फोटो सौजन्य: Pinterest
भारतात ऑटो मार्केटमध्ये अनेक उत्तम कंपन्या आहेत, ज्या बेस्ट कार ऑफर करत असतात. अशीच एक आघाडीची ऑटो कंपनी म्हणजे Toyota. कंपनीने वेगवेगळ्या सेगमेंटमध्ये कार ऑफर केल्या आहेत. मात्र, आता त्यांची लोकप्रिय MPV कंपनी भारतात बंद कारण्याच्या तयारीत आहेत.
भारतात विविध सेगमेंटमध्ये वाहने विक्री करणारी Toyota कंपनी लवकरच आपल्या लोकप्रिय एमपीव्ही मॉडेलला निरोप देण्याच्या तयारीत असल्याची चर्चा आहे. मीडिया रिपोर्ट्सनुसार, कंपनीची Toyota Innova Crysta ही कार भविष्यात बंद केली जाऊ शकते. मात्र, याबाबत कंपनीकडून अद्याप अधिकृत घोषणा करण्यात आलेली नाही.
डोळे झाकून खरेदी करा ‘ही’ कार! Bharat NCAP मध्ये मिळवली 5-स्टार रेटिंग, किंमत फक्त
सुरुवातीला ही गाडी 2025 पर्यंत बंद केली जाईल अशी माहिती होती. मात्र ताज्या रिपोर्ट्सनुसार, इनोव्हा क्रिस्टाची विक्री 2026 पर्यंत सुरू राहू शकते. त्यानंतर 2027 च्या सुरुवातीला भारतात या मॉडेलला अधिकृतपणे बंद केले जाऊ शकते.
या निर्णयामागे भारतात लागू होणारे CAFE 3 norms हे कडक नियम मुख्य कारण मानले जात आहेत. या नियमांचा उद्देश वाहनांमधून होणारे कार्बन उत्सर्जन कमी करणे हा आहे. त्यामुळे वाहन उत्पादकांना अधिक इंधन कार्यक्षम आणि कमी प्रदूषण करणारी वाहने विकसित करावी लागत आहेत.
तुमच्या केसाला सुद्धा धक्का लागणार नाही! ‘या’ आहेत देशातील Safest CNG Car
इनोव्हा क्रिस्टा ही लॅडर-फ्रेमवर आधारित डिझेल एमपीव्ही असून आकार आणि वजनाने मोठी आहे. त्यामुळे नवीन CAFE 3 नियमांचे पालन करणे कंपनीसाठी कठीण ठरत आहे. याच कारणामुळे टोयोटा या मॉडेलला भविष्यात पुढे न नेण्याचा विचार करू शकते.
जर इनोव्हा क्रिस्टा बंद झाली, तर कंपनीकडून Toyota Innova Hycross हा प्रमुख पर्याय म्हणून पुढे येऊ शकतो. ही कार हायब्रिड तंत्रज्ञान, आधुनिक फीचर्स आणि उत्तम मायलेजसह उपलब्ध आहे. तसेच, भविष्यात ग्राहकांना आकर्षित करण्यासाठी आणि फ्लीट ऑपरेटर्ससाठी याचे स्वस्त व्हेरिएंटही लाँच केले जाऊ शकतात.
.png "Videos"){kind=small}
