फोटो सौजन्य: Gemini
आजच्या काळात Electric Bikes ची लोकप्रियता झपाट्याने वाढताना दिसत आहे. पेट्रोल-डिझेलच्या वाढत्या किमतींमुळे आणि पर्यावरणपूरक पर्यायांची वाढती गरज लक्षात घेता ग्राहक आता मोठ्या प्रमाणावर इलेक्ट्रिक वाहनांकडे वळत आहेत. विशेष म्हणजे, पूर्वी इलेक्ट्रिक बाइक्स फक्त कमी वेग आणि मर्यादित वापरासाठी ओळखल्या जात होत्या, मात्र आता तंत्रज्ञानातील प्रगतीमुळे या बाइक्स स्पीड, परफॉर्मन्स आणि फीचर्सच्या बाबतीत पारंपरिक पेट्रोल बाइक्सना टक्कर देत आहेत.
याशिवाय, कमी मेंटेनन्स खर्च, सायलेंट राइडिंग अनुभव आणि सरकारी सबसिडी यांसारख्या फायद्यांमुळेही इलेक्ट्रिक बाइक्स अधिक आकर्षक ठरत आहेत. शहरातील दैनंदिन वापरापासून ते लाँग राइडपर्यंत विविध गरजांसाठी आता अनेक पर्याय उपलब्ध झाले आहेत. चांगली रेंज, आधुनिक फीचर्स आणि दमदार परफॉर्मन्स देणाऱ्या 5 किफायतशीर इलेक्ट्रिक बाइक्सबद्दल जाणून घेऊया.
ही एक लोकप्रिय इलेक्ट्रिक बाइक असून यात Eco, Normal आणि Sport असे तीन राइडिंग मोड्स मिळतात. ही बाइक सुमारे 85 किमी/तास वेगाने धावू शकते आणि एकदा चार्ज केल्यावर सुमारे 150 किमीपर्यंत रेंज देते. रोजच्या वापरासाठी ही योग्य मानली जाते. किंमत सुमारे 1.50 लाखांपासून सुरू होते.
Oben Rorr ही परफॉर्मन्स आणि रेंजचा उत्तम मिलाफ देणारी बाइक आहे. यात 4.4 kWh बॅटरी असून ती सुमारे 187 किमीपर्यंत रेंज देते. टॉप स्पीड जवळपास 100 किमी/तास आहे. शहर आणि हायवे दोन्हीसाठी ही चांगला पर्याय आहे. किंमत 1.50 लाखांपासून सुरू.
ही बाइक लांब रेंजसाठी ओळखली जाते. कंपनीच्या दाव्यानुसार ती सुमारे 500 किमीपर्यंत चालू शकते. टॉप स्पीड सुमारे 125 किमी/तास असून लाँग राइडसाठी योग्य आहे. किंमत सुमारे 1.10 लाख आहे.
ही एक प्रीमियम इलेक्ट्रिक बाइक असून यात ADAS आणि ड्युअल डॅशकॅमसारखे आधुनिक फीचर्स दिले आहेत. ही बाइक सुमारे 145 किमी/तास वेगाने धावू शकते. हाय-टेक आणि स्पोर्टी परफॉर्मन्समुळे ती वेगळी ठरते. किंमत 3.49 लाखांपासून सुरू.
या यादीतील सर्वात वेगवान बाइक म्हणून ही ओळखली जाते. ती सुमारे 155 किमी/तास टॉप स्पीड देते. दमदार पॉवर आणि टॉर्कमुळे ही एक हाय-परफॉर्मन्स इलेक्ट्रिक स्पोर्ट्स बाइक आहे. किंमत 3.99 लाखांपासून सुरू होते.
.png "Videos"){kind=small}
