेल्या, तर मागील वर्षी याच काळात सुमारे 1.94 लाख युनिट्सची विक्री झाली होती.

Honda Cars च्या किंमती गगनाला भिडण्याची शक्यता? ‘या’ तारखेपासून वाढू शकते किंमत

दुसऱ्या क्रमांकावर Honda Shine 125

Honda ची ही बाईक विक्रीत दुसऱ्या स्थानावर राहिली. फेब्रुवारी 2026 मध्ये तिच्या 1.38 लाखांहून अधिक युनिट्सची विक्री झाली, तर मागील वर्षी या काळात सुमारे 1.39 लाख युनिट्स विकल्या गेल्या होत्या.

तिसऱ्या क्रमांकावर Hero HF Deluxe

हीरो मोटोकॉर्पची ही एंट्री-लेव्हल बाईकही ग्राहकांमध्ये लोकप्रिय आहे. फेब्रुवारी 2026 मध्ये तिच्या 71 हजारांहून अधिक युनिट्सची विक्री झाली, तर 2025 मध्ये याच काळात सुमारे 70 हजार युनिट्स विकल्या गेल्या होत्या.

मिडल क्लास पब्लिकसाठी Hero च्या ‘या’ Bikes म्हणजे एकदम झकास! किंमत फक्त 56,742 रुपयांपासून सुरु

चौथ्या क्रमांकावर Bajaj Pulsar 125

Bajaj Auto कडून 125cc सेगमेंटमध्ये ऑफर करण्यात येणारी ही बाइक फेब्रुवारी 2026 मध्ये 58 हजारांहून अधिक युनिट्ससह चौथ्या क्रमांकावर राहिली. 2025 मध्ये याच कालावधीत सुमारे 54 हजार युनिट्स विकल्या गेल्या होत्या.

Top 5 मध्ये TVS Apache

TVS Motor Company ची Apache सिरीजही टॉप 5 मध्ये सामील झाली. फेब्रुवारी 2026 मध्ये 45 हजारांहून अधिक युनिट्सची विक्री झाली, तर मागील वर्षी फेब्रुवारीमध्ये सुमारे 3 हजार युनिट्स विकल्या गेल्या होत्या.